תהילים 108

1 שיר מזמור לדוד נכון לבי אלהים אשירה ואזמרה אף-כבודי

[Psalm lal David] Arulana pulaik insiuk, O God! Nga fah on ac kaksakin kom. Ngutalik, O ngunik!

2 עורה הנבל וכנור אעירה שחר

Ngutalik, harp nutik ac lyre nutik! Nga ac fah okasak faht uh.

3 אודך בעמים יהוה ואזמרך בלאמים

Nga fah sot kulo nu sum, O LEUM GOD, inmasrlon mutunfacl uh. Nga fah kaksakin kom inmasrlon mwet uh.

4 כי-גדול מעל-שמים חסדך ועד-שחקים אמתך

Lungse kawil lom sowak fulat liki kusrao; Oaru lom sun pukunyeng uh.

5 רומה על-שמים אלהים ועל כל-הארץ כבודך

O God, akkalemye fulat lom yen engyeng uh, Ac wolana lom fin faclu nufon.

6 למען יחלצון ידידיך הושיעה ימינך וענני

Molikutla ke ku lom. Topuk pre luk, Tuh mwet su kom lungse fah ku in moliyukla.

7 אלהים דבר בקדשו--אעלזה אחלקה שכם ועמק סכות אמדד

Liki acn mutal sel, God El fahk, “Ke sripen nga kutangla, nga fah kitalik acn Shechem Ac oralik Infahlfal Sukkoth nu sin mwet luk.

8 לי גלעד לי מנשה ואפרים מעוז ראשי יהודה מחקקי

Ma luk pa acn Gilead, oayapa acn Manasseh; Acn Ephraim, mwe loeyen sifuk, Ac acn Judah pa scepter luk.

9 מואב סיר רחצי--על-אדום אשליך נעלי עלי-פלשת אתרועע

A nga fah orekmakin acn Moab oana sie ahlu in winwin luk; Nga fah sisang fahluk luk nu fin acn Edom In akkalemye lah ma luk pa acn we. Nga fah sala ke kutangla luk fin mwet Philistia.”

10 מי יבלני עיר מבצר מי נחני עד-אדום

O God, su ac fah usyula nu in siti se oasr pot we? Su ac fah kolyula nu Edom?

11 הלא-אלהים זנחתנו ולא-תצא אלהים בצבאתינו

Ya kom siskutla na pwaye? Ya kom ac tia wi mwet mweun lasr uh illa?

12 הבה-לנו עזרת מצר ושוא תשועת אדם

Kasrekut lain mwet lokoalok lasr, Mweyen kasru sin mwet uh wangin sripa.

13 באלהים נעשה-חיל והוא יבוס צרינו

Ke God El wi kut lac, kut ac fah kutangla; El ac fah kutangla mwet lokoalok lasr uh.