Psalmorum 50

1 Psalmus Asaph. Deus deorum Dominus locutus est: et vocavit terram, A solis ortu usque ad occasum:

Psalmus Asaph. [Deus deorum Dominus locutus est, et vocavit terram a solis ortu usque ad occasum.

2 ex Sion species decoris eius.

Ex Sion species decoris ejus:

3 Deus manifeste veniet: Deus noster et non silebit. Ignis in conspectu eius exardescet: et in circuitu eius tempestas valida.

Deus manifeste veniet; Deus noster, et non silebit. Ignis in conspectu ejus exardescet; et in circuitu ejus tempestas valida.

4 Advocabit cælum desursum: et terram discernere populum suum.

Advocabit cælum desursum, et terram, discernere populum suum.

5 Congregate illi sanctos eius: qui ordinant testamentum eius super sacrificia.

Congregate illi sanctos ejus, qui ordinant testamentum ejus super sacrificia.

6 Et annunciabunt cæli iustitiam eius: quoniam Deus iudex est.

Et annuntiabunt cæli justitiam ejus, quoniam Deus judex est.

7 Audi populus meus, et loquar: Israel, et testificabor tibi: Deus, Deus tuus ego sum.

Audi, populus meus, et loquar; Israël, et testificabor tibi: Deus, Deus tuus ego sum.

8 Non in sacrificiis tuis arguam te: holocausta autem tua in conspectu meo sunt semper.

Non in sacrificiis tuis arguam te; holocausta autem tua in conspectu meo sunt semper.

9 Non accipiam de domo tua vitulos: neque de gregibus tuis hircos.

Non accipiam de domo tua vitulos, neque de gregibus tuis hircos:

10 Quoniam meæ sunt omnes feræ silvarum, iumenta in montibus et boves.

quoniam meæ sunt omnes feræ silvarum, jumenta in montibus, et boves.

11 Cognovi omnia volatilia cæli: et pulchritudo agri mecum est.

Cognovi omnia volatilia cæli, et pulchritudo agri mecum est.

12 Si esuriero, non dicam tibi: meus est enim orbis terræ, et plenitudo eius.

Si esuriero, non dicam tibi: meus est enim orbis terræ et plenitudo ejus.

13 Numquid manducabo carnes taurorum? aut sanguinem hircorum potabo?

Numquid manducabo carnes taurorum? aut sanguinem hircorum potabo?

14 Immola Deo sacrificium laudis: et redde Altissimo vota tua.

Immola Deo sacrificium laudis, et redde Altissimo vota tua.

15 Et invoca me in die tribulationis: eruam te, et honorificabis me.

Et invoca me in die tribulationis: eruam te, et honorificabis me.

16 Peccatori autem dixit Deus: Quare tu enarras iustitias meas, et assumis testamentum meum per os tuum?

Peccatori autem dixit Deus: Quare tu enarras justitias meas? et assumis testamentum meum per os tuum?

17 Tu vero odisti disciplinam: et proiecisti sermones meos retrorsum:

Tu vero odisti disciplinam, et projecisti sermones meos retrorsum.

18 Si videbas furem, currebas cum eo: et cum adulteris portionem tuam ponebas.

Si videbas furem, currebas cum eo; et cum adulteris portionem tuam ponebas.

19 Os tuum abundavit malitia: et lingua tua concinnabat dolos.

Os tuum abundavit malitia, et lingua tua concinnabat dolos.

20 Sedens adversus fratrem tuum loquebaris, et adversus filium matris tuæ ponebas scandalum:

Sedens adversus fratrem tuum loquebaris, et adversus filium matris tuæ ponebas scandalum.

21 hæc fecisti, et tacui. Existimasti inique quod ero tui similis: arguam te, et statuam contra faciem tuam.

Hæc fecisti, et tacui. Existimasti inique quod ero tui similis: arguam te, et statuam contra faciem tuam.

22 Intelligite hæc qui obliviscimini Deum: nequando rapiat, et non sit qui eripiat.

Intelligite hæc, qui obliviscimini Deum, nequando rapiat, et non sit qui eripiat.

23 Sacrificium laudis honorificabit me: et illic iter, quo ostendam illi salutare Dei.

Sacrificium laudis honorificabit me, et illic iter quo ostendam illi salutare Dei.]