Κατα Ματθαιον 20

1 Ὁμοία γάρ ἐστιν ἡ βασιλεία τῶν οὐρανῶν ἀνθρώπῳ οἰκοδεσπότῃ, ὅστις ἐξῆλθεν ἅμα πρωΐ μισθώσασθαι ἐργάτας εἰς τὸν ἀμπελῶνα αὐτοῦ.

「天の王国は，自分のブドウ園に働き人を雇うために朝早く出かけた家の主人のようだからだ。

2 καὶ συμφωνήσας μετὰ τῶν ἐργατῶν ἐκ δηναρίου τὴν ἡμέραν ἀπέστειλεν αὐτοὺς εἰς τὸν ἀμπελῶνα αὐτοῦ.

働き人たちと一日一デナリオスで合意すると，彼らを自分のブドウ園に送り出した。

3 καὶ ἐξελθὼν περὶ τρίτην ὥραν εἶδεν ἄλλους ἑστῶτας ἐν τῇ ἀγορᾷ ἀργούς,

第三時ごろに出て行き，ほかの者たちが市場で仕事をせずに立っているのを見て，

4 καὶ ἐκείνοις εἶπεν· ὑπάγετε καὶ ὑμεῖς εἰς τὸν ἀμπελῶνα, καὶ ὃ ἐὰν ᾖ δίκαιον δώσω ὑμῖν.

彼らに言った，『あなた方もブドウ園に行きなさい。そうすれば，正当なものを払おう』。そこで彼らは出かけて行った。

5 οἱ δὲ ἀπῆλθον. πάλιν ἐξελθὼν περὶ ἕκτην καὶ ἐνάτην ὥραν ἐποίησεν ὡσαύτως.

第六時と第九時ごろにも再び出て行き，同じようにした。

6 περὶ δὲ τὴν ἑνδεκάτην ὥραν ἐξελθὼν εὗρεν ἄλλους ἑστῶτας ἀργούς, καὶ λέγει αὐτοῖς· τί ὧδε ἑστήκατε ὅλην τὴν ἡμέραν ἀργοί;

第十一時ごろに出て行くと，ほかの者たちが仕事をせずに立っているのを見つけて，彼らに言った，『なぜあなた方は仕事もしないで一日中ここに立っているのか』。

7 λέγουσιν αὐτῷ· ὅτι οὐδεὶς ἡμᾶς ἐμισθώσατο. λέγει αὐτοῖς· ὑπάγετε καὶ ὑμεῖς εἰς τὸν ἀμπελῶνα, καὶ ὃ ἐὰν ᾖ δίκαιον λήψεσθε.

「彼らは彼に言った，『だれもわたしたちを雇ってくれないからです』。 「彼は彼らに言った，『あなた方もブドウ園に行きなさい。そうすれば，正当なものを受け取るだろう』。

8 ὀψίας δὲ γενομένης λέγει ὁ κύριος τοῦ ἀμπελῶνος τῷ ἐπιτρόπῳ αὐτοῦ· κάλεσον τοὺς ἐργάτας καὶ ἀπόδος αὐτοῖς τὸν μισθόν, ἀρξάμενος ἀπὸ τῶν ἐσχάτων ἕως τῶν πρώτων.

夕方になった時，ブドウ園の主人は自分の管理人に言った，『働き人たちを呼んで，最後の者から始めて最初の者まで順に賃金を払いなさい』。

9 καὶ ἐλθόντες οἱ περὶ τὴν ἑνδεκάτην ὥραν ἔλαβον ἀνὰ δηνάριον.

「第十一時ごろ雇われた者たちが来て，それぞれ一デナリオスずつ受け取った。

10 ἐλθόντες δὲ οἱ πρῶτοι ἐνόμισαν ὅτι πλείονα λήψονται, καὶ ἔλαβον καὶ αὐτοὶ ἀνὰ δηνάριον.

最初の者たちが来て，もっと多く受け取るものと思ったが，彼らもやはりそれぞれ一デナリオスずつ受け取った。

11 λαβόντες δὲ ἐγόγγυζον κατὰ τοῦ οἰκοδεσπότου

それを受け取ると，彼らは家の主人に対して不平をもらして

12 λέγοντες ὅτι οὗτοι οἱ ἔσχατοι μίαν ὥραν ἐποίησαν, καὶ ἴσους ἡμῖν αὐτοὺς ἐποίησας τοῖς βαστάσασι τὸ βάρος τῆς ἡμέρας καὶ τὸν καύσωνα.

