Psalmorum 11

1 In finem, Psalmus David. In Domino confido: quomodo dicitis animæ meæ: Transmigra in montem sicut passer?

In finem. Psalmus David. [In Domino confido; quomodo dicitis animæ meæ: Transmigra in montem sicut passer?

2 Quoniam ecce peccatores intenderunt arcum, paraverunt sagittas suas in pharetra, ut sagittent in obscuro rectos corde.

Quoniam ecce peccatores intenderunt arcum; paraverunt sagittas suas in pharetra, ut sagittent in obscuro rectos corde:

3 Quoniam quæ perfecisti, destruxerunt: iustus autem quid fecit?

quoniam quæ perfecisti destruxerunt; justus autem, quid fecit?

4 Dominus in templo sancto suo, Dominus in cælo sedes eius: Oculi eius in pauperem respiciunt: palpebræ eius interrogant filios hominum.

Dominus in templo sancto suo; Dominus in cælo sedes ejus. Oculi ejus in pauperem respiciunt; palpebræ ejus interrogant filios hominum.

5 Dominus interrogat iustum et impium: qui autem diligit iniquitatem, odit animam suam.

Dominus interrogat justum et impium; qui autem diligit iniquitatem, odit animam suam.

6 Pluet super peccatores laqueos: ignis, et sulphur, et spiritus procellarum pars calicis eorum.

Pluet super peccatores laqueos; ignis et sulphur, et spiritus procellarum, pars calicis eorum.

7 Quoniam iustus Dominus et iustitias dilexit: æquitatem vidit vultus eius.

Quoniam justus Dominus, et justitias dilexit: æquitatem vidit vultus ejus.]