Mark 5
1 They came to the other side of the sea, into the country of the Gadarenes.
୧ଏନ୍ତେ ୟୀଶୁ ଆୟାଃ ଚେଲାକଲଃ ଗାଲିଲ୍ ଦରେୟା ସେନ୍ପାରମ୍କେଦ୍ତେ ଗେରାସିମିକଆଃ ପାର୍ଗାନ୍ତେ ତେବାଃୟାନାକ ।
2 When he had come out of the boat, immediately a man with an unclean spirit met him out of the tombs.
୨ଇନିଃ ଲାଉକାଏତେ ଆଡ଼୍ଗୁୟାନ୍ଚି, ସତ୍ରା ଆତ୍ମାତେ ଏସେରାକାନ୍ ମିହୁଡ଼୍ ହଡ଼ ତପାଠାୟାଦ୍ଏତେ ଅଡଙ୍ଗ୍କେଦ୍ତେ ସେନ୍ଦାରମ୍କିୟାଏ ।
3 He lived in the tombs. Nobody could bind him any more, not even with chains,
୩ଇନିଃ ତପା ଠାୟାଦ୍ରେ ତାଇନଃତାନାଏ ତାଇକେନା, ଇନିଃକେ ଜେତାଏ କାକ ତଲ୍ ଦାଡ଼ିତାଇକେନା, ସିକ୍ଡ଼ିତେହଁ କାହାଗି ।
4 because he had been often bound with fetters and chains, and the chains had been torn apart by him, and the fetters broken in pieces. Nobody had the strength to tame him.
୪ପୁରାଃସା ଇନିୟାଃ କାଟା ତିଃଇକ ସିକ୍ଡ଼ିତେ ତଲାକାନ୍ ତାଇକେନାଏ, ମେନ୍ଦ ସବେନ୍ ଇମ୍ତା ଇନିଃ ସିକ୍ଡ଼ି ଆଡଃ ବେଡ଼ିକକେ ଟଟାଃକେଦାଏ । ଇନିଃତାଃରେ ପୁରାଃ ପେଡ଼େଃ ତାଇକେନା ଆଡଃ ଜେତାଏ ହଁ ଇନିଃକେ କାକ କାବୁ ଦାଡ଼ିତାଇକେନା ।
5 Always, night and day, in the tombs and in the mountains, he was crying out, and cutting himself with stones.
୫ନିଦା ଆଡଃ ସିଙ୍ଗି ତପା ଠାୟାଦ୍କରେ, ବୁରୁରେ କାଉରିତାନ୍ ଆଡଃ ଦିରିତେ କଟେୟଃତାନାଏ ତାଇକେନା ।
6 When he saw Jesus from afar, he ran and bowed down to him,
୬ସାଙ୍ଗିନ୍ଏତେ ୟୀଶୁକେ ନେଲ୍ତାଇଲଃ ନିର୍ଦାରମ୍କେଦ୍ତେ ଆୟାଃ ଆୟାର୍ରେ ଅମ୍ବାଃ ଇକ୍ଡ଼ୁମ୍ ୟାନାଏ ।
7 and crying out with a loud voice, he said, “What have I to do with you, Jesus, you Son of the Most High God? I adjure you by God, don’t torment me.”
୭ଆଡଃ କାଉରିତାନ୍ଲଃ କାଜିକେଦାଏ, “ଏ, ସାଲାଙ୍ଗିଉତାର୍ ପାର୍ମେଶ୍ୱାର୍ଆଃ ହନ୍ ୟୀଶୁ, ଆଇଁୟାଃଲଃ ଆମାଃ ଚିକାନ୍ କାମି ମେନାଃ? ପାର୍ମେଶ୍ୱାର୍ରାଃ ନୁତୁମ୍ତେ କଏଁମେ ତାନାଇଙ୍ଗ୍, ଆଲମ୍ ସାସାତିଆଁ ।”
