Ioba 31

1 U A hana au i berita me kuu mau maka; A no ke aha la au e nana aku ai i ke kaikamahine?

ברית כרתי לעיני ומה אתבונן על-בתולה

2 A heaha ka haawina a ke Akua mai luna mai? Heaha hoi ka hooilina a ka Mea mana mai kahi kiekie mai?

ומה חלק אלוה ממעל ונחלת שדי ממרמים

3 Aole anei he make no ka poe pono ole? A me ka luku no ka poe hana hewa?

הלא-איד לעול ונכר לפעלי און

4 Aole anei ia i ike i ko'u mau aoao, A i helu hoi i kuu mau kapuwai a pau?

הלא-הוא יראה דרכי וכל-צעדי יספור

5 Ina ua hele au ma ka wahahee, Ina ua lalelale kuu wawae i ka hoopunipuni;

אם-הלכתי עם-שוא ותחש על-מרמה רגלי

6 E kaupaonaia au ma ke kaupaona pono, I ike ai ke Akua i kuu oiaio.

ישקלני במאזני-צדק וידע אלוה תמתי

7 Ina ua kapae kuu hele ana mai ke ala aku, A ua hele kuu naau mamuli o ko'u mau maka, Ina ua pili ke kina i kuu mau lima;

אם תטה אשרי מני הדרך ואחר עיני הלך לבי ובכפי דבק מאום

8 Alaila e lulu no au, a na hai e ai; A e uhukiia kuu mea ulu.

אזרעה ואחר יאכל וצאצאי ישרשו

9 Ina ua hoowalewaleia ko'u naau e ka wahine, Ina ua hoohalua au ma ka puka o ko'u hoalauna;

אם-נפתה לבי על-אשה ועל-פתח רעי ארבתי

10 Alaila e kaapalaoa ka'u wahine na hai, A e kulou na mea e maluna ona.

תטחן לאחר אשתי ועליה יכרעון אחרין

11 No ka mea, he hewa nui no ia, A he lawehala no ia imua o na lunakanawai.

כי-הוא (היא) זמה והיא (והוא) עון פלילים

12 No ka mea, he ahi ia e hoopau ana, a i ka make, A e uhuki no ia i ka'u mea loaa a pau.

כי אש היא עד-אבדון תאכל ובכל-תבואתי תשרש

13 Ina ua hoowahawaha au i ka hoopono ana i ka'u kauwakane a me ka'u kauwawahine, Ia lakou i hoopaapaa pu ai me au;

אם-אמאס--משפט עבדי ואמתי ברבם עמדי

14 Heaha ka'u e hana aku ai ke ku mai ke Akua? A ke hookolokolo mai ia, heaha ka'u e olelo aku ai ia ia?

ומה אעשה כי-יקום אל וכי-יפקד מה אשיבנו

15 Aole anei ka mea nana au i hana iloko o ka opu i hana hoi ia ia? I hana hoi oia ia maua iloko o ka opu hookahi?

הלא-בבטן עשני עשהו ויכננו ברחם אחד

16 Ina ua hoole au i ka makemake o ka poe ilihune, A ua hoonawaliwali i na maka o ka wahinekanemake;

אם-אמנע מחפץ דלים ועיני אלמנה אכלה

17 A ina ua ai au i ka'u wahi ai iki, owau wale no, A i ai ole hoi ka mea makua ole ia mea;

ואכל פתי לבדי ולא-אכל יתום ממנה

18 (No ka mea, mai kuu wa opio mai, ua ulu pu ia me au me he makuakane la, A mai ka opu mai o ko'u makuwahine ua alakai au ia ia: )

