Sòm 24

1 Se yon sòm David. Se pou Seyè a tè a ye ansanm ak tou sa ki sou li. Se pou Seyè a lemonn antye ansanm ak tou sa k'ap viv ladan l'.

Of David. A psalm. The earth is the Lord’s and all that it holds, the world and those who live in it.

2 Li mete fondasyon tè a nan fon lanmè, li fè l' chita sou gwo larivyè yo.

For he founded it on the seas, and on the floods he sustains it.

3 Ki moun ki gen dwa moute sou mòn ki pou Seyè a? Ki moun li kite antre nan kay ki apa pou li a?

Who may ascend the hill of the Lord? Who may stand in his holy place?

4 Se moun ki pa fè anyen ki mal, moun ki pa gen move lide nan tèt yo. Se moun ki pa nan bay manti, moun ki pa nan fè sèman pou twonpe moun.

The clean of hands, the pure of heart, who sets not their heart upon sinful things, nor swears with intent to deceive:

5 Seyè a va beni moun konsa. Bondye k'ap delivre l' la va fè l' gras.

they win from the Lord a blessing: God is their champion and saviour.

6 Se moun konsa ki pou chache Seyè a, ki pou chache parèt devan Bondye Jakòb la.

Such must be those who resort to him, and seek the face of the God of Jacob. (Selah)

7 Wete lento pòt yo! Louvri batan pòt yo gran louvri pou wa ki gen pouvwa a ka antre!

Lift high your heads, you gates – Higher, you ancient doors; welcome the glorious king.

8 Kilès ki wa ki gen pouvwa sa a? Se Seyè ki gen fòs ak kouraj la, li vanyan nan batay.

‘Who is the glorious king?’ ‘The Lord strong and heroic, the Lord heroic in battle.’

9 Wete lento pòt yo! Louvri batan pòt yo gran louvri pou wa ki gen pouvwa a ka antre!

Lift high your heads, you gates – Higher, you ancient doors; welcome the glorious king.

10 Kilès ki wa ki gen pouvwa sa a? Se Seyè ki chèf lame zanj yo, se li menm ki wa ki gen pouvwa a.

‘Who is the glorious king?’ ‘The Lord, the God of hosts, he is the glorious king.’ (Selah)