< איוב 30 >
ועתה שחקו עלי צעירים ממני לימים אשר מאסתי אבותם לשית עם כלבי צאני׃ | 1 |
Ныне же поругашамися малейшии: ныне учат мя от части, ихже отцев уничтожах, ихже не вменях достойными псов моих стад.
גם כח ידיהם למה לי עלימו אבד כלח׃ | 2 |
Крепость же рук их во что мне бысть? У них погибаше скончание.
בחסר ובכפן גלמוד הערקים ציה אמש שואה ומשאה׃ | 3 |
В скудости и гладе безплоден: иже бежаху в безводное вчера сотеснение и бедность:
הקטפים מלוח עלי שיח ושרש רתמים לחמם׃ | 4 |
иже обхождаху былие в дебрех, имже былие бяше брашно, безчестнии же и похуленнии, скудни всякаго блага, иже и корение древес жваху от глада великаго.
מן גו יגרשו יריעו עלימו כגנב׃ | 5 |
Восташа на мя татие,
בערוץ נחלים לשכן חרי עפר וכפים׃ | 6 |
ихже домове беша пещеры каменны:
בין שיחים ינהקו תחת חרול יספחו׃ | 7 |
от среды доброгласных возопиют, иже под хврастием дивиим живяху:
בני נבל גם בני בלי שם נכאו מן הארץ׃ | 8 |
безумных сынове и безчестных, имя и слава угашена на земли.
ועתה נגינתם הייתי ואהי להם למלה׃ | 9 |
Ныне же гусли есмь аз им, и мене в притчу имут:
תעבוני רחקו מני ומפני לא חשכו רק׃ | 10 |
возгнушалися же мною отступивше далече, ни лица моего пощадеша от плюновения.
כי יתרו פתח ויענני ורסן מפני שלחו׃ | 11 |
Отверз бо тул Свой уязви мя, и узду устам моим наложи.
על ימין פרחח יקומו רגלי שלחו ויסלו עלי ארחות אידם׃ | 12 |
На десную отрасли восташа, нозе свои простроша и путесотвориша на мя стези пагубы своея.
נתסו נתיבתי להותי יעילו לא עזר למו׃ | 13 |
Сотрошася стези моя, совлекоша бо ми одежду.
כפרץ רחב יאתיו תחת שאה התגלגלו׃ | 14 |
Стрелами своими устрели мя: сотвори ми, якоже восхоте: в болезнех скисохся, обращаются же ми скорби.
ההפך עלי בלהות תרדף כרוח נדבתי וכעב עברה ישעתי׃ | 15 |
Отиде ми надежда якоже ветр, и якоже облак спасение мое.
ועתה עלי תשתפך נפשי יאחזוני ימי עני׃ | 16 |
И ныне на мя излиется душа моя: и одержат мя дние печалей:
לילה עצמי נקר מעלי וערקי לא ישכבון׃ | 17 |
нощию же кости моя смятошася, жилы же моя разслабеша.
ברב כח יתחפש לבושי כפי כתנתי יאזרני׃ | 18 |
Многою крепостию ятся за ризу мою: якоже ожерелие ризы моея объя мя.
הרני לחמר ואתמשל כעפר ואפר׃ | 19 |
Вменяеши же мя равна брению, в земли и пепеле часть моя.
אשוע אליך ולא תענני עמדתי ותתבנן בי׃ | 20 |
Возопих же к Тебе, и не услышал мя еси: сташа же и смотриша на мя.
תהפך לאכזר לי בעצם ידך תשטמני׃ | 21 |
Наидоша же на мя без милости, рукою крепкою уязвил мя еси:
תשאני אל רוח תרכיבני ותמגגני תשוה׃ | 22 |
вчинил же мя еси в болезнех и отвергл еси мя от спасения.
כי ידעתי מות תשיבני ובית מועד לכל חי׃ | 23 |
Вем бо, яко смерть мя сотрет: дом бо всякому смертну земля.
אך לא בעי ישלח יד אם בפידו להן שוע׃ | 24 |
Аще бы возможно было, сам бых себе убил, или молил бых иного, дабы ми то сотворил.
אם לא בכיתי לקשה יום עגמה נפשי לאביון׃ | 25 |
Аз же о всяцем немощнем восплакахся, воздохнух же видев мужа в бедах.
כי טוב קויתי ויבא רע ואיחלה לאור ויבא אפל׃ | 26 |
Аз же ждах благих, и се, сретоша мя паче дние зол.
מעי רתחו ולא דמו קדמני ימי עני׃ | 27 |
Чрево мое воскипе и не умолчит: предвариша мя дние нищеты.
קדר הלכתי בלא חמה קמתי בקהל אשוע׃ | 28 |
Стеня ходих без обуздания, стоях же в соборе вопия.
אח הייתי לתנים ורע לבנות יענה׃ | 29 |
Брат бых сиринам, друг же птичий.
עורי שחר מעלי ועצמי חרה מני חרב׃ | 30 |
Кожа же моя помрачися вельми, и кости моя сгореша от зноя.
ויהי לאבל כנרי ועגבי לקול בכים׃ | 31 |
Обратишася же в плачь гусли моя, песнь же моя в рыдание мне.