Titus 2

1 But say the things which fit sound doctrine,

Kasi yo, teya makambo oyo ekoki na malakisi ya peto.

2 that older men should be temperate, sensible, sober minded, sound in faith, in love, and in perseverance,

Teya na batata mibange ete balekisaka ndelo te na bizaleli na bango, bazala bato oyo bakoki na lokumu, bato na mayele, bato na kondima ya solo, bato na bolingo, mpe bato na molende.

3 and that older women likewise be reverent in behavior, not slanderers nor enslaved to much wine, teachers of that which is good,

Teya mpe bamama mibange ete bazala na bizaleli oyo ekoki na bato oyo bamibulisa mpo na Nzambe: basengeli te kotongaka bato mpe kozala bawumbu ya masanga; basengeli nde komipesa na koteyaka makambo ya malamu,

4 that they may train the young wives to love their husbands, to love their children,

mpo ete balakisa na bilenge basi kolinga mibali na bango mpe bana na bango,

5 to be sober minded, chaste, workers at home, kind, being in subjection to their own husbands, that God’s word may not be blasphemed.

komibatela malamu, kotambola na bomoi ya peto, komipesa na misala kati na bandako na bango, kozala basi ya boboto mpe ya botosi liboso ya mibali na bango, mpo ete Liloba na Nzambe efingama te.

6 Likewise, exhort the younger men to be sober minded.

Lendisa mpe bilenge mibali ete bamibatelaka malamu.

7 In all things show yourself an example of good works. In your teaching, show integrity, seriousness, incorruptibility,

Na makambo nyonso, zala ndakisa na nzela ya misala malamu; mpe na mateya na yo, lakisa bosembo, longola maseki,

8 and soundness of speech that can’t be condemned, that he who opposes you may be ashamed, having no evil thing to say about us.

salela maloba ya kimia mpe ezanga pamela, mpo ete bato oyo batelemelaka yo bayoka soni mpe bazanga mabe ya koloba na tina na biso.

9 Exhort servants to be in subjection to their own masters and to be well-pleasing in all things, not contradicting,

Teya bawumbu ete batosaka bankolo na bango na makambo nyonso, basalaka makasi mpo na kosepelisa bango, babendanaka na bango te

10 not stealing, but showing all good fidelity, that they may adorn the doctrine of God, our Savior, in all things.

mpe bayibaka te. Kasi teya bango ete bamilakisaka tango nyonso lokola bato oyo bankolo na bango bakoki kotiela mitema, mpo ete bakomisa malakisi ya Nzambe Mobikisi na biso elengi.

11 For the grace of God has appeared, bringing salvation to all men,

Pamba te ngolu ya Nzambe emonisami lokola etima ya lobiko mpo na bato nyonso.

12 instructing us to the intent that, denying ungodliness and worldly lusts, we would live soberly, righteously, and godly in this present age; (aiōn g165)

Elakisaka biso kotika mabe, kokabwana na baposa ya makambo ya mokili, kobika tango oyo na bwanya, na bosembo mpe na botosi kati na makambo ya Nzambe, (aiōn g165)

13 looking for the blessed hope and appearing of the glory of our great God and Savior, Jesus Christ,

wana tozali kozela kokokisama ya elikya oyo epambolama: komonisama ya nkembo ya Yesu-Klisto, Nzambe monene mpe Mobikisi na biso, oyo

14 who gave himself for us, that he might redeem us from all iniquity and purify for himself a people for his own possession, zealous for good works.

amikabaki Ye moko mpo na biso, mpo ete akangola biso na mabe nyonso mpe apetola biso mpo na Ye moko lokola bato na Ye, oyo batondi na posa makasi ya kosala misala ya malamu.

15 Say these things and exhort and reprove with all authority. Let no one despise you.

Yango nde makambo oyo osengeli koteya. Lendisa mpe pamela na bokonzi nyonso. Kopesa na moto moko te nzela ya kotiola yo.