8 For he said to him, “Come out of the man, you unclean spirit!”
୮ଚିୟାଃଚି “ଏ, ସତ୍ରା ଆତ୍ମା, ନେ ହଡ଼ଏତେ ଅଡଙ୍ଗ୍ଅଃମେ” ମେନ୍ତେ ୟୀଶୁ କାଜିକାଇ ତାଇକେନାଏ ।
9 He asked him, “What is your name?” He said to him, “My name is Legion, for we are many.”
୯ଏନ୍ତେ ୟୀଶୁ ଇନିଃକେ କୁଲିକିୟା, “ଆମାଃ ନୁତୁମ୍ ଚିକ୍ନାଃ? ଆଇଁୟାଃ ନୁତୁମ୍ ଫାଉଦ୍, ଆଲେ ପୁରାଃଗି ମେନାଲେୟା” ମେନ୍ତେ କାଜିରୁହାଡ଼୍କିୟା ।
10 He begged him much that he would not send them away out of the country.
୧୦ଆଡଃ ଇନିଃ ୟୀଶୁକେ, ନେ ଦିଶୁମ୍ଏତେ ଆଲମ୍ଗି ହାର୍ ଅଡଙ୍ଗ୍ଲେୟା, ମେନ୍ତେ ପୁରାଃଗି ବିନ୍ତିତାନ୍ଲଃ କାଜିଗହାର୍କିୟାଏ ।
11 Now on the mountainside there was a great herd of pigs feeding.
୧୧ବୁରୁଗେନା ଜାପାଃରେ ସୁକୁରିକଆଃ ମାରାଙ୍ଗ୍ ଗୋଟ୍ ଆତିଙ୍ଗ୍ତାନ୍କ ତାଇକେନା ।
12 All the demons begged him, saying, “Send us into the pigs, that we may enter into them.”
୧୨ଆଡଃ, ବଙ୍ଗାକ ବିନ୍ତିକେଦ୍ତେ କାଜିକିୟାଃକ, “ଆଲେକେ ଏନ୍ ସୁକୁରିକରେ ବଲଃ ନାଗେନ୍ତେ କୁଲ୍ତାଲେମେ ।”
13 At once Jesus gave them permission. The unclean spirits came out and entered into the pigs. The herd of about two thousand rushed down the steep bank into the sea, and they were drowned in the sea.
୧୩ୟୀଶୁ ଇନ୍କୁକେ ସେନ୍ଇଚିକେଦ୍କଆ, ଆଡଃ ଏନ୍ ସତ୍ରା ଆତ୍ମାକ ଏନ୍ ହଡ଼ଏତେ ଅଡଙ୍ଗ୍କେଦ୍ତେ ସୁକୁରିକରେକ ବଲୟାନା, ଆଡଃ ଏନ୍ତାଃରେ ଦୁଇ ହାଜାର୍ ଲେକା ସୁକୁରିକ ଆତିଙ୍ଗ୍ ତାଇକେନା, ଇନ୍କୁ ଦରେୟାରେକ ନିର୍ ଢୁଷ୍ମାଅୟାନା ଆଡଃ ଡୁବିଃଗ୍ ଗଏଃୟାନାକ ।
14 Those who fed the pigs fled, and told it in the city and in the country. The people came to see what it was that had happened.
୧୪ସୁକୁରି ଗୁପିତାନ୍କ ନିର୍ୟାନାକ ଆଡଃ ସାହାର୍ ଆଡଃ ଟଲାକରେ ନେ କାଜିକ ଉଦୁବ୍କେଦାଃ, ଏନ୍ତେ ଚିକ୍ନାଃ ଚିକାୟାନା ମେନ୍ତେ ହଡ଼କ ନେଲ୍ ନାଗେନ୍ତେ ଅଡଙ୍ଗ୍ୟାନାକ ।
15 They came to Jesus, and saw him who had been possessed by demons sitting, clothed, and in his right mind, even him who had the legion; and they were afraid.
୧୫ଆଡଃ ଇନ୍କୁ ୟୀଶୁତାଃ ତେବାଃୟାନ୍ଚି ବଙ୍ଗା ଏସେର୍କାନ୍ ହଡ଼କେ ଇନିୟାଃ କାଟାସୁବାରେ ବୁଗିନ୍ମନ୍ତେ ଦୁବାକାନ୍, ଆଡଃ ଲିଜାଃ ତୁସିଙ୍ଗ୍ଆଁକାନ୍ ନେଲ୍କିଃତେ ବରକେଦାଃକ ।
