Psalms 3
1 `The salm of Dauid, whanne he fledde fro the face of Absolon, his sone. Lord, whi ben thei multiplied that disturblen me?
Psalmus David, Cum fugeret a facie Absalom filii sui. Domine quid multiplicati sunt qui tribulant me? multi insurgunt adversum me.
2 many men rysen ayens me. Many men seien of my soule, Noon helthe is to hym in his God.
Multi dicunt animae meae: Non est salus ipsi in Deo eius.
3 But thou, Lord, art myn vptakere; my glorye, and enhaunsyng myn heed.
Tu autem Domine susceptor meus es, gloria mea, et exaltans caput meum.
4 With my vois Y criede to the Lord; and he herde me fro his hooli hil.
Voce mea ad Dominum clamavi: et exaudivit me de monte sancto suo.
5 I slepte, and `was quenchid, and Y roos vp; for the Lord resseyuede me.
Ego dormivi, et soporatus sum: et exurrexi, quia Dominus suscepit me.
6 I schal not drede thousyndis of puple cumpassynge me; Lord, rise thou vp; my God, make thou me saaf.
Non timebo millia populi circumdantis me: exurge Domine: salvum me fac Deus meus.
7 For thou hast smyte alle men beynge aduersaries to me with out cause; thou hast al to-broke the teeth of synneris.
Quoniam tu percussisti omnes adversantes mihi sine causa: dentes peccatorum contrivisti.
8 Helthe is of the Lord; and thi blessyng, Lord, is on thi puple.
Domini est salus: et super populum tuum benedictio tua.
