Psalmorum 20

1 In finem, Psalmus David. Exaudiat te Dominus in die tribulationis: protegat te nomen Dei Iacob.

In finem. Psalmus David. [Exaudiat te Dominus in die tribulationis; protegat te nomen Dei Jacob.

2 Mittat tibi auxilium de sancto: et de Sion tueatur te.

Mittat tibi auxilium de sancto, et de Sion tueatur te.

3 Memor sit omnis sacrificii tui: et holocaustum tuum pingue fiat.

Memor sit omnis sacrificii tui, et holocaustum tuum pingue fiat.

4 Tribuat tibi secundum cor tuum: et omne consilium tuum confirmet.

Tribuat tibi secundum cor tuum, et omne consilium tuum confirmet.

5 Lætabimur in salutari tuo: et in nomine Dei nostri magnificabimur.

Lætabimur in salutari tuo; et in nomine Dei nostri magnificabimur.

6 Impleat Dominus omnes petitiones tuas: nunc cognovi quoniam salvum fecit Dominus CHRISTUM suum. Exaudiet illum de cælo sancto suo: in potentatibus salus dexteræ eius.

Impleat Dominus omnes petitiones tuas; nunc cognovi quoniam salvum fecit Dominus christum suum. Exaudiet illum de cælo sancto suo, in potentatibus salus dexteræ ejus.

7 Hi in curribus, et hi in equis: nos autem in nomine Domini Dei nostri invocabimus.

Hi in curribus, et hi in equis; nos autem in nomine Domini Dei nostri invocabimus.

8 Ipsi obligati sunt, et ceciderunt: nos autem surreximus et erecti sumus.

Ipsi obligati sunt, et ceciderunt; nos autem surreximus, et erecti sumus.

9 Domine salvum fac regem: et exaudi nos in die, qua invocaverimus te.

Domine, salvum fac regem, et exaudi nos in die qua invocaverimus te.]