16 Those who saw it declared to them what happened to him who was possessed by demons, and about the pigs.
୧୬ନେ ସବେନ୍ ନେଲାକାଦ୍ ହଡ଼କ, ବଙ୍ଗା ଏସେର୍କାନ୍ ଏନ୍ ହଡ଼ ଚିଲ୍କା ବୁଗିୟାନାଏ ଆଡଃ ସୁକୁରିକ ଚିଲ୍କାୟାନା ଏନା ସବେନ୍ ହଡ଼କକେ ଉଦୁବାଦ୍କଆକ ।
17 They began to beg him to depart from their region.
୧୭ଏନ୍ତେ ଇନ୍କୁ ୟୀଶୁକେ, ଆଲେୟାଃ ସିମ୍ନାଏତେ, ଅଡଙ୍ଗ୍ଅଃମେ ମେନ୍ତେକ ବିନ୍ତିକିୟା ।
18 As he was entering into the boat, he who had been possessed by demons begged him that he might be with him.
୧୮ଏନ୍ତେ ୟୀଶୁ ଲାଉକାରେ ରାକାବ୍ତାନ୍ ଇମ୍ତା, ବଙ୍ଗା ଏସେର୍ଏତେ ବୁଗିକାନ୍ ହଡ଼, ୟୀଶୁକେ “ଆମାଃଲଃ ତାଇନ୍ ଚିକାଆଇଙ୍ଗ୍ମେଁ” ମେନ୍ତେ ବିନ୍ତିକିୟାଏ ।
19 He didn’t allow him, but said to him, “Go to your house, to your friends, and tell them what great things the Lord has done for you and how he had mercy on you.”
୧୯ମେନ୍ଦ ୟୀଶୁ “କାହାଗି, ଆମାଃ ଅଡ଼ାଃତେ ରୁହାଡ଼୍ମେଁ ଆଡଃ ଗମ୍କେ ଆମାଃ ନାଗେନ୍ତେ ଚିନାଃ ରିକାକେଦାଃଏ, ଆଡଃ ଚିଲ୍କା ଆମ୍କେ ଦାୟାକାଦ୍ମେୟା ଏନ୍ ସବେନାଃ ଆମାଃ ଅଡ଼ାଃରେନ୍କକେ ଉଦୁବାକମେ” ମେନ୍ତେ କାଜିକିୟା ।
20 He went his way, and began to proclaim in Decapolis how Jesus had done great things for him, and everyone marveled.
୨୦ଏନ୍ତେ ଏନ୍ ହଡ଼ ରୁହାଡ଼୍ୟାନାଏ ଆଡଃ ଆୟାଃ ନାଗେନ୍ତେ ୟୀଶୁ ଚିନାଃ ରିକାକେଦାଃଏ ଏନା ସବେନ୍ ଦେକାପଲ୍ଲୀରେ ଉଦୁବ୍ ଏଟେଦ୍କେଦାଏ, ଆଡଃ ଏନା ଆୟୁମ୍ତାନ୍କ ଆକ୍ଦାନ୍ଦାଅୟାନା ।
21 When Jesus had crossed back over in the boat to the other side, a great multitude was gathered to him; and he was by the sea.
୨୧ୟୀଶୁ ଲାଉକାରେ ଦରେୟାରାଃ ହାନ୍ ପାରମ୍ଏତେ ନେ ପାରମ୍ତେ ରୁହାଡ଼୍ୟାନ୍ଚି, ଏନ୍ତାଃରେ ଗାଦେଲ୍ ହଡ଼କ ହୁଣ୍ଡିୟାନା, ଆଡଃ ୟୀଶୁ ଦରେୟା ଗେନାରେ ତାଇକେନାଏ ।
22 Behold, one of the rulers of the synagogue, Jairus by name, came; and seeing him, he fell at his feet
୨୨ଏନ୍ତେ ଯାଇରସ ନୁତୁମ୍ ମିଆଁଦ୍ ସାମାଜ୍ଅଡ଼ାଃରେନ୍ ଆଗୁଆଇ ହଡ଼ ହିଜୁଃୟାନାଏ, ଆଡଃ ୟୀଶୁକେ ନେଲ୍କେଦ୍ତେ ଆୟାଃ କାଟାସୁବାରେ ଉୟୁଃୟାନା,
23 and begged him much, saying, “My little daughter is at the point of death. Please come and lay your hands on her, that she may be made healthy, and live.”
