1 Thessalonians 5
1 Now concerning the times and seasons, brothers, you have no need that anything be written to you.
Zvino, hama, kana dziri nguva kana misi hatifaniri kuti tikunyorerei,
2 For you yourselves know perfectly well that the day of the Lord is coming like a thief in the night.
nokuti imi munoziva kwazvo kuti zuva raShe richauya sembavha usiku.
3 When they say, “Peace and safety,” then sudden destruction will come on them. It will be like birth pains in a pregnant woman. They will in no way escape.
Vanhu pavanenge vachiti, “Rugare norunyararo,” kuparadzwa kuchasvika pamusoro pavo nokukurumidza, somukadzi ane mimba worwadziwa, uye havangapunyuki.
4 But you, brothers, are not in darkness so that the day would overtake you like a thief.
Asi imi, hama, hamusi murima zvokuti zuva iri rikusvikirei sembavha.
5 For you are all sons of the light and sons of the day. We are not sons of the night or the darkness.
Imi mose muri vanakomana vechiedza navanakomana vamasikati. Hatizi vousiku kana verima.
6 So then, let us not sleep as the rest do. Instead, let us keep watch and be sober.
Saka zvino, ngatiregei kuita savamwe vavete, asi ngatisvinurei uye tive vanozvidzora.
7 For those who sleep do so at night, and those who get drunk do so at night.
Nokuti avo vanovata, vanovata usiku, uye avo vanodhakwa, vanodhakwa usiku.
8 But since we belong to the day, we must stay sober and put on faith and love as a breastplate, and the hope of salvation for our helmet.
Asi sezvo tiri vamasikati, ngatizvidzorei, takapfeka kutenda norudo sechidzitiro chechipfuva, netariro yoruponeso senguwani.
9 For God did not appoint us for wrath, but to obtain salvation through our Lord Jesus Christ.
Nokuti Mwari haana kutisarudza kuti tive vokutsamwirwa asi kuti tigamuchire ruponeso kubudikidza naIshe wedu Jesu Kristu.
10 It is he who died for us so that, whether we are awake or asleep, we may live together with him.
Akatifira isu kuitira kuti, kunyange takasvinura kana tivete, tigare pamwe chete naye.
11 Therefore comfort one another and build each other up, just as you are already doing.
Naizvozvo kurudziranai uye muvakane, sezvamunoita zvino.
12 We ask you, brothers, to acknowledge those who labor among you and who are over you in the Lord and who admonish you.
Zvino tinokukumbirai, hama, kuti muremekedze avo vanoshanda nesimba pakati penyu, vari pamusoro penyu muna She uye vanokurayirai.
13 We also ask you to regard them highly in love because of their work. Be at peace among yourselves.
Muvakudze zvikuru murudo nokuda kwebasa ravo. Garai murunyararo nomumwe nomumwe wenyu.
14 We exhort you, brothers: Warn the disorderly, encourage the discouraged, help the weak, and be patient toward all.
Uye tinokukurudzirai, hama, kuti muyambire avo vano usimbe, mukurudzire vanotya, batsirai vasina simba, muite mwoyo murefu kuvanhu vose.
15 See that no one pays back evil for evil to anyone. Instead, pursue what is good for one another and for all.
Muve nechokwadi kuti kurege kuva nomunhu anodzorera chakaipa nechakaipa, asi edzai kuva nomwoyo munyoro kuno mumwe nomumwe wenyu uye nokuna vose.
16 Rejoice always.
Farai nguva dzose;
17 Pray without ceasing.
rambai muchinyengetera;
18 In everything give thanks. For this is the will of God in Christ Jesus for you.
vongai pazvinhu zvose, nokuti ndiko kuda kwaMwari kwamuri muna Kristu Jesu.
19 Do not quench the Spirit.
Musadzima moto woMweya;
20 Do not despise prophecies.
musazvidza zviprofita.
21 Test all things. Hold on to what is good.
Edzai zvinhu zvose. Batirirai kune zvakanaka.
22 Avoid every appearance of evil.
Regai zvakaipa zvose.
23 May the God of peace make you completely holy. May your whole spirit, soul, and body be preserved without blame for the coming of our Lord Jesus Christ.
Mwari pachake, iye Mwari worugare, ngaakuitei vatsvene kwazvo kwazvo. Mweya wenyu wose, nomwoyo uye nomuviri zvichengetwe zvisina mhosva pakuuya kwaIshe wedu Jesu Kristu.
24 Faithful is he who calls you, the one who will also do it.
Iye anokudanai akatendeka uye achazviita.
25 Brothers, pray also for us.
Hama, tinyengeterereiwo.
26 Greet all the brothers with a holy kiss.
Kwazisai hama dzose nokutsvoda kutsvene.
27 I solemnly charge you by the Lord to have this letter read to all the brothers.
Ndinokurayirai pamberi paIshe kuti tsamba iyi iverengerwe hama dzose.
28 May the grace of our Lord Jesus Christ be with you.
Nyasha dzaIshe wedu Jesu Kristu ngadzive nemi.
