Thimo 13

1 Mwana mũũgĩ nĩathikagĩrĩria ũrutani wa ithe, no mũnyũrũrania ndathikagĩrĩria agĩkaanio.

智慧ある子は父の敎訓をきき 戯謔者は懲治をきかず

2 Mũndũ nĩakenagĩra maciaro mega ma kuuma kanua gake, no mũndũ ũrĩa ũtarĩ mwĩhokeku eeriragĩria haaro.

人はその口の徳によりて福祉をくらひ悖逆者の霊魂は強暴をくらふ

3 Mũndũ ũrĩa ũmenyagĩrĩra kanua gake nĩ muoyo wake amenyagĩrĩra, no ũrĩa ũhiũhaga kwaria nĩakanangĩka.

その口を守る者はその生命を守る その口唇を大きくひらく者には滅亡きたる

4 Ngoro ya kĩgũũta ĩĩriragĩria na ndĩone kĩndũ, no merirĩria ma mũndũ ũrĩ kĩyo nĩmakahingio.

惰る者はこころに慕へども得ることなし 勤めはたらく者の心は豊饒なり

5 Mũndũ mũthingu nĩathũire ũhoro ũtarĩ wa ma, no mũndũ mwaganu ekaga maũndũ ma thoni na ma njono.

義者は虚偽の言をにくみ 惡者ははぢをかうむらせ面を赤くせしむ

6 Ũthingu ũgitagĩra mũndũ ũrĩa mũrũngĩrĩru, no waganu nĩũngʼaũranagia mũndũ mwĩhia.

義は道を直くあゆむ者をまもり 惡は罪人を倒す

7 Kũrĩ mũndũ wĩtuaga gĩtonga, no ndarĩ kĩndũ; kũrĩ ũngĩ wĩtuaga mũthĩĩni, no arĩ na ũtonga mũnene.

自ら富めりといひあらはして些少の所有もなき者あり 自ら貧しと稱へて資財おほき者あり

8 Ũtonga wa mũndũ wahota gũkũũra muoyo wake, no mũndũ mũthĩĩni ndaiguaga akĩĩhĩtĩrwo.

人の資財はその生命を贖ふものとなるあり 然ど貧者は威嚇をきくことあらず

9 Ũtheri wa mũndũ mũthingu waaraga ũgacangarara, no tawa wa mũndũ mwaganu nĩkũhorio ũhoragio.

義者の光は輝き惡者の燈火はけさる

10 Mwĩtĩĩo ũciaraga njũgitano, no ũũgĩ wonekaga harĩ arĩa metĩkagĩra gũtaarwo.

驕傲はただ爭端を生ず 勸告をきく者は智慧あり

11 Mbeeca itarĩ cia wĩhokeku ithiiaga igĩthiraga, no ũrĩa ũcookanagĩrĩria mbeeca tũnini o tũnini nĩatũmaga ciongerereke.

詭計をもて得たる資財は減る されど手をもて聚めたくはふる者はこれを増すことを得

12 Ũndũ mũtaanye ũngĩikario mũno nĩũrwaragia mũndũ ngoro, no kĩĩrĩgĩrĩro kĩhingĩtio gĩtuĩkaga ta mũtĩ wa muoyo.

望を得ること遅きときは心を疾しめ 願ふ所旣にとぐるときは生命の樹を得たるがごとし

13 Mũndũ ũrĩa ũthũire ũrutani nĩeyũnũhaga, no ũrĩa ũtĩĩaga maathani nĩakaheo kĩheo.

御言をかろんずる者は亡され 誡命をおそるる者は報賞を得

14 Ũrutani wa mũndũ ũrĩa mũũgĩ nĩ gĩthima kĩa muoyo, ũhũndũraga mũndũ kuuma mĩtego-inĩ ya gĩkuũ.

智慧ある人の敎訓はいのちの泉なり 能く人をして死の罟を脱れしむ

15 Gũtaũkĩrwo wega nĩ maũndũ gũtũmaga mũndũ endeke, no njĩra ya arĩa matarĩ ehokeku ti hũthũ.

善にして哲きものは恩を蒙る されど悖逆者の途は艱難なり

16 Mũndũ o wothe mwĩbaarĩrĩri ekaga maũndũ make na ũmenyi, no mũndũ mũkĩĩgu aguũragia ũrimũ wake.

凡そ賢者は知識に由りて事をおこなひ 愚なる者はおのれの痴を顯す

17 Mũtũmwo mwaganu atoonyaga thĩĩna-inĩ, no mũtũmwo mwĩhokeku nĩarehaga kĩhonia.

惡き使者は災禍に陷る されど忠信なる使者は良薬の如し

18 Mũndũ ũrĩa ũregaga gũtaarwo anyiitagwo nĩ thĩĩna na thoni, no mũndũ ũrĩa wĩtĩkagĩra gũkaanio atuĩkaga wa gũtĩĩo.

貧乏と恥辱とは敎訓をすつる者にきたる されど譴責を守る者は尊まる

19 Ũndũ mwĩrirĩrie wakinyanĩra ũiguithagia ngoro wega, no andũ akĩĩgu monaga kũhutatĩra ũũru ta ũndũ ũrĩ magigi.

望を得れば心に甘し 愚なる者は惡を棄つることを嫌ふ

20 Mũndũ ũrĩa ũceeraga na arĩa oogĩ akĩragĩrĩria kũũhĩga, no ũrĩa ũtwaranaga na mũndũ mũkĩĩgu onaga o ũũru.

智慧ある者と偕にあゆむものは智慧をえ 愚なる者の友となる者はあしくなる

21 Mũtino ũthingataga mũndũ ũrĩa mwĩhia, no ũgaacĩru nĩ kĩheo kĩa arĩa athingu.

わざはひは罪人を追ひ 義者は善報をうく

22 Mũndũ mwega atigagĩra ciana cia ciana ciake igai, no ũtonga wa mũndũ mwĩhia ũigagĩrwo andũ arĩa athingu.

善人はその產業を子孫に遺す されど罪人の資財は義者のために蓄へらる

23 Mũgũnda wa mũndũ mũthĩĩni no ũciare irio nyingĩ, no kwaga kĩhooto gũciniinaga ciothe.

貧しき者の新田にはおほくの糧あり されど不義によりて亡る者あり

24 Mũndũ ũrĩa ũigaga rũthanju thĩ nĩ mwana wake athũire, no ũrĩa wendete mwana wake nĩamũherithagia.

鞭をくはへざる者はその子を憎むなり 子を愛する者はしきりに之をいましむ

25 Andũ arĩa athingu marĩĩaga makahũũna, no nda ya mũndũ mwaganu ĩikaraga o ĩhũtiĩ.

義しき者は食をえて飽く されど惡者の腹は空し