୨୩ପୁରାଃଗି ବିନ୍ତିତାନ୍ଲଃ କାଜିକେଦା, “ହନିଙ୍ଗ୍କୁଡ଼ି ଦୁକୁତେ ଗଜଃ ଲେକାକାନାଏ, ଇନିଃ ଚିଲ୍କା ବାଞ୍ଚାଅଃଆଏ, ଏନାମେନ୍ତେ ହିଜୁଃମେ, ଆଡଃ ଇନିୟାଃ ଚେତାନ୍ରେ ତିଃଇ ଦହେମେ ।”
24 He went with him, and a great multitude followed him, and they pressed upon him on all sides.
୨୪ଏନ୍ତେ ୟୀଶୁ ଇନିଃଲଃ ସେନଃୟାନାଏ ଆଡଃ ଗାଦେଲ୍ ହଡ଼କ ଉପୁଦୁର୍ଠେପ୍ସାକେଦ୍ତେ ଜୁରୁବିହୁର୍ ତାନ୍ଲଃ ଦୟା ଦୟାକ ଅତଙ୍ଗ୍କିୟା ।
25 A certain woman who had a discharge of blood for twelve years,
୨୫ଆଡଃ ଏନ୍ତାଃରେ ବାରା ବାରାଷ୍ଏତେ “ମାୟୋମ୍ଲିଙ୍ଗି” ଦୁକୁରେ ଦୁକୁତାନ୍ ମିଆଁଦ୍ କୁଡ଼ି ତାଇକେନାଏ ।
26 and had suffered many things by many physicians, and had spent all that she had, and was no better, but rather grew worse,
୨୬ଇନିଃ ପୁରାଃ ବାଇଦ୍କତାଃରେ ରାନୁଆକାନ୍ ତାଇକେନାଏ, ଆଡଃ ଆୟାଃ ସବେନ୍ ତାଇକେନ୍ତେୟାଃ ଇନ୍କୁଆଃରେ ଚାବାକେଦାଏ, ଏନ୍ରେୟ କାଏ ବୁଗିୟାନା, ମେନ୍ଦ, ଦୁକୁତାୟାଃ ଆଡଃଗି ସାର୍ସାଅୟାନା ।
27 having heard the things concerning Jesus, came up behind him in the crowd and touched his clothes.
୨୭ଇନିଃ ୟୀଶୁଆଃ ବିଷାଏ ଆୟୁମ୍କେଦ୍ଚି ଗାଦେଲ୍ ହଡ଼କଆଃ ଥାଲାରେ ଇନିୟାଃ ଦୟାହରା ଏତେ ଲିଜାଃରାଃ ଆଚ୍ରା ଜୁଟିଦ୍ ନାଙ୍ଗ୍ ହିଜୁଃୟାନା,
28 For she said, “If I just touch his clothes, I will be made well.”
୨୮ଚିୟାଃଚି ଇନିଃ ଆୟାଃ ମନ୍ରେ “ଇନିୟାଃ ଲିଜାଃ ଏସ୍କାର୍ ଜୁଟିଦ୍ତାରେଦ ଆଇଙ୍ଗ୍ ବୁଗିକଆଇଙ୍ଗ୍” ମେନ୍ତେ ଉଡ଼ୁଃତାନ୍ ତାଇକେନାଏ ।
29 Immediately the flow of her blood was dried up, and she felt in her body that she was healed of her affliction.
୨୯ଏନ୍ତେ ଇନିଃ ୟୀଶୁଆଃ ଲିଜାଃ ଆଚ୍ରାକେ ଜୁଟିଦ୍କେଦାଏ ଆଡଃ, ଇମ୍ତାଙ୍ଗ୍ଗି ଇନିଃ ମାୟୋମ୍ ଲିଙ୍ଗି ଦୁକୁଏତେ ବୁଗିୟାନାଏ । ଆଡଃ ଦୁକୁଏତେ ବୁଗିୟାନାଇଙ୍ଗ୍ ମେନ୍ତେ ଆୟାଃ ହଡ଼୍ମରେ ଆଟ୍କାର୍କେଦା ।
30 Immediately Jesus, perceiving in himself that the power had gone out from him, turned around in the crowd and asked, “Who touched my clothes?”
