Halelu 90

1 E KA Haku, he puuhonua no oe no makou i kela hanauna i keia hanauna.

תפלה למשה איש-האלהים אדני--מעון אתה היית לנו בדר ודר

2 Mamua aku o ka hanau ana o na mauna, A me kou hoomaka ana i ka honua a me ke ao nei, O oe no ke Akua, mai kahiko loa mai, a mau loa aku no.

בטרם הרים ילדו-- ותחולל ארץ ותבל ומעולם עד-עולם אתה אל

3 Ke hoihoi aku nei oe i ke kanaka i ka lepo; A olelo mai no hoi, E hoi oukou, e na keiki a kanaka.

תשב אנוש עד-דכא ותאמר שובו בני-אדם

4 No ka mea, o na makahiki he tausani imua o kou mau maka, Ua like no me ka la inehinei i hala aku la, Me he kiai la hoi o ka po.

כי אלף שנים בעיניך-- כיום אתמול כי יעבר ואשמורה בלילה

5 Hookahe aku no oe ia lakou, he hiamoe no lakou; I ke kakahiaka kupu mai no ia me he mauu la.

זרמתם שנה יהיו בבקר כחציר יחלף

6 Pua mai no ia i ke kakahiaka a mohala iho, A i ke ahiahi ua okiia ia ilalo a mae wale iho la.

בבקר יציץ וחלף לערב ימולל ויבש

7 No ka mea, ua hoopauia makou i kou huhu, Ua oki loa hoi makou i kou inaina.

כי-כלינו באפך ובחמתך נבהלנו

8 Ua kau no oe i ko makou hewa imua ou, A mo ka makou mea malu, ma ka malamalama o kou maka.

שת (שתה) עונתינו לנגדך עלמנו למאור פניך

9 No ka mea, i kou huhu, ua hala'e ko makou mau la a pau; Ke hoopau nei makou i ko makou mau makahiki me he manao la.

כי כל-ימינו פנו בעברתך כלינו שנינו כמו-הגה

10 O na la o ko makou mau makahiki. He kanahiku, makahiki iloko o laila; Aka, ina no ka ikaika he kanawalu makahiki lakou, Alaila, o ko lakou ikaika, he luhi wale no ia, a me ke kaumaha; No ka mea, hooki koke ia ia, a lele aku la makou.

ימי-שנותינו בהם שבעים שנה ואם בגבורת שמונים שנה-- ורהבם עמל ואון כי-גז חיש ונעפה

11 Owai ka mea i ike i ka ikaika o kou huhu? No ka mea, e like me ka makau ia oe, pela no kou ukiuki mai.

מי-יודע עז אפך וכיראתך עברתך

12 E ao mai oe i ka helu i ko makou mau la, I komo mai ai ke akamai iloko o ko makou naau.

למנות ימינו כן הודע ונבא לבב חכמה

13 E hoi mai oe, e Iehova, pehea la ka loihi? A e minamina mai hoi i kau poe kauwa.

שובה יהוה עד-מתי והנחם על-עבדיך

14 E hoomaona koke mai oe ia makou i ka lokomaikai, I hauoli ai makou, a olioli hoi i ko makou mau la a pau.

שבענו בבקר חסדך ונרננה ונשמחה בכל-ימינו

15 E hoohauoli mai oe ia makou, e like me na la o kou hoopilikia ana ia makou, A me na makahiki hoi a makou i ike ai i ka hewa.

שמחנו כימות עניתנו שנות ראינו רעה

16 E hoike mai oe i kau hana i kau poe kauwa, A me kou hanohano hoi i ka lakou poe keiki.

יראה אל-עבדיך פעלך והדרך על-בניהם

17 E hoonoho mai maluna o makou i ke aloha o Iehova ko makou Akua: E hoopaa mai oe i ka hana a ko makou lima me makou; Oia, o ka hana a ko makou mau lima, e hoopaa mai oe ia.

ויהי נעם אדני אלהינו-- עלינו ומעשה ידינו כוננה עלינו ומעשה ידינו כוננהו