Sòm 41

1 Pou chèf sanba yo. Se yon sòm David. Ala bon sa bon pou moun ki pran ka pòv yo! Seyè a va delivre l' lè la nan tray.

В конец, псалом Давиду. Блажен разумеваяй на нища и убога, в день лют избавит его Господь.

2 Seyè a va pwoteje l', li p'ap kite l' mouri. L'ap fè l' viv ak kè kontan sou latè, li p'ap lage l' nan men lènmi l' yo pou yo fè sa yo vle avè l'.

Господь да сохранит его и живит его, и да ублажит его на земли и да не предаст его в руки врагов его.

3 Seyè a va ba l' fòs lè maladi fè l' pran kabann. Seyè a va ba l' gerizon lè li malad kouche.

Господь да поможет ему на одре болезни его: все ложе его обратил еси в болезни его.

4 Mwen menm, mwen te di: Seyè, gen pitye pou mwen. Geri mwen, paske mwen te peche kont ou.

Аз рех: Господи, помилуй мя, изцели душу мою, яко согреших Ти.

5 Lènmi m' yo ap pale m' mal. Y'ap di: Kilè l'a mouri? Kilè y'a bliye l'?

Врази мои реша мне злая: когда умрет, и погибнет имя его?

6 Moun ki vin wè m' yo, se yon bann ipokrit. Se ranmase yo vin ranmase tout kalite move nouvèl. Soti yo soti, yo pwonmennen rakonte yo toupatou.

И вхождаше видети, всуе глаголаше сердце его: собра беззаконие себе, исхождаше вон и глаголаше вкупе.

7 Tout moun ki pa vle wè m' yo mete tèt yo ansanm pou pale nan zòrèy sou mwen. Yo kwè m' fini, nanpwen renmèd pou mwen. Y'ap fè yon pakèt vye lide sou mwen.

На мя шептаху вси врази мои, на мя помышляху злая мне.

8 Y'ap di: Msye kondannen. Kote l' kouche a, nanpwen leve pou li ankò.

Слово законопреступное возложиша на мя: еда спяй не приложит воскреснути?

9 Ata pi bon zanmi m' lan, moun mwen te fè konfyans anpil la, moun ki te konn manje nan menm plat avè m' lan, ata li menm, li trayi m'.

Ибо человек мира моего, на негоже уповах, ядый хлебы моя, возвеличи на мя запинание.

10 Men ou menm, Seyè, gen pitye pou mwen. Mete m' sou de pye m' ankò, pou m' ka ba yo sa yo merite.

Ты же, Господи, помилуй мя и возстави мя, и воздам им.

11 M'a konnen ou kontan avè m' vre si m' wè lènmi m' yo pa banboche sou do m'.

В сем познах, яко восхотел мя еси, яко не возрадуется враг мой о мне.

12 Wi, w'ap soutni m', paske mwen pa fè anyen ki mal. W'ap fè m' kanpe la devan ou pou tout tan.

Мене же за незлобие приял, и утвердил мя еси пред Тобою в век.

13 Ann fè lwanj Seyè a, Bondye pèp Izrayèl la. Ann fè lwanj li pou tout tan. Amèn! Se vre!

Благословен Господь Бог Израилев от века и до века: буди, буди.