୩୦ଇମ୍ତାଙ୍ଗ୍ଗି ୟୀଶୁ, “ଆଇଙ୍ଗ୍ଏତେ ପେଡ଼େଃ ଅଡଙ୍ଗ୍ୟାନା” ମେନ୍ତେ ଜୀଉରେ ସାରିଆଟ୍କାର୍କେଦାଏ, ଆଡଃ ଗାଦେଲ୍ ହଡ଼କକେ ହେତାରୁହାଡ଼୍କେଦ୍ତେ, “ଅକଏ, ଆଇଁୟାଃ ଲିଜାଃ ଜୁଟିଦ୍କେଦାଏ?” ମେନ୍ତେ କୁଲିକେଦ୍କଆ ।
31 His disciples said to him, “You see the multitude pressing against you, and you say, ‘Who touched me?’”
୩୧ଆଡଃ ଚେଲା ତାୟାଃକ ୟୀଶୁକେ କାଜିକିୟାଃକ, “ଗାଦେଲ୍ ହଡ଼କ ଆମାଃ ଚେତାନ୍ରେ ଉୟୁଗଃତାନାକ, ଏନାଦ ନେଲ୍କତାନାମ୍, ଆଡଃ ‘ଅକଏ ଜୁଟିଦ୍କିଦିୟାଁଏ,’ ମେନ୍ତେ ଚିନାଃମ୍ କୁଲିତାନା?”
32 He looked around to see her who had done this thing.
୩୨ମେନ୍ଦ ଜୁଟିଦ୍କେଦ୍ନିଃକେ ୟୀଶୁ ନେଲ୍ନାମି ନାଗେନ୍ତେ ହେତାବାଡ଼ାକେଦାଏ ।
33 But the woman, fearing and trembling, knowing what had been done to her, came and fell down before him, and told him all the truth.
୩୩ଏନ୍ କୁଡ଼ି ଆଇଁୟାଃ ଚିକ୍ନାଃ ଚିକାୟାନା ନେଆଁଁ ଆଟ୍କାର୍କେଦ୍ତେ, ବରତେ ଏକ୍ଲାଅଃତାନ୍ଲଃ ହିଜୁଃୟାନାଏ ଆଡଃ ଇକ୍ଡ଼ୁମ୍ ତାନ୍ଲଃ ସବେନାଃ ସାର୍ତିଗି ୟୀଶୁକେ ଉଦୁବ୍କିୟା ।
34 He said to her, “Daughter, your faith has made you well. Go in peace, and be cured of your disease.”
୩୪ୟୀଶୁ କାଜିକିୟାଏ, “ଏ ମାଈ, ବିଶ୍ୱାସ୍ ତାମାଃ ବୁଗିୟାକାଦ୍ମେଁୟାଏ, ଜୁ ସୁକୁ ଜୀଉତେ ସେନଃମେ, ଆଡଃ ଆମାଃ ଦୁକୁଏତେ ବୁଗିୟାକାନ୍ ତାଇନଃମେ ।”
35 While he was still speaking, people came from the synagogue ruler’s house, saying, “Your daughter is dead. Why bother the Teacher any more?”
୩୫ୟୀଶୁ ଏନା କାଜିତାନ୍ ଇମ୍ତାଗି, ସାମାଜ୍ ଅଡ଼ାଃ ଚାଲାଅନିୟାଃ ଅଡ଼ାଃଏତେ କାଜି ଆଉୱାକାଦ୍ ହଡ଼ ଯାଇରସକେ କାଜିକିୟାଏ, “ହନ୍ମେକୁଡ଼ି ଗଏଃୟାନାଏ, ଗୁରୁକେ ଆଡଃ ଆଲ୍ମେ ଦୁକୁଇୟା ।”
36 But Jesus, when he heard the message spoken, immediately said to the ruler of the synagogue, “Don’t be afraid, only believe.”
