1 Corinthians 4
1 So let a man think of us as Christ’s servants and stewards of God’s mysteries.
मैन्हु असन मसीहेरे सेवक, ते परमेशरेरे भेदां केरे भण्डारी समझ़न।
2 Here, moreover, it is required of stewards that they be found faithful.
ज़ेन्च़रे कि ज़ैस मैन्हु तैसेरे मालिके ज़ैन कम दित्तोरे भोए, तैने तैन कम केरने मां वफादार लोड़े रावरू, ज़ेसेरो तैस हुक्म दित्तो जेवरोए।
3 But with me it is a very small thing that I should be judged by you, or by a human court. Yes, I don’t even judge my own self.
पन मेरे खियाले मां ई गल निकड़ीए, कि तुस या मैनन् मरां कोई फैसलो केरनेबालो मीं परखे, बल्के अवं अपने आपे न पेरखी।
4 For I know nothing against myself. Yet I am not justified by this, but he who judges me is the Lord.
किजोकि मेरो ज़मीर मीं कोन्ची गल्ली मां दोषी न ठहराए, पन इस सेइं अवं बेइलज़ाम न ठहरी, किजोकि मेरो परखने बालो प्रभुए।
5 Therefore judge nothing before the time, until the Lord comes, who will both bring to light the hidden things of darkness and reveal the counsels of the hearts. Then each man will get his praise from God.
ते ज़ांतगर प्रभु वापस न एज्जे, पेइली केन्चेरो इन्साफ न केरा, तैए लोकां केरे सारे खियाल साफ तरीके ज़ोलो, ज़ैन केरे बारे मां होरो कोई तैन न ज़ाने, ते तैन केरे दिलां केरे इरादे बांदे केरेलो। तैखन परमेशरेरी तरफां हर केन्चेरी तारीफ़ भोनीए।
6 Now these things, brothers, I have in a figure transferred to myself and Apollos for your sakes, that in us you might learn not to think beyond the things which are written, that none of you be puffed up against one another.
हे ढ्लाव ते बेइनव, मीं इन गल्लन मां तुश्शे लेइ अपनि ते अपुल्लोसेरी बेंस, मिसालारे रीति पुड़ कियोरीए, एल्हेरेलेइ कि तुस इश्शे ज़िरिये सेइं शिखा, कि ज़ैन पवित्रशास्त्रे मां लिखोरे करां अग्रोवं न बधा, ते एक्केरे पासे ते होरेरे खलाफ घमण्ड न केरथ।
7 For who makes you different? And what do you have that you didn’t receive? But if you did receive it, why do you boast as if you had not received it?
केन्चे तू होरन करां रोड़ो नईं बनोरो। सब किछ तीं परमेशरेरे तरफां दित्तू जोरूए, अगर तीं सब किछ परमेशरेरे दितोरू त तुसन घमण्ड केरनेरो अधिकार नईं।
8 You are already filled. You have already become rich. You have come to reign without us. Yes, and I wish that you did reign, that we also might reign with you!
तुस त रज़ोरेथ; तुस दौलतमन्द भोइजेइ, तुसेईं इश्शे बगैर राज़ कियूं; पन रोड़ू भोथू कि तुस राज़ केरेथे ते अस भी तुसन सेइं साथी भोथे!
9 For I think that God has displayed us, the apostles, last of all, like men sentenced to death. For we are made a spectacle to the world, both to angels and men.
मेरी समझ़ी मां परमेशरे अस प्रेरित लोक सेब्भना पत्ती तैन लोकां केरे ज़ेरे ठहरावरेम, ज़ैन केरे मौतरो हुक्म भोइ जेवरोए; किजोकि अस दुनियारे ते स्वर्गदूतां, ते मैन्हु केरे लेइ अक तमाशो बनोरेम!
10 We are fools for Christ’s sake, but you are wise in Christ. We are weak, but you are strong. You have honor, but we have dishonor.
