Psalms 132

1 A song of ascents. Remember, O Lord, David all his sufferings,

Ko e Hiva ʻae ʻalu hake. ‌ʻE Sihova, ke ke manatu kia Tevita, mo ʻene mamahi kotoa pē:

2 the oath that he swore to the Lord, and his vow to the Strong One of Jacob,

‌ʻA ʻene fuakava kia Sihova, mo ʻene lea fakapapau ki he ʻOtua mālohi ʻa Sēkope;

3 never to enter his tent, never to lie on his bed,

“Ko e moʻoni ʻe ʻikai te u ʻalu ki hoku fale nofoʻanga, pe ʻalu hake ki hoku mohenga;

4 never to give his eyes sleep or his eyelids slumber,

‌ʻE ʻikai te u tuku ʻae mohe ki hoku mata, pe ko e tulemohe ki hoku laumata,

5 till he had found a place for the Lord, for the Strong One of Jacob to live in.

Kaeʻoua ke u ʻilo ha potu moʻo Sihova, ko e ʻafioʻanga ki he ʻOtua mālohi ʻo Sēkope.”

6 We heard of it in Ephrathah, in the fields of Jaar we found it.

Vakai, naʻa tau fanongo ki ai ʻi ʻEfalata: pea naʻa tau ʻilo ia ʻi he ngaahi ngoue ʻoe vao.

7 We went to the place where he dwelt, we bowed ourselves low at his footstool.

“Te tau hū ki hono ngaahi fale fehikitaki: te tau lotu ʻi hono tuʻunga vaʻe.”

8 ‘Arise, Lord, and enter your resting-place, you and your mighty ark.

Tuʻu hake, ʻE Sihova, ki ho mālōlōʻanga; ʻa koe, mo e puha ʻoe fuakava ʻo ho mālohi.

9 Let your priests wear a garment of righteousness, your faithful shout aloud for joy.

Ke kofuʻaki ʻe hoʻo kau taulaʻeiki ʻae angatonu; pea ke kalanga ʻi he fiefia ʻa hoʻo kakai māʻoniʻoni.

10 For the sake of David your servant, do not reject your Anointed.’

Koeʻuhi ko hoʻo tamaioʻeiki ko Tevita, ʻoua naʻa ke fakatafoki ʻae mata ʻo hoʻo pani.

11 The Lord swore an oath to David an oath that he will not break; ‘I will set on your throne a prince of your line.

Kuo fuakava ʻa Sihova ʻi he moʻoni kia Tevita; ʻe ʻikai te ne liliu mei ai; “Te u fokotuʻu ki ho nofoʻa ʻae fua ʻo ho sino.

12 If your sons keep my covenant and the statutes I teach them, then their sons, too, forever, will sit on your throne.’

Kapau ʻe fai ʻe hoʻo fānau ki heʻeku fuakava mo ʻeku fakamoʻoni ʻaia te u ako kiate kinautolu, ʻe nofo foki ʻenau fānau ʻi ho nofoʻa fakaʻeiʻeiki ʻo lauikuonga.”

13 For the choice of the Lord is Zion; she is the home of his heart.

He kuo fili ʻe Sihova ʻa Saione; kuo ne finangalo ki ai ko hono ʻafioʻanga.

14 ‘This is forever my resting-place, this is the home of my heart.

“Ko hoku mālōlōʻanga eni ʻo taʻengata: te u nofo ʻi heni; he naʻaku finangalo ki ai.

15 I will royally bless her provision, and give bread to her poor in abundance.

Ko e moʻoni te u tāpuaki lahi hono meʻakai: te u fakamākona ʻa hono kau masiva ʻaki ʻae mā.

16 Her priests I will clothe with salvation; her faithful will shout for joy.

Te u fakakofu foki ʻene kau taulaʻeiki ʻaki ʻae fakamoʻui: pea ko ʻene kau māʻoniʻoni tenau kalanga ʻo leʻo lahi ʻi he fiefia.

17 There will I raise up for David a dynasty of power. I have set my anointed a lamp that shall never go out.

Te u ngaohi ke moto ai ʻae nifo ʻo Tevita: kuo u tuʻutuʻuni ʻae maama ʻa ʻeku pani.

18 Robes of shame I will put on his foes, but on his head a glittering crown.’

Te u fakakofuʻaki hono ngaahi fili ʻae mā: ka ʻe maʻuiʻui ʻa hono tatā ʻiate ia.”