୩୬ୟୀଶୁ ଏନ୍କାଜି ଆୟୁମ୍କେଦ୍ତେ କା ଆୟୁମ୍ତାନ୍ ଲେକା ସାମାଜ୍ଅଡ଼ାଃରେନ୍ ଆଗୁଆଇକେ କାଜିକିୟା, “ଆଲମ୍ ବରଏୟା, ବିଶ୍ୱାସ୍ରେଗି ତାଇନଃମେ ।”
37 He allowed no one to follow him except Peter, James, and John the brother of James.
୩୭ଆଡଃ ୟୀଶୁ, ପାତ୍ରାସ୍, ଯାକୁବ୍, ଆଡଃ ଯୋହାନ୍, ଯାକୁବ୍ଆଃ ହାଗାତେକେ ବାଗିକେଦ୍ତେ ଆଡଃ ଜେତାଏକକେ କାଏ ସେନ୍ ଇଚିକେଦ୍କଆ ।
38 He came to the synagogue ruler’s house, and he saw an uproar, weeping, and great wailing.
୩୮ଯାଇରସଆଃ ଅଡ଼ାଃତେ ସେଟେର୍ୟାନ୍ଚି, ୟୀଶୁ ଗାଦେଲ୍ ହଡ଼କ ହାଲାଗୁଲାତାନ୍ଲଃ, ରାଆଃତାନ୍ ଆଡଃ ଏୟମ୍ତାନ୍ ନେଲ୍କେଦ୍କଆଏ ।
39 When he had entered in, he said to them, “Why do you make an uproar and weep? The child is not dead, but is asleep.”
୩୯ଇନିଃ ଅଡ଼ାଃରେ ବଲୟାନାଏ, ଆଡଃ ଇନ୍କୁକେ କାଜିୟାଦ୍କଆ, “ଚିନାଃ ମେନ୍ତେପେ ହାଲାଗୁଲାଏତାନା ଆଡଃପେ ରାଆଃଏତାନା? ଏନ୍ ହନ୍ଦ କାଏ ଗଜାକାନା ମେନ୍ଦ ଦୁଡ଼ୁମ୍ତାନାଏ ।”
40 They ridiculed him. But he, having put them all out, took the father of the child, her mother, and those who were with him, and went in where the child was lying.
୪୦ଏନ୍ତେ ଇନ୍କୁ ଇନିଃକେ ଲାନ୍ଦାକିୟାଃକ । ମେନ୍ଦ ୟୀଶୁ ସବେନ୍ ହଡ଼କକେ ଏନ୍ତାଃଏତେ ଅଡଙ୍ଗ୍କେଦ୍କଚି, କୁଡ଼ିହନ୍ରାଃ ଏଙ୍ଗାଆପୁକିନ୍ ଆଡଃ ଆୟାଃଲଃ ତାଇକାନ୍ ଚେଲାକଲଃ, କୁଡ଼ିହନ୍ ଗିତିଜାକାନ୍ତାଃ ସେନ୍ ବଲୟାନାକ ।
41 Taking the child by the hand, he said to her, “Talitha cumi!” which means, being interpreted, “Girl, I tell you, get up!”
୪୧ଆଡଃ ଇନିୟାଃ ତିଃଇ ସାବ୍କେଦ୍ତେ “ଟାଲିଥାକୁମ୍” ମେନ୍କିୟାଏ, ନେ କାଜିରେୟାଃ ମୁଣ୍ଡି ନେଆଁଁ ତାନାଃ, “ଏ ମାଈ ବିରିଦ୍ମେ ।”
42 Immediately the girl rose up and walked, for she was twelve years old. They were amazed with great amazement.
୪୨ଇମ୍ତାଗି ଏନ୍ କୁଡ଼ିହନ୍ ବିରିଦ୍ୟାନାଏ ଆଡଃ ସେସେନ୍ ବାଡ଼ାକେଦାଏ, ଚିୟାଃଚି ଇନିଃଦ ବାରା ବାରାଷ୍ରେନ୍ ତାଇକେନାଏ । ନେଆଁଁ ନେଲ୍କେଦ୍ତେ ସବେନ୍କ ପୁରାଃଗି ଆକ୍ଦାନ୍ଦାଅୟାନାକ ।
43 He strictly ordered them that no one should know this, and commanded that something should be given to her to eat.
୪୩ମେନ୍ଦ ୟୀଶୁ “ନେ କାଜି ଜେତାଏତାଃରେ ଆଲ୍ପେ ଉଦୁବେୟା,” ମେନ୍ତେ କାଜିୟାଦ୍କଆଏ, ଆଡଃ “କୁଡ଼ିହନ୍କେ ଜେତ୍ନାଃ ଜଜମ୍ ନାଙ୍ଗ୍ ଏମାଇପେ” ମେତାଦ୍କଆଏ ।
