Dagiti Salmo 149

1 Idaydayawyo ni Yahweh. Kantaanyo ni Yahweh iti baro a kanta; ikantayo ti pammadayaw kenkuana iti taripnong dagiti napudno.

הללו-יה שירו ליהוה שיר חדש תהלתו בקהל חסידים

2 Agrag-o koma ti Israel kenkuana a nangaramid kadakuada a maysa a nasion; agrag-o koma dagiti tattao ti Sion iti arida.

ישמח ישראל בעשיו בני-ציון יגילו במלכם

3 Idaydayawda koma ti naganna babaen iti salsala; agkantada koma kadagiti pammadayaw kenkuana babaen ti pandereta ken arpa.

יהללו שמו במחול בתף וכנור יזמרו-לו

4 Ta maragragsakan ni Yahweh kadagiti tattaona; itagtag-ayna ti napakumbaba babaen iti panangisalakanna kadakuada.

כי-רוצה יהוה בעמו יפאר ענוים בישועה

5 Agdayawdayaw koma dagiti nadiosan iti balligi; agkankantada koma nga addaan rag-o kadagiti pagiddaanda.

יעלזו חסידים בכבוד ירננו על-משכבותם

6 Adda koma kadagiti ngiwatda dagiti pammadayaw iti Dios ken kampilan nga agsinnumbangir ti tademna kadagiti imada tapno

רוממות אל בגרונם וחרב פיפיות בידם

7 agibales kadagiti nasion ken agtignay ti panangdusa kadagiti tattao.

לעשות נקמה בגוים תוכחות בלאמים

8 Rimpongenda kadagiti kadena dagiti ar-arida ken kadagiti kawar a landok dagiti opisial.

לאסר מלכיהם בזקים ונכבדיהם בכבלי ברזל

9 Ipatungpalda ti panangukom a naisurat. Agbalinto a pammadayaw daytoy kadagiti amin a napudno kenkuana. Idaydayawyo ni Yahweh.

לעשות בהם משפט כתוב-- הדר הוא לכל-חסידיו הללו-יה