लोक असन बेवकूफ समझ़तन किजोकि अस मसीहेरे बारे मां प्रचार केरतम, पन तुस गेतली सेइं सोचतथ कि तुस अक्लमन्द मसीही आथ! बड़े लोक समझ़तन कि असन कां कोई अधिकार नईं। पन तुस घमण्डे सेइं ज़ोतथ कि तुसन कां परमेशरेरे तरफां शक्ति आए, तैना इश्शी आदर न केरन पन तुश्शी आदर केरतन।
11 Even to this present hour we hunger, thirst, are naked, are beaten, and have no certain dwelling place.
अस इस वक्ते तगर नियन्ने-ट्लिशोरे, ते छ़िनदोरे लिगड़न मां आम, ते धक्के खातम, ते असन कां घर नईं;
12 We toil, working with our own hands. When people curse us, we bless. Being persecuted, we endure.
ते अपने हथेइं सेइं कम केरतां मेहनत केरतम। लोक बुरू ज़ोतन, अस तैन बरकत देतम; तैना सतातन, अस झ़ैल्लतम।
13 Being defamed, we entreat. We are made as the filth of the world, the dirt wiped off by all, even until now.
तैना बदनाम केरतन, अस नेरमी सेइं गल केरतम, इड़ी तगर कि, अज़ तगर लोक हेजू भी इश्शी इज़्ज़त न केरन, तैना ज़ोतन कि इश्शी कोई कीमत नईं।
14 I don’t write these things to shame you, but to admonish you as my beloved children.
मेरी इना गल्लां लिखनेरो मकसद ई नईं कि तुसन छिथेईं, पन अवं तुसन सुधारने चाताईं, किजोकि तुस मेरे बच्चां केरे ज़ेरे आथ ज़ैन सेइं अवं प्यार केरताईं।
15 For though you have ten thousand tutors in Christ, you don’t have many fathers. For in Christ Jesus, I became your father through the Good News.
किजोकि अगर मसीह मां तुश्शे शिखालनेबाले दश हज़ार भी भोथे, फिरी भी तुश्शे बड़े बाजी नईं, एल्हेरेलेइ कि मसीह यीशु मां खुशखेबरी सेइं अवं तुश्शो बाजी केरो ज़ेरो भोव।
16 I beg you therefore, be imitators of me.
एल्हेरेलेइ अवं तुसन कां मिनत केरताईं, कि मेरी ज़ेरि चाल च़ला।
17 Because of this I have sent Timothy to you, who is my beloved and faithful child in the Lord, who will remind you of my ways which are in Christ, even as I teach everywhere in every assembly.
एल्हेरेलेइ मीं तीमुथियुसे ज़ैन प्रभु मां मेरू ट्लारू, ते वफादार मट्ठूए, तुसन कां भेज़ोरूए, ते तै तुसन यीशु मसीह मां मेरू चालचलन याद करालो, ज़ेन्च़रे कि अवं हर एक्की ठैरी हर कलीसिया मां शिक्षा देताईं।
18 Now some are puffed up, as though I were not coming to you.
तुसन मरां बड़े लोक सोचतन कि अवं तुसन कां नईं एजनो, एल्हेरेलेइ तैना घमण्ड केरतन।
19 But I will come to you shortly, if the Lord is willing. And I will know, not the word of those who are puffed up, but the power.
पन प्रभु चाए त मीं तुसन कां जल्दी एजनूए, ते न सिर्फ तैन घमण्ड केरनेबालां केरि गल्लां नईं, पन तैन केरि शेक्ति भी ज़ैनेलो।
20 For God’s Kingdom is not in word, but in power.
किजोकि परमेशरेरू राज़ गल्लां केरू नईं, पन शेक्ति मांए।
21 What do you want? Shall I come to you with a rod, or in love and a spirit of gentleness?
अगर हेजू भी तुसेईं बुरी बत नईं शारोरी, अवं तुस सेखती सेइं झ़िड़क देइलो। पन अगर तुसेईं बुरी बत शारी त अवं तुसन सेइं नेरमी त कने प्यारे सेइं बर्ताव केरेलो।
