Proverbs 29
1 The man who, with a stiff neck, treats the one who corrects him with contempt will be suddenly overwhelmed to his own destruction, and reason shall not follow him.
Umuntu othi ekhuzwa kanengi aqinise intamo, uzahle ephulwe, njalo kungabi lakusiliswa.
2 When just men are multiplied, the common people shall rejoice. When the impious take up the leadership, the people shall mourn.
Lapho abalungileyo besanda, abantu bayathokoza, kodwa lapho okhohlakeleyo ebusa, abantu bayabubula.
3 The man who loves wisdom rejoices his father. But whoever nurtures promiscuous women will lose his substance.
Umuntu othanda inhlakanipho uthokozisa uyise, kodwa ohlanganyela lamawule uchitha inotho.
4 A just king guides the land. A man of avarice will destroy it.
Inkosi iqinisa ilizwe ngesahlulelo, kodwa umuntu wezipho uyalichitha.
5 A man who speaks to his friend with flattering and feigned words spreads a net for his own feet.
Umuntu olalisa ngolimi umakhelwane wakhe wendlalela izinyawo zakhe imbule.
6 A snare will entangle the iniquitous when he sins. And the just shall praise and be glad.
Esiphambekweni somuntu omubi kulomjibila, kodwa olungileyo uyamemeza ngenjabulo ethokoza.
7 The just knows the case of the poor. The impious is ignorant of knowledge.
Olungileyo uyalwazi udaba lwabayanga; okhohlakeleyo kananzeleli ulwazi.
8 Pestilent men squander a city. Yet truly, the wise avert fury.
Abantu abadelelayo bayawuthungela umuzi, kodwa abahlakaniphileyo badedisa ulaka.
9 A wise man, if he were to contend with the foolish, whether in anger or in laughter, would find no rest.
Umuntu ohlakaniphileyo emangalelana lomuntu oyisithutha, loba elolaka, loba ehleka, kakulakuthula.
10 Bloodthirsty men hate the simple one; but the just seek out his soul.
Abantu abomele igazi bazonda opheleleyo, kodwa abaqotho badinga umphefumulo wakhe.
11 A foolish one offers everything on his mind. A wise one reserves and defers until later.
Isithutha sikhupha umoya waso wonke, kodwa ohlakaniphileyo uyawuthiba.
12 A leader who freely listens to lying words has only impious servants.
Umbusi olalela amazwi amanga, zonke izinceku zakhe zikhohlakele.
13 The pauper and the creditor have met one another. The Lord is the illuminator of them both.
Umyanga lomuntu wencindezelo bayahlangana; iNkosi ikhanyisa amehlo abo bobabili.
14 The king who judges the poor in truth, his throne shall be secured in eternity.
Inkosi eyahlulela abayanga ngothembeko, isihlalo sayo sobukhosi sizamiswa phakade.
15 The rod and its correction distribute wisdom. But the child who is left to his own will, brings shame to his mother.
Uswazi lokukhuza kunika inhlakanipho, kodwa umntwana oyekelelwayo uthelela unina inhloni.
16 When the impious are multiplied, crimes will be multiplied. But the just shall see their ruin.
Lapho abakhohlakeleyo besanda, isiphambeko siyanda, kodwa abalungileyo bazabona ukuwa kwabo.
17 Teach your son, and he will refresh you, and he will give delight to your soul.
Laya indodana yakho, izakuphumuza; yebo, izanika izinjabulo emphefumulweni wakho.
18 When prophecy fails, the people will be scattered. Yet truly, whoever guards the law is blessed.
Lapho okungelambono khona, abantu babengabambeki; kodwa ubusisiwe ogcina umlayo.
19 A servant cannot be taught by words, because he understands what you say, but he disdains to respond.
Inceku kayilaywa ngamazwi; lanxa iqedisisa, kayiyikuphendula.
20 Have you seen a man rushing to speak? Foolishness has more hope than his correction.
Uyambona yini umuntu ophangisa ngamazwi akhe? Kulethemba elingcono esithutheni kulaye.
21 Whoever nurtures his servant delicately from childhood, afterwards will find him defiant.
Ototoza inceku yakhe kusukela ebuntwaneni, ekucineni izakuba yindodana kuye.
22 A short-tempered man provokes quarrels. And whoever is easily angered is more likely to sin.
Umuntu ololaka ubanga ukuxabana, lomuntu ovutha intukuthelo wandisa isiphambeko.
23 Humiliation follows the arrogant. And glory shall uphold the humble in spirit.
Ukuzigqaja komuntu kuzamehlisa, kodwa olomoya othobekileyo uzabamba udumo.
24 Whoever participates with a thief hates his own soul; for he listens to his oath and does not denounce him.
Owabelana lesela uzonda umphefumulo wakhe; uzwa isiqalekiso, angakhulumi.
25 Whoever fears man will quickly fall. Whoever hopes in the Lord shall be lifted up.
Ukwesaba abantu kuletha umjibila, kodwa othemba eNkosini uzabekwa phezulu evikelekile.
26 Many demand the face of the leader. But the judgment of each one proceeds from the Lord.
Abanengi badinga ubuso bombusi, kodwa isahlulelo salowo lalowo sivela eNkosini.
27 The just abhor an impious man. And the impious abhor those who are on the right way. By keeping the word, the son shall be free from perdition.
Umuntu ongalunganga uyisinengiso kwabalungileyo, kodwa oqotho endleleni uyisinengiso kokhohlakeleyo.
