Sòm 112

1 Lwanj pou Seyè a! Ala bon sa bon pou moun ki gen krentif pou Seyè a, ki pran tout plezi l' nan fè sa li mande!

Hallelujah. Happy are those who fear the Lord, and greatly delight in his commandments.

2 Pitit li yo va grannèg nan peyi a. Bondye ap toujou voye benediksyon sou pitit moun ki mache dwat devan li.

Mighty on earth shall be their seed; a blessing shall rest on the race of the upright.

3 Li alèz lakay li, li gen anpil richès. L'ap toujou fè sa ki dwat devan Bondye.

Wealth and riches are in their houses, their prosperity stands forever.

4 Nan mitan fènwa a, yon limyè klere pou moun ki mache dwat yo, pou moun ki gen kè sansib, moun ki gen bon kè ak moun ki pa nan patipri.

To the upright arises light in the darkness; full of favour and pity and kindness are they.

5 Ala bon sa bon pou moun ki gen bon kè, pou moun ki konn prete moun, pou moun ki mennen trafik li san fè vis!

It is well with those who show pity and lend, who support all their affairs upon justice.

6 Li p'ap janm bite. Yo p'ap janm bliye l'.

For they will never be shaken; the just will be forever remembered.

7 Kè l' p'ap kase lè li pran move nouvèl. Li gen yon konfyans fèm nan Seyè a.

They will not be afraid of evil tidings, with steady heart they trust the Lord.

8 Anyen p'ap brannen l', li pa pè anyen. Se konsa l'ap kanpe gade moun ki pa vle wè l' yo.

Their heart is firm and unafraid: they know they will feast their eyes on their enemies.

9 Li bay moun ki nan nesesite san gad dèyè. L'ap toujou fè sa ki dwat devan Bondye. L'ap gen pouvwa, y'ap respekte l'.

With lavish hands they give to the poor, and their prosperity stands forever. They are lifted to heights of triumph and honour.

10 Lè mechan wè sa, li move. li manje dan l', kè l' grenn. Tou sa mechan an t'ap tann lan pa rive.

The sight of them fills the wicked with anger: grinding their teeth with despair. The hopes of the wicked will come to nothing.