Lamentationes 3
1 ALEPH. Ego vir videns paupertatem meam in virga indignationis eius.
ALEPH ego vir videns paupertatem meam in virga indignationis eius
2 ALEPH. Me minavit, et adduxit in tenebras, et non in lucem.
ALEPH me minavit et adduxit in tenebris et non in lucem
3 ALEPH. Tantum in me vertit, et convertit manum suam tota die.
ALEPH tantum in me vertit et convertit manum suam tota die
4 BETH. Vetustam fecit pellem meam, et carnem meam, contrivit ossa mea.
BETH vetustam fecit pellem meam et carnem meam contrivit ossa mea
5 BETH. Ædificavit in gyro meo, et circumdedit me felle, et labore.
BETH aedificavit in gyro meo et circumdedit me felle et labore
6 BETH. In tenebrosis collocavit me, quasi mortuos sempiternos.
BETH in tenebrosis conlocavit me quasi mortuos sempiternos
7 GHIMEL. Circumædificavit adversum me, ut non egrediar: aggravavit compedem meum.
GIMEL circumaedificavit adversum me ut non egrediar adgravavit conpedem meam
8 GHIMEL. Sed et cum clamavero, et rogavero, exclusit orationem meam.
GIMEL sed et cum clamavero et rogavero exclusit orationem meam
9 GHIMEL. Conclusit vias meas lapidibus quadris, semitas meas subvertit.
GIMEL conclusit vias meas lapidibus quadris semitas meas subvertit
10 DALETH. Ursus insidians factus est mihi: leo in absconditis.
DELETH ursus insidians factus est mihi leo in absconditis
11 DALETH. Semitas meas subvertit, et confregit me: posuit me desolatam.
DELETH semitas meas subvertit et confregit me posuit me desolatam
12 DALETH. Tetendit arcum suum, et posuit me quasi signum ad sagittam.
DELETH tetendit arcum suum et posuit me quasi signum ad sagittam
13 HE. Misit in renibus meis filias pharetræ suæ.
HE misit in renibus meis filias faretrae suae
14 HE. Factus sum in derisum omni populo meo, canticum eorum tota die.
HE factus sum in derisu omni populo meo canticum eorum tota die
15 HE. Replevit me amaritudinibus, inebriavit me absynthio.
HE replevit me amaritudinibus inebriavit me absinthio
16 VAU. Et fregit ad numerum dentes meos, cibavit me cinere.
VAV et fregit ad numerum dentes meos cibavit me cinere
17 VAU. Et repulsa est a pace anima mea, oblitus sum bonorum.
VAV et repulsa est anima mea oblitus sum bonorum
18 VAU. Et dixi: Periit finis meus, et spes mea a Domino.
VAV et dixi periit finis meus et spes mea a Domino
19 ZAIN. Recordare paupertatis, et transgressionis meæ, absinthii, et fellis.
ZAI recordare paupertatis et transgressionis meae absinthii et fellis
20 ZAIN. Memoria memor ero, et tabescet in me anima mea.
ZAI memoria memor ero et tabescet in me anima mea
21 ZAIN. Hæc recolens in corde meo, ideo sperabo.
ZAI hoc recolens in corde meo ideo sperabo
22 HETH. Misericordiæ Domini quia non sumus consumpti: quia non defecerunt miserationes eius.
HETH misericordiae Domini quia non sumus consumpti quia non defecerunt miserationes eius
23 HETH. Novi diluculo, multa est fides tua.
HETH novae diluculo multa est fides tua
24 HETH. Pars mea Dominus, dixit anima mea: propterea expectabo eum.
HETH pars mea Dominus dixit anima mea propterea expectabo eum
25 TETH. Bonus est Dominus sperantibus in eum, animæ quærenti illum.
TETH bonus est Dominus sperantibus in eum animae quaerenti illum
26 TETH. Bonum est præstolari cum silentio salutare Dei.
TETH bonum est praestolari cum silentio salutare Domini
27 TETH. Bonum est viro, cum portaverit iugum ab adolescentia sua.
TETH bonum est viro cum portaverit iugum ab adulescentia sua
28 IOD. Sedebit solitarius, et tacebit: quia levavit super se.
IOTH sedebit solitarius et tacebit quia levavit super se
29 IOD. Ponet in pulvere os suum, si forte sit spes.
IOTH ponet in pulvere os suum si forte sit spes
30 IOD. Dabit percutienti se maxillam, saturabitur opprobriis.
IOTH dabit percutienti se maxillam saturabitur obprobriis
31 CAPH. Quia non repellet in sempiternum Dominus.
CAPH quia non repellet in sempiternum Dominus
32 CAPH. Quia si abiecit, et miserebitur secundum multitudinem misericordiarum suarum.
CAPH quia si abiecit et miserebitur secundum multitudinem misericordiarum suarum
33 CAPH. Non enim humiliavit ex corde suo, et abiecit filios hominum,
CAPH non enim humiliavit ex corde suo et abiecit filios hominis
34 LAMED. Ut conteret sub pedibus suis omnes vinctos terræ,
LAMED ut contereret sub pedibus suis omnes vinctos terrae
35 LAMED. Ut declinaret iudicium viri in conspectu vultus Altissimi.
LAMED ut declinaret iudicium viri in conspectu vultus Altissimi
36 LAMED. Ut perverteret hominem in iudicio suo, Dominus ignoravit.
LAMED ut perverteret hominem in iudicio suo Dominus ignoravit
37 MEM. Quis est iste, qui dixit ut fieret, Domino non iubente?
MEM quis est iste qui dixit ut fieret Domino non iubente
38 MEM. Ex ore Altissimi non egredientur nec mala nec bona?
MEM ex ore Altissimi non egredientur nec mala nec bona
39 MEM. Quid murmuravit homo vivens, vir pro peccatis suis?
MEM quid murmuravit homo vivens vir pro peccatis suis
40 NUN. Scrutemur vias nostras, et quæramus, et revertamur ad Dominum.
NUN scrutemur vias nostras et quaeramus et revertamur ad Dominum
41 NUN. Levemus corda nostra cum manibus ad Dominum in cælos.
NUN levemus corda nostra cum manibus ad Dominum in caelos
42 NUN. Nos inique egimus, et ad iracundiam provocavimus: idcirco tu inexorabilis es.
NUN nos inique egimus et ad iracundiam provocavimus idcirco tu inexorabilis es
43 SAMECH. Operuisti in furore, et percussisti nos: occidisti, nec pepercisti.
SAMECH operuisti in furore et percussisti nos occidisti nec pepercisti
44 SAMECH. Opposuisti nubem tibi, ne transeat oratio.
SAMECH opposuisti nubem tibi ne transeat oratio
45 SAMECH. Eradicationem, et abiectionem posuisti me in medio populorum.
SAMECH eradicationem et abiectionem posuisti me in medio populorum
46 PHE. Aperuerunt super nos os suum omnes inimici.
FE aperuerunt super nos os suum omnes inimici
47 PHE. Formido, et laqueus facta est nobis vaticinatio, et contritio.
FE formido et laqueus facta est nobis vaticinatio et contritio
48 PHE. Divisiones aquarum deduxit oculus meus, in contritione filiæ populi mei.
FE divisiones aquarum deduxit oculus meus in contritione filiae populi mei
49 AIN. Oculus meus afflictus est, nec tacuit, eo quod non esset requies,
AIN oculus meus adflictus est nec tacuit eo quod non esset requies
50 AIN. Donec respiceret et videret Dominus de cælis.
AIN donec respiceret et videret Dominus de caelis
51 AIN. Oculus meus deprædatus est animam meam in cunctis filiabus urbis meæ.
AIN oculus meus depraedatus est animam meam in cunctis filiabus urbis meae
52 SADE. Venatione ceperunt me quasi avem inimici mei gratis.
SADE venatione ceperunt me quasi avem inimici mei gratis
53 SADE. Lapsa est in lacum vita mea, et posuerunt lapidem super me.
SADE lapsa est in lacu vita mea et posuerunt lapidem super me
54 SADE. Inundaverunt aquæ super caput meum: dixi: Perii.
SADE inundaverunt aquae super caput meum dixi perii
55 COPH. Invocavi nomen tuum Domine de lacu novissimo.
COPH invocavi nomen tuum Domine de lacis novissimis
56 COPH. Vocem meam audisti: ne avertas aurem tuam a singultu meo, et clamoribus.
COPH vocem meam audisti ne avertas aurem tuam a singultu meo et clamoribus
57 COPH. Appropinquasti in die, quando invocavi te: dixisti: Ne timeas.
COPH adpropinquasti in die quando invocavi te dixisti ne timeas
58 RES. Iudicasti Domine causam animæ meæ, Redemptor vitæ meæ.
RES iudicasti Domine causam animae meae redemptor vitae meae
59 RES. Vidisti Domine iniquitatem illorum adversum me: iudica iudicium meum.
RES vidisti Domine iniquitatem adversum me iudica iudicium meum
60 RES. Vidisti omnem furorem, universas cogitationes eorum adversum me.
RES vidisti omnem furorem universas cogitationes eorum adversum me
61 SIN. Audisti opprobrium eorum Domine, omnes cogitationes eorum adversum me:
SEN audisti obprobria eorum Domine omnes cogitationes eorum adversum me
62 SIN. Labia insurgentium mihi; et meditationes eorum adversum me tota die.
SEN labia insurgentium mihi et meditationes eorum adversum me tota die
63 SIN. Sessionem eorum, et resurrectionem eorum vide, ego sum psalmus eorum.
SEN sessionem eorum et resurrectionem eorum vide ego sum psalmus eorum
64 THAU. Redes eis vicem Domine iuxta opera manuum suarum.
THAU reddes eis vicem Domine iuxta opera manuum suarum
65 THAU. Dabis eis scutum cordis laborem tuum.
THAU dabis eis scutum cordis laborem tuum
66 THAU. Persequeris in furore, et conteres eos sub cælis Domine.
THAU persequeris in furore et conteres eos sub caelis Domine