כי מנעורי גדלני כאב ומבטן אמי אנחנה

19 Ina ua ike au i ka mea e make ana i ke kapa ole, A i ka mea ilihune me ka mea uhi ole;

אם-אראה אובד מבלי לבוש ואין כסות לאביון

20 Ina ua hoomaikai ole kona puhaka ia'u, A ua pumahana ole ia i ka hulu o ka'u poe hipa;

אם-לא ברכוני חלצו ומגז כבשי יתחמם

21 Ina ua kau aku au i kuu lima maluna o ka mea makua ole, I ka manawa a'u i ike ai i kuu kokua ma ka ipuka:

אם-הניפותי על-יתום ידי כי-אראה בשער עזרתי

22 Alaila e haule iho kuu lima mai ka poohiwi aku, A e haki kuu lima mai ka iwi poohiwi aku.

כתפי משכמה תפול ואזרעי מקנה תשבר

23 No ka mea, he mea weliweli ia'u ka hoopai ana o ke Akua, A no kona kiekie aole loa au i hoomanawanui.

כי פחד אלי איד אל ומשאתו לא אוכל

24 Ina ua hoonoho au i ke gula i mea e lana'i kuu manao, Ina olelo aku au i ke gula maikai, Oia kuu mea e palele ai;

אם-שמתי זהב כסלי ולכתם אמרתי מבטחי

25 Ina ua olioli au no ka nui o kuu waiwai, A no ka mea nui a kuu lima i loaa'i;

אם-אשמח כי-רב חילי וכי-כביר מצאה ידי

26 Ina ua ike au i ka la i kona lilelile ana, A i ka mahina i kona hele aiai ana;

אם-אראה אור כי יהל וירח יקר הלך

27 A ua hoowalewale malu ia ko'u naau, I honi ai kuu lima i kuu waha;

ויפת בסתר לבי ותשק ידי לפי

28 He hewa no hoi ia i ka lunakanawai; No ka mea, ua hoole aku au i ke Akua maluna.

גם-הוא עון פלילי כי-כחשתי לאל ממעל

29 Ina ua olioli au i ka make ana o ka mea inaina mai ia'u, A ua hauoli au i ka loaa ana o ka hewa ia ia:

אם-אשמח בפיד משנאי והתעררתי כי-מצאו רע

30 Aole! aole au i ae aku i kuu waha e hana hewa, Ma ke noi aku i ka hooino maluna o kona uhane.

ולא-נתתי לחטא חכי-- לשאל באלה נפשו

31 Ina i olelo ole mai na kanaka o kuu halelewa, Ina e loaa ia makou kona io! aole makou e maona.

אם-לא אמרו מתי אהלי מי-יתן מבשרו לא נשבע

32 Aole i moe mawaho ka malihini, Ua wehe ae no au i ko'u puka no ka mea hele.

בחוץ לא-ילין גר דלתי לארח אפתח

33 Ina ua uhi au i kuu hala e like me ka ke kanaka, I ka huna ana i kuu hewa iloko o kuu poli;

אם-כסיתי כאדם פשעי-- לטמון בחבי עוני

34 Alaila e hoohilahilaia au imua o ka aha nui, A na ka wahawaha o na ohana e hooweliweli ia'u, A noho malie no au, a hele ole iwaho o ka puka.

כי אערוץ המון רבה-- ובוז-משפחות יחתני ואדם לא-אצא פתח

35 Ina hoi e hoolohe mai kela ia'u! Eia hoi kuu hoailona, e ekemu mai ka Mea mana ia'u! A e kakau kuu enemi i ka palapala hoopii!

מי יתן-לי שמע לי-- הן-תוי שדי יענני וספר כתב איש ריבי

36 He oiaio e kau aku au ia mea maluna o ko'u poohiwi, E nakii au ia me he leialii la maluna o'u.

אם-לא על-שכמי אשאנו אענדנו עטרות לי

37 E hai aku hoi au ia ia i ka heluna o kuu mau kapuwai; Me he alii la, e hookokoke aku au ia ia.

מספר צעדי אגידנו כמו-נגיד אקרבנו

38 Ina e uwe kuu aina no'u, A o na auwaha hoi ona e kanikau mai;

אם-עלי אדמתי תזעק ויחד תלמיה יבכיון

39 Ina ua ai au i kona hua me ke kala ole, A ua hoomake paha i na haku ona;

אם-כחה אכלתי בלי-כסף ונפש בעליה הפחתי

40 E hoouluia ka laau oioi no ka palaoa, A o ka zizania no ka bale. Ua pau ka olelo a Ioba.

תחת חטה יצא חוח--ותחת-שערה באשה תמו דברי איוב