約書亞記 15

1 猶大支派的子孫按照家族，抽籤分得的土地是在極南部，以厄東邊境為界，南至親曠野。

וַיְהִ֣י הַגֹּורָ֗ל לְמַטֵּ֛ה בְּנֵ֥י יְהוּדָ֖ה לְמִשְׁפְּחֹתָ֑ם אֶל־גְּב֨וּל אֱדֹ֧ום מִדְבַּר־צִ֛ן נֶ֖גְבָּה מִקְצֵ֥ה תֵימָֽן׃

2 南方的邊界起自鹽海頂端，即海灣南端，

וַיְהִ֤י לָהֶם֙ גְּב֣וּל נֶ֔גֶב מִקְצֵ֖ה יָ֣ם הַמֶּ֑לַח מִן־הַלָּשֹׁ֖ן הַפֹּנֶ֥ה נֶֽגְבָּה׃

3 沿阿刻辣賓山坡之南，經親曠野，上至卡德士巴爾乃亞之南，再由此經過赫茲龍，上至阿達爾，再繞過卡爾卡，

וְ֠יָצָא אֶל־מִנֶּ֜גֶב לְמַעֲלֵ֤ה עַקְרַבִּים֙ וְעָ֣בַר צִ֔נָה וְעָלָ֥ה מִנֶּ֖גֶב לְקָדֵ֣שׁ בַּרְנֵ֑עַ וְעָבַ֤ר חֶצְרֹון֙ וְעָלָ֣ה אַדָּ֔רָה וְנָסַ֖ב הַקַּרְקָֽעָה׃

4 穿過阿茲孟直到埃及小河，而後廷至大海：以上是他們南方的邊界。

וְעָבַ֣ר עַצְמֹ֗ונָה וְיָצָא֙ נַ֣חַל מִצְרַ֔יִם וְהָיָה (וְהָי֛וּ) תֹּצְאֹ֥ות הַגְּב֖וּל יָ֑מָּה זֶה־יִהְיֶ֥ה לָכֶ֖ם גְּב֥וּל נֶֽגֶב׃

5 東方的邊界是起自鹽海直到約旦河口；北方的是起自約旦河口的海灣，

וּגְב֥וּל קֵ֙דְמָה֙ יָ֣ם הַמֶּ֔לַח עַד־קְצֵ֖ה הַיַּרְדֵּ֑ן וּגְב֞וּל לִפְאַ֤ת צָפֹ֙ונָה֙ מִלְּשֹׁ֣ון הַיָּ֔ם מִקