Psaumes 63

1 O Dieu, tu es mon Dieu, je te cherche au point du jour; mon âme a soif de toi, ma chair te souhaite, dans cette terre aride, desséchée, sans eau,

Se yon sòm David te ekri lè li te nan dezè peyi Jida a. Bondye, se ou ki Bondye mwen. Jan m' anvi wè ou! Jan m' ap tann ou sa a! Se tout kò m' k'ap mande pou ou, tankou tè sèk nan solèy k'ap tann lapli.

2 Pour voir ta force et ta gloire, comme je t'ai contemplé dans le sanctuaire.

Fè m' antre kote ki apa pou ou nan kay ou a pou m' wè ou, pou m' wè jan ou gen pouvwa, jan ou merite pou yo fè lwanj ou.

3 Car ta bonté est meilleure que la vie; mes lèvres chanteront ta louange.

renmen ou gen pou nou an pi bon pase lavi. Se poutèt sa m'ap fè lwanj ou.

4 Ainsi je te bénirai pendant ma vie; j'élèverai mes mains en ton nom.

Konsa m'a pase tout lavi m' ap di ou mèsi; se ou menm sèlman m'a lapriyè.

5 Mon âme est rassasiée comme de mœlle et de graisse; ma bouche te loue avec des cris de réjouissance;

M'ap fè fèt, m'ap kontan tankou yon moun ki manje plen vant li yon manje ki gen bon gou, ki gen kont grès li ladan l'. Wi, se konsa kè m' ap kontan. M'ap louvri bouch mwen pou m' fè lwanj ou.

6 Quand je me souviens de toi sur mon lit, et que je médite sur toi pendant les veilles de la nuit.

Lè m' kouche sou kabann mwen, lide m' ap travay sou ou. Tout lannwit se ou m'ap kalkile.

7 Car tu as été mon secours; aussi je me réjouirai sous l'ombre de tes ailes.

Paske se ou ki tout sekou m', m'ap rete kache anba zèl ou, m'ap chante sitèlman mwen kontan.

8 Mon âme s'est attachée à toi pour te suivre, et ta droite me soutient.

Mwen kole kò m' sou ou, se pouvwa ou k'ap soutni mwen.

9 Mais ceux qui cherchent ma vie pour la détruire, descendront dans les profondeurs de la terre.

Men, moun k'ap chache touye m' yo, yo gen pou yo desann kote mò yo ye a.

10 Ils seront livrés au tranchant de l'épée; ils seront la proie des renards.

Yo gen pou yo mouri nan lagè, chen mawon gen pou manje kadav yo.

11 Mais le roi se réjouira en Dieu, et quiconque jure par lui, s'en glorifiera; car la bouche de ceux qui parlent faussement sera fermée.

Men, Bondye ap fè kè wa a kontan. Tout moun ki mete non l' devan va gen kè kontan tou. Men, y'ap fèmen bouch moun k'ap bay manti yo.