Genesis 5

1 This is the book of the generations of Adam. In the day that God created man, he made him in God’s likeness.

Hiche hohi Adam te insung khanggui umdan kijihna lekhabu ahi. Pathen in mihem asem chu ama lim tobang din asem in ahi.

2 He created them male and female, and blessed them. On the day they were created, he named them Adam.

Pathenin numei le pasal ana semdoh in aman amisem doh teni chu phatthei aboh in chuin amani chu mihem asah tai.

3 Adam lived one hundred thirty years, and became the father of a son in his own likeness, after his image, and named him Seth.

Adam chu kum jakhat le kum somthum alhinin ama limle ama mel to kilou cha khat ahing in hichepa chu amin Seth asah tai.

4 The days of Adam after he became the father of Seth were eight hundred years, and he became the father of other sons and daughters.

Seth apen jou chun Adam chu kum jaget tabang ahin be kit in, chu achun Adam in cha numei le pasal anei be na laiye.

5 All the days that Adam lived were nine hundred thirty years, then he died.

Adam chu kum jako le kum somthum ahing nomsel in hiche jou chun ama athi tai.

6 Seth lived one hundred five years, then became the father of Enosh.

Seth chu kum jakhat le kum nga ahi chun ama chu Enosh pa ahung hi tai.

7 Seth lived after he became the father of Enosh eight hundred seven years, and became the father of other sons and daughters.

Enosh pen jou chun Seth chu kum jaget le kum sagi ahin be nalai in chu achun aman cha numei le pasal adang ahin be nalaiye.

8 All of the days of Seth were nine hundred twelve years, then he died.

Hichun Seth chu kum jako le kumsom le kumni ahing in hiche jou chun aleiset hinkho abeitai.

9 Enosh lived ninety years, and became the father of Kenan.

Enosh chu kum somko ahi chun ama chu Kenan pa ahung hi tai.

10 Enosh lived after he became the father of Kenan eight hundred fifteen years, and became the father of other sons and daughters.

Kenan pen jou chun, Enosh chu kum jaget le kum som le kum nga ahing na laiyin chujou chun cha numei le cha pasal ahing na laiye.

11 All of the days of Enosh were nine hundred five years, then he died.

Enosh chu kum jako le kum nga ahing in ama athi tai.

12 Kenan lived seventy years, then became the father of Mahalalel.

Kenan chu kum som sagi alhing in ama chu Mahalalel pa ahung hitai.

13 Kenan lived after he became the father of Mahalalel eight hundred forty years, and became the father of other sons and daughters

Mahalalel pen jou chun, Kenan chu kum jaget le kum somli ahing na laiyin, chule aman chapa dang le chanu dang jong anei be nalaiye.

14 and all of the days of Kenan were nine hundred ten years, then he died.

Kenan chu kum jako le kum som gei ahing in chuin ama hinkho abeitai.

15 Mahalalel lived sixty-five years, then became the father of Jared.

Hichun Mahalalel chu kum somgup le kum nga alhing in ama chu Jared pa ahung hi tai.

16 Mahalalel lived after he became the father of Jared eight hundred thirty years, and became the father of other sons and daughters.

Jared pen jou chun, Mahalalel chu kum jaget le kum som thum jen ahing nalaiyin chule cha pasal le cha numei tamtah ahin be nalaiye.

17 All of the days of Mahalalel were eight hundred ninety-five years, then he died.

Hichun Mahalalel kum jaget le kum somko le kum nga gei ahing in hichun ama leiset hinkho abeitai.

18 Jared lived one hundred sixty-two years, then became the father of Enoch.

Jared chu kum jakhat le kum somgup le kum ni alhin in ama chu Enoch pa ahung hitai.

19 Jared lived after he became the father of Enoch eight hundred years, and became the father of other sons and daughters.

Enoch pen jou chun, Jared chu kum jaget gei ahingin, chuban in chapa le chanu dang jong ahing na laiye.

20 All of the days of Jared were nine hundred sixty-two years, then he died.

Jared chu kum jako le kum som gup le kumni ahing in, hichun ama aleiset hinkho abeitai.

21 Enoch lived sixty-five years, then became the father of Methuselah.

Enoch chu kum som gup le kum nga alhin in ama chu Methuselah pa ahung hitai.

22 After Methuselah’s birth, Enoch walked with God for three hundred years, and became the father of more sons and daughters.

Methuselah pen jou kum jathum sungin Enoch chu Pathen toh kinai tah in aum jing jeng in chule chapa dangle chanu dang tampi jong ahinbe nalaiye.

23 All the days of Enoch were three hundred sixty-five years.

Hiti chun Enoch chu kum jathum le kum somgup le kum nga ahing in ahi.

24 Enoch walked with God, and he was not found, for God took him.

Pathen toh kingaitah a umjing ahin nikhat chu ama akimu tapon Pathen in akou doh ahi tai.

25 Methuselah lived one hundred eighty-seven years, then became the father of Lamech.

Methuselah chu kum jakhat le kum somget le kum sagi alhin in, ama chu Lamech pa ahung hitai.

26 Methuselah lived after he became the father of Lamech seven hundred eighty-two years, and became the father of other sons and daughters.

Lamech pen jou chun, Methuselah chu kum jasagi le kum somget le kumni ahing in, hichun aman chapa le chanu dang tamtah anei be nalaiyin ahi.

27 All the days of Methuselah were nine hundred sixty-nine years, then he died.

Methuselah chu kum jako le kumsom gup le kum ko ahing in hichun ama ahinkho abeitai.

28 Lamech lived one hundred eighty-two years, then became the father of a son.

Hichun Lamech chu kum jakhat le kum som get le kumni alhinin chapa khat ahing in,

29 He named him Noah, saying, “This one will comfort us in our work and in the toil of our hands, caused by the ground which Yahweh has cursed.”

Ama min chu Noah asah in hitin aseiye, “Pathen in agaosapsa gim genthei thoh'a ikhut uva i-tohgim nau hiche leiset'a kona ama hin eitha-ol sah ding'u ahi,”ati.

30 Lamech lived after he became the father of Noah five hundred ninety-five years, and became the father of other sons and daughters.

Noah pen jou chun, Lamech chu kum ja nga le kum somko le kum nga ahing in hijou chun cha pasal le numei tamtah ahing na laiyin ahi.

31 All the days of Lamech were seven hundred seventy-seven years, then he died.

Lamech chu kum jasagi le kum som sagi le kum sagi ahing in, hichun aleiset hinkho abeitai.

32 Noah was five hundred years old, then Noah became the father of Shem, Ham, and Japheth.

Noah chu kum ja nga alhin'in, ama chu Shem, Ham, chule Japheth ahing in ahi.