Sòm 98

1 Se yon sòm. Chante yon chante tou nèf pou Seyè a, paske li pa manke fè bèl bagay. Pouvwa li avèk fòs ponyèt li se bagay apa, se ak yo li te genyen batay la.

A psalm. Sing a new song to the Lord, for he has done wonders; his right hand and holy arm have won him the victory.

2 Seyè a te fè wè jan l' delivre nou. Li te fè nasyon yo konnen jan li fè lèzòm gras.

The Lord has made his victory known, and revealed to the eyes of the nations his righteousness.

3 Li te chonje jan li renmen moun Izrayèl yo, jan li toujou kenbe pawòl li gen ak yo. Moun toupatou sou latè te wè jan Bondye nou an ap delivre nou.

Mindful he was of his kindness to Jacob, faithful he was to the house of Israel. All the ends of the earth have seen the victory of our God.

4 Nou tout ki rete sou latè, rele pou fè lwanj Seyè a tèlman nou kontan! Rele! Fè fèt! Chante!

Shout, all the earth, to the Lord: break into cries and music.

5 Chante pou Seyè a avèk gita! Avèk gita, chante kantik!

Play on the lyre to the Lord, on the lyre and with loud melody.

6 Soufle klewon, kònen lanbi! Rele devan Seyè a sitèlman nou kontan, paske se li ki wa.

With trumpet and sound of horn, shout before the king.

7 Se pou lanmè a ansanm ak tou sa k'ap viv ladan l' pran fè bri sitèlman yo kontan. Se pou latè a ansanm ak tou sa k'ap viv sou li pran chante.

Let the sea and its fulness roar, the world and the dwellers upon it.

8 Se pou larivyè yo pran bat men yo. Se pou tout ti mòn yo pran chante ansanm sitèlman yo kontan.

Let the streams clap their hands, let the hills shout for gladness together

9 Paske, l'ap vini pou l' jije tout moun ki sou latè! L'ap jije tout moun san patipri. L'ap jije tout pèp yo dapre sa yo merite.

before the Lord for he comes, he comes to judge the earth. He will judge the world with justice and the nations with equity.