Job 14

1 Ti tao a maiyanak iti babai, agbiag laeng iti sumagmamano nga al-aldaw ken napnoan ti riribuk.

Man that is born of a woman is of few days, and full of trouble.

2 Agrusing isuna manipud iti daga a kasla maysa a sabong ket makeltay; agpukaw isuna a kasla aniniwan ken saan nga agpaut.

He cometh forth like a flower, and is cut down: he fleeth also as a shadow, and continueth not.

3 Kumitkitaka kadi iti aniaman kadagitoy? Ikuyognak kadi iti pangukoman?

And dost thou open thine eyes upon such an one, and bringest me into judgment with thee?

4 Siasino ti makaiyeg ti maysa a banag a nadalus manipud ti maysa a banag a narugit? Awan.

Who can bring a clean thing out of an unclean? not one.

5 Naikeddengen dagiti al-aldaw ti tao; Adda kenka dagiti bilang dagiti bulbulanna; dinutokam ti pagpatinggaanna a saanna a mabalin a labsan.

Seeing his days are determined, the number of his months is with thee, and thou hast appointed his bounds that he cannot pass;

6 Iyadayom iti panagkitam kenkuana tapno makainana isuna, tapno maragragsakna ti aldawna a kas maysa a natangdanan a tao no maaramidna ti kasta.

Look away from him, that he may rest, till he shall accomplish, as an hireling, his day.

7 Adda ti namnama iti kayo; no mapukan daytoy, mabalin nga agrusing manen, a saanto nga agsardeng ti naganus a sangana.

For there is hope of a tree, if it be cut down, that it will sprout again, and that the tender branch thereof will not cease.

8 Uray no matangkenan ti ramutna iti daga, ken matay ti puonna iti daga,

Though the root thereof wax old in the earth, and the stock thereof die in the ground;

9 ngem uray makaangot laeng daytoy iti danum, agsaringitto daytoy ken agsanga a kas iti mula.

Yet through the scent of water it will bud, and put forth boughs like a plant.

10 Ngem matay ti tao; kumapsot isuna; pudno nga agsardeng nga aganges ti tao, ket sadino ti ayanna?

But man dieth, and wasteth away: yea, man giveth up the ghost, and where is he?

11 Kas ti panagawan ti danum iti dan-aw ken kas iti panagpukaw ken panagmaga ti danum iti karayan,

[As] the waters fail from the sea, and the river decayeth and drieth up;

12 kasta met ti panagidda dagiti tattao ken saanen a bumangon manen. Agingga nga awanen dagiti langit, saandanto nga agriing wenno mariing iti pannaturogda.

So man lieth down and riseth not: till the heavens be no more, they shall not awake, nor be roused out of their sleep.

13 O, nga ilemmengnak koma idiay sheol nga adayu manipud kadagiti riribuk, ken idulinnak iti nalimed agingga a malpas ti pungtotmo, a tudingannak iti maysa a nadutokan a tiempo nga agtalinaed sadiay ket lagipennak! (Sheol h7585)

Oh that thou wouldest hide me in Sheol, that thou wouldest keep me secret, until thy wrath be past, that thou wouldest appoint me a set time, and remember me! (Sheol h7585)

14 No matay ti tao, agbiagto aya manen? No kasta, tarigagayak nga urayen amin a pakabannogak sadiay agingga nga umay ti pannakawayawayak.

If a man die, shall he live [again]? all the days of my warfare would I wait, till my release should come.

15 Umawagkanto, ket sungbatanka. Agtarigagaykanto kadagiti trabaho dagiti imam.

Thou shouldest call, and I would answer thee: thou wouldest have a desire to the work of thine hands.

16 Bilangen ken imdengamto dagiti addangko; saanmonto a kankanayon a siputan ti basolko.

But now thou numberest my steps: dost thou not watch over my sin?

17 Maidulinto dagiti basbasolko iti maysa a supot; kallubamto dagiti kinadakesko.

My transgression is sealed up in a bag, and thou fastenest up mine iniquity.

18 Ngem uray dagiti banbantay ket agriggaay ken agbalin nga awan mamaayna; uray dagiti batbato ket maiyakar kadagiti ayanda;

And surely the mountain falling cometh to nought, and the rock is removed out of its place;

19 runoten dagiti danum dagiti batbato; iyanod ti panaglayusda ti tapuk ti daga. Kas iti daytoy, dadaelem dagiti namnama ti tao.

The waters wear the stones; the overflowings thereof wash away the dust of the earth: and thou destroyest the hope of man.

20 Kankanayonmo a parmeken isuna, ket aglabas isuna; baliwam ti rupana ken papanawem tapno matay isuna.

Thou prevailest for ever against him, and he passeth; thou changest his countenance, and sendest him away.

21 Maidaydayaw dagiti annakna a lallaki, ngem saanna nga ammo daytoy; mabalin a maipababada, ngem saanna a makita a mapasamak daytoy.

His sons come to honour, and he knoweth it not; and they are brought low, but he perceiveth it not of them.

22 Mariknana laeng ti ut-ot ti bukodna a bagi, ken agladingit isuna para iti bagina.

But his flesh upon him hath pain, and his soul within him mourneth.