James 5
1 Come now, you rich, weep and howl for your miseries that are coming on you.
ओ अविश्वासी अमीर लोको! सुणी तो लओ! तुसे आपणे आऊणे वाल़े क्ल़ेशो पाँदे चींगी-चींगी की रोओ।
2 Your riches are corrupted and your garments are moth-eaten.
तुसा रा धन नाश ऊईगा और तुसा रे टाल़ेया खे कीड़े खाई गे।
3 Your gold and your silver are corroded, and their corrosion will be for a testimony against you and will eat your flesh like fire. You have laid up your treasure in the last days.
तुसा रे सुईने चाँदियो खे खई लगी गी और परमेशरो जेस दिने तुसा रा न्याय करना तेस दिने तेसा खईया तुसा रे खलाफ गवाई देणी और आगी जेड़ा तुसा रा मांस खाई देणा। तुसे आखरी जुगो रे धनो पाँदे धन कट्ठा करी राखेया।
4 Behold, the wages of the laborers who mowed your fields, which you have kept back by fraud, cry out; and the cries of those who reaped have entered into the ears of the Lord of Armies.
देखो जिने मजदूरे तुसा रे डोरू बाडे, तिना री मजदूरी, जो तुसे तोखा देई की राखी ली री, से परमेशरो रे नेड़े तुसा रे खलाफ चींगणे लगी री और तिना मजदूरा री दुहाई जिने तुसा री फसल कट्ठी कित्ती, सेनाओं रे प्रभुए रे कानो तक पऊँछी गी री।
5 You have lived in luxury on the earth, and taken your pleasure. You have nourished your hearts as in a day of slaughter.
तुसे तरतिया पाँदे भोग-विलासो रे लगे रे रये और बड़ा पारी सुख पाया। तुसे आपणे पापो रा कअड़ा परी ता रा और आपू खे परमेशरो री सजा खे त्यार करी राखेया।
6 You have condemned and you have murdered the righteous one. He does not resist you.
तुसे बेकसुर लोक दोषी ठराई कि काई ते, से तुसा रे बिरोद नि करदे।
7 Be patient therefore, brothers, until the coming of the Lord. Behold, the farmer waits for the precious fruit of the earth, being patient over it, until it receives the early and late rain.
तो ओ प्यारे साथी विश्वासियो! प्रभुए रे आऊणे तक सब्र राखो। देखो, जिम्मीदार तरतिया री किमती फसला री उम्मीद राखदा ऊआ, पईली और आखरी बरखा ऊणे तक सब्र राखोआ।
8 You also be patient. Establish your hearts, for the coming of the Lord is at hand.
ईंयां ई तुसे बी सब्र राखो और आपणे दिलो खे मजबूत करो, कऊँकि प्रभुए रा आऊणा नेड़े ए।
9 Do not grumble, brothers, against one another, so that you will not be judged. Behold, the judge stands at the door.
ओ प्यारे साथी विश्वासियो! एकी-दूजे पाँदे दोष नि लगाओ, ताकि तुसे दोषी नि ठईरो, देखो, न्याय करने वाल़ा द्वारो पाँदे खड़ी रा।
10 Take, brothers, for an example of suffering and of perseverance, the prophets who spoke in the name of the Lord.
ओ प्यारे साथी विश्वासियो! जिने भविष्यबक्ते प्रभुए रे नाओं ते गल्ला कित्तिया, तिना खे दु: ख उठाणे और सब्र राखणे रा आपू खे आदर्श समजो।
11 Behold, we call them blessed who endured. You have heard of the perseverance of Job and have seen the Lord in the outcome, and how the Lord is full of compassion and mercy.
देखो, आसे सब्र राखणे वाल़ेया खे धन्य बोलूँए, तुसे तो अय्युबो रे सब्रो रे बारे रे तो सुणी राखेया और प्रभुए री तरफा ते जो तेसरा फल ऊआ, से बी जाणी ला रा, जेते साथे प्रभुए री बऊत बड़ी करूणा और कृपा प्रगट ओई।
12 But above all things, my brothers, do not swear—not by heaven, or by the earth, or by any other oath; but let your “yes” be “yes”, and your “no”, “no”, so that you do not fall into hypocrisy.
पर ओ प्यारे साथी विश्वासियो! सबी ते बड़ी ये गल्ल ए कि कसम नि खाणी, ना स्वर्गो री, ना तरतिया री, ना किजी ओरी चीजा री, पर तुसा री गल्ल आ री आ और ना री ना ऊणी चाईयो, ताकि तुसे परमेशरो रे दण्डो जोगे नि ठईरो।
13 Is any among you suffering? Let him pray. Is any cheerful? Let him sing praises.
जे तुसा बीचा ते कोई दु: खी ओ तो से प्रार्थना करो। जे खुशिया रे ओ तो, से स्तुतिया रे भजन गाया करो।
14 Is any among you sick? Let him call for the elders of the assembly, and let them pray over him, anointing him with oil in the name of the Lord;
जे तुसा बीचे कोई रोगी ए, तो मण्डल़िया रे बुजुर्गा खे बुलाओ और सेयो प्रभुए रे नाओं ते तेस पाँदे तेल मल़ी कि तेसखे प्रार्थना करो।
15 and the prayer of faith will heal him who is sick, and the Lord will raise him up. If he has committed sins, he will be forgiven.
और प्रभुए रे विश्वासो री प्रार्थना रे जरिए रोगी बची जाणा और प्रभुए से ठवाल़ी की ठीक करना और जे तिने पाप बी करी राखे ऊगे, तो सेयो बी माफ ऊई जाणे।
16 Confess your sins to one another and pray for one another, that you may be healed. The insistent prayer of a righteous person is powerfully effective.
इजी री खातर तुसे आपू-बीचे एकी-दूजे रे सामणे आपणे-आपणे पापो खे मानी लो और एकी-दूजे खे प्रार्थना करो, जेते की ठीक ऊई जाओ, तर्मी जणे री प्रार्थना रे असरो ते बऊत कुछ ऊई सकोआ।
17 Elijah was a man with a nature like ours, and he prayed earnestly that it might not rain, and it did not rain on the earth for three years and six months.
भविष्यबक्ता एलिय्याह बी तो आसा जेड़ा दु: ख-सुख सईन करने वाल़ा मांणू था और तिने पूरे तनो-मनो ते प्रार्थना कित्ती कि बादल़ नि बरसो और साडे तीन साल तक जमीना पाँदे बादल़ नि बरसे।
18 He prayed again, and the sky gave rain, and the earth produced its fruit.
तेबे तिने प्रार्थना कित्ती तो सर्गो ते बर्खा ऊई और जमीना रे फसल लगी।
19 Brothers, if any among you wanders from the truth and someone turns him back,
ओ प्यारे साथी विश्वासियो! याद राखो, जे तुसा बीचा ते कोई सच्चो री बाटा ते पटकी जाओ और कोई तेसखे मन फिराणे रे मताद करी की फेरी की ली आओ,
20 let him know that he who turns a sinner from the error of his way will save a soul from death and will cover a multitude of sins.
तो से ये जाणी लो कि जो कोई केसी पटके रे पापिए खे सच्चाईया री तरफा खे फेरी की ली आओगा, तेस एक प्राण मौता ते बचाणा और कई पापो पाँदे पड़दा पाणा।