言った，『これら最後の者たちは一時間働いただけだ。それなのに，あなたは彼らを，一日の重荷と焦げ付くような暑さに耐えたわたしたちと同じにした！』。

13 ὁ δὲ ἀποκριθεὶς εἶπεν ἑνὶ αὐτῶν· ἑταῖρε, οὐκ ἀδικῶ σε· οὐχὶ δηναρίου συνεφώνησάς μοι;

「だが，彼はその一人に答えた，『友よ，わたしはあなたに何も不正をしていない。あなたはわたしと一デナリオスで合意したではないか。

14 ἆρον τὸ σὸν καὶ ὕπαγε· θέλω δὲ τούτῳ τῷ ἐσχάτῳ δοῦναι ὡς καὶ σοί·

あなたの分を取って，帰りなさい。この最後の者にもあなたと同じように払ってやりたいのだ。

15 ἢ οὐκ ἔξεστί μοι ποιῆσαι ὃ θέλω ἐν τοῖς ἐμοῖς; εἰ ὁ ὀφθαλμός σου πονηρός ἐστιν ὅτι ἐγὼ ἀγαθός εἰμι;

わたしが自分のもので自分のしたいことをするのは許されていないのか。それとも，わたしが善良なので，あなたの目はよこしまになるのか』。

16 Οὕτως ἔσονται οἱ ἔσχατοι πρῶτοι καὶ οἱ πρῶτοι ἔσχατοι· πολλοὶ γάρ εἰσι κλητοί, ὀλίγοι δὲ ἐκλεκτοί.

このように，最後の者が最初に，最初の者が最後になるだろう。招かれるものは多いが，選ばれる者は少ないのだ」 。

17 Καὶ ἀναβαίνων ὁ Ἰησοῦς εἰς Ἱεροσόλυμα παρέλαβε τοὺς δώδεκα μαθητὰς κατ᾽ ἰδίαν ἐν τῇ ὁδῷ καὶ εἶπεν αὐτοῖς·

エルサレムに上って行く際，イエスは十二弟子をわきに連れて行き，途上で彼らに言った，

18 ἰδοὺ ἀναβαίνομεν εἰς Ἱεροσόλυμα, καὶ ὁ υἱὸς τοῦ ἀνθρώπου παραδοθήσεται τοῖς ἀρχιερεῦσι καὶ γραμματεῦσι καὶ κατακρινοῦσιν αὐτὸν θανάτῳ,

「見よ，わたしたちはエルサレムに上って行く。そして，人の子は祭司長たちや律法学者たちに引き渡される。彼らは彼を死に定めて

19 καὶ παραδώσουσιν αὐτὸν τοῖς ἔθνεσιν εἰς τὸ ἐμπαῖξαι καὶ μαστιγῶσαι καὶ σταυρῶσαι, καὶ τῇ τρίτῃ ἡμέρᾳ ἀναστήσεται.

異邦人たちに引き渡すだろう。あざけり，むち打ち，はりつけにするためだ。そして三日目に彼は起こされる」 。

20 Τότε προσῆλθεν αὐτῷ ἡ μήτηρ τῶν υἱῶν Ζεβεδαίου μετὰ τῶν υἱῶν αὐτῆς προσκυνοῦσα καὶ αἰτοῦσά τι παρ᾽ αὐτοῦ.

その時，ゼベダイの子らの母がその息子たちと一緒に彼のもとにやって来て，ひざまずいて何事かを彼に求めた。

21 ὁ δὲ εἶπεν αὐτῇ· τί θέλεις; λέγει αὐτῷ· εἰπὲ ἵνα καθίσωσιν οὗτοι οἱ δύο υἱοί μου εἷς ἐκ δεξιῶν σου καὶ εἷς ἐξ εὐωνύμων σου ἐν τῇ βασιλείᾳ σου.

彼は彼女に言った，「何を望むのか」 。 彼女は彼に言った，「これらわたしの二人の息子が，あなたの王国で，一人はあなたの右に，一人はあなたの左に座るようお取り計らいください」。

22 ἀποκριθεὶς δὲ ὁ Ἰησοῦς εἶπεν· οὐκ οἴδατε τί αἰτεῖσθε. δύνασθε πιεῖν τὸ ποτήριον ὃ ἐγὼ μέλλω πίνειν, ἢ τὸ βάπτισμα ὃ ἐγὼ βαπτίζομαι βαπτισθῆναι; λέγουσιν αὐτῷ· δυνάμεθα.

しかしイエスは答えた，「あなた方は自分が何を求めているかを知っていない。あなた方は，わたしの飲もうとしている杯を飲み，わたしの受けているバプテスマを受けることができるか」 。 彼らは彼に言った，「できます」。

23 καὶ λέγει αὐτοῖς· τὸ μὲν ποτήριόν μου πίεσθε, καὶ τὸ βάπτισμα ὃ ἐγὼ βαπτίζομαι βαπτισθήσεσθε· τὸ δὲ καθίσαι ἐκ δεξιῶν μου καὶ ἐξ εὐωνύμων μου οὐκ ἔστιν ἐμὸν δοῦναι, ἀλλ᾽ οἷς ἡτοίμασται [ὑπὸ τοῦ πατρός μου].

彼は彼らに言った，「確かに，あなた方はわたしの杯を飲み，わたしの受けているバプテスマを受けるだろう。だが，わたしの右や左に座ることは，わたしが与えるものではなく，わたしの父によってそれが備えられている人たちのためのものだ」 。

24 καὶ ἀκούσαντες οἱ δέκα ἠγανάκτησαν περὶ τῶν δύο ἀδελφῶν.

ほかの十人はこれを聞き，二人の兄弟のことで憤慨した。

25 ὁ δὲ Ἰησοῦς προσκαλεσάμενος αὐτοὺς εἶπεν· οἴδατε ὅτι οἱ ἄρχοντες τῶν ἐθνῶν κατακυριεύουσιν αὐτῶν καὶ οἱ μεγάλοι κατεξουσιάζουσιν αὐτῶν.

しかし，イエスは彼らを呼び寄せてこう言った。「あなた方が知っているとおり，異邦人たちの支配者たちは人々に対して威張り散らし，偉い人たちは人々の上に権力を行使している。

26 οὐχ οὕτως ἔσται ἐν ὑμῖν, ἀλλ᾽ ὃς ἐὰν θέλῃ ἐν ὑμῖν μέγας γενέσθαι, ἔσται ὑμῶν διάκονος,

だが，あなた方の間ではそうであってはならない。むしろ，あなた方の間で偉くなりたいと思う者は，あなた方の召使いでなければいけない。

27 καὶ ὃς ἐὰν θέλῃ ἐν ὑμῖν εἶναι πρῶτος, ἔσται ὑμῶν δοῦλος·

だれでもあなた方の間で第一でありたい者は，あなた方の奴隷でなければいけない。

28 ὥσπερ ὁ υἱὸς τοῦ ἀνθρώπου οὐκ ἦλθε διακονηθῆναι, ἀλλὰ διακονῆσαι καὶ δοῦναι τὴν ψυχὴν αὐτοῦ λύτρον ἀντὶ πολλῶν.

それはちょうど，人の子が，仕えてもらうためではなく，むしろ仕え，自分の命を多くの人の身代金として与えるために来たのと同じだ」 。

29 Καὶ ἐκπορευομένων αὐτῶν ἀπὸ Ἱεριχὼ ἠκολούθησεν αὐτῷ ὄχλος πολύς.

彼らがエリコから出て来ると，大群衆が彼に従った。

30 καὶ ἰδοὺ δύο τυφλοὶ καθήμενοι παρὰ τὴν ὁδόν, ἀκούσαντες ὅτι Ἰησοῦς παράγει, ἔκραξαν λέγοντες· ἐλέησον ἡμᾶς, Κύριε, υἱὸς Δαυΐδ.

見よ，道ばたに座っている二人の盲人が，イエスが通り過ぎると聞いて，叫んで言った，「主よ，わたしをあわれんでください，ダビデの子よ！」

31 ὁ δὲ ὄχλος ἐπετίμησεν αὐτοῖς ἵνα σιωπήσωσιν· οἱ δὲ μεῖζον ἔκραζον λέγοντες· ἐλέησον ἡμᾶς, Κύριε, υἱὸς Δαυΐδ.

群衆は，静かにするように言って彼らをしかりつけたが，彼らはますます叫んで言った，「主よ，わたしをあわれんでください，ダビデの子よ！」

32 καὶ στὰς ὁ Ἰησοῦς ἐφώνησεν αὐτοὺς καὶ εἶπε· τί θέλετε ποιήσω ὑμῖν;

イエスは立ち止まって彼らを呼び，「何をして欲しいのか」 と尋ねた。

33 λέγουσιν αὐτῷ· Κύριε, ἵνα ἀνοιχθῶσιν ἡμῶν οἱ ὀφθαλμοί.

彼らは彼に言った，「主よ，わたしたちの目が開くことです」。

34 σπλαγχνισθεὶς δὲ ὁ Ἰησοῦς ἥψατο τῶν ὀφθαλμῶν αὐτῶν, καὶ εὐθέως ἀνέβλεψαν αὐτῶν οἱ ὀφθαλμοί, καὶ ἠκολούθησαν αὐτῷ.

イエスは哀れみに動かされて，彼らの目に触った。すると，すぐに彼らの目は見えるようになった。そして彼らはイエスに従った。