Sálmarnir 47

1 Komið allar þjóðir! Klappið saman höndum af gleði! Hrópið af fögnuði fyrir Guði!

2 Drottinn er æðri öllum guðum. Hann er ógurlegur. Honum verður ekki með orðum lýst. Hann er konungur til endimarka jarðarinnar.

3 Hann hefur beygt þjóðir undir sig

4 og valið úr yndislegt land og gefið okkur, þjóð sinni, Ísrael.

5 Guð er stiginn upp með miklu hrópi og hvellum lúðurhljómi.

6 Lofsyngið Guði, konungi okkar. Já, syngið lofgjörðarsöng fyrir konunginn,

7 konung allrar jarðarinnar. Lofsyngið Guði!

8 Hann ríkir yfir þjóðunum. Hann situr á hásæti sínu.

9 Leiðtogar heimsins koma og taka undir lofgjörðina með lýð Guðs Abrahams. Skjaldarmerki þjóðanna eru sigurtákn hans. Hann er mjög upphafinn. Hann er konungur alls heimsins.