2 Thessalonians 1

1 Paul, Silvanus, and Timothy, to the assembly of the Thessalonians in God our Father and the Lord Jesus Christ:

ये चिट्ठी पौलुस, सिलवानुस और तीमुथियुसो री तरफा ते ए। आसे एसा चिट्ठिया खे थिस्सलुनीकियों नगरो री मण्डल़िया खे लिखणे लगी रे, जो म्हारे पिता परमेशर और प्रभु यीशु मसीह रे ए।

2 Grace to you and peace from God our Father and the Lord Jesus Christ.

आसे प्रार्थना करूँए कि म्हारे पिता परमेशर और प्रभु यीशु मसीह रे तुसा खे कृपा और शान्ति मिलदी रओ।

3 We are bound to always give thanks to God for you, brothers, even as it is appropriate, because your faith grows exceedingly, and the love of each and every one of you toward one another abounds,

ओ साथी विश्वासियो, तुसा रे बारे रे आसा खे हर बखत परमेशरो रा धन्यवाद करना चाईयो और ये ठीक बी ए, कऊँकि तुसा रा विश्वास यीशु मसीह पाँदे बऊत बड़दा जाओआ और तुसा खे आपू बीचे प्यार बऊत ऊँदा जाओआ।

4 so that we ourselves boast about you in the assemblies of God for your perseverance and faith in all your persecutions and in the afflictions which you endure.

इजी बजअ ते आसे आपू बी परमेशरो री मण्डल़िया रे तुसा रे बारे रे कमण्ड करूँए। कऊँकि तुसे सब्र और विश्वासो साथे सबी किस्मा रे उपद्रव और क्ल़ेश सईन करोए।

5 This is an obvious sign of the righteous judgment of God, to the end that you may be counted worthy of God’s Kingdom, for which you also suffer.

तुसे लोक दुःख सईन करोए और ये तुसा लोका खे परमेशरो रे राज्य रे जाणे जोगे बणाओए। इजी रा ये सबूत ए कि परमेशरो धार्मिकता ते न्याय करना।

6 For it is a righteous thing with God to repay affliction to those who afflict you,

और परमेशरो रा ये न्याय ए कि जो तुसा खे दुःख देओए, परमेशरो तिना खे बदले रे दुःख देणा

7 and to give relief to you who are afflicted with us when the Lord Jesus is revealed from heaven with his mighty angels in flaming fire,

तेस तुसा लोका खे दुःख क्ल़ेशा ते चैन देणी और परमेशरो आसा लोका खे बी चैन देणी। ये तेस बखते ऊणा जेबे प्रभु यीशु मसीह आपणे सामर्थी स्वर्गदूता साथे बऊत जादा सुलगदी ऊई आगी रे स्वर्गो ते प्रकट ऊणा।

8 punishing those who do not know God, and to those who do not obey the Good News of our Lord Jesus,

परमेशरो तिना लोका खे सजा देणी जो तिना खे नि मानदे और म्हारे प्रभु यीशु मसीह रे सुसमाचारो पाँदे विश्वास नि करदे।

9 who will pay the penalty: consummate (aiōnios g166) destruction at the face of the Lord and at the glory of his might,

सेयो लोक प्रभुए रे सामणे ते और तिना री महिमामय सामर्था रे तेजो ते सदा खे लग कित्ते जाणे। तेस तिना लोका खे अनन्त विनाशो री सजा देणी। (aiōnios g166)

10 when he comes in that day to be glorified in his saints and to be admired among all those who have believed, because our testimony to you was believed.

ये तेस दिने ऊणा, जेबे प्रभु यीशु आपणे लोका बीचे महिमा पाणे वापस आऊणा और सब विश्वास करने वाल़ेया लोका अचम्बा करना। इदे तुसे बी शामिल ए कऊँकि तुसे आसा रे संदेशो पाँदे विश्वास कित्तेया।

11 To this end we also pray always for you that our God may count you worthy of your calling, and fulfill every desire of goodness and work of faith with power,

इजी खे आसे तुसा री खातर लगातार प्रार्थना बी करूँए कि म्हारा परमेशर तुसा खे तेसा जिन्दगिया जोगा बणाओ जेतेखे जिऊणे खे तिने तुसे बुलाई राखे। से तुसा री हर एक खरी इच्छा खे पूरा करो और हर एक तेस कामो खे से सफल बणाओ जो तुसा रे विश्वासो रा नतीजा ए।

12 that the name of our Lord Jesus may be glorified in you, and you in him, according to the grace of our God and the Lord Jesus Christ.

ईंयां म्हारे प्रभु यीशु मसीह रे नाओं तुसा रे जरिए महिमा पाणी और तुसा तेसरे जरिए आदर पाणा। ये सब कुछ आसा रे परमेशरो रे और प्रभु यीशु मसीह री कृपा रे जरिए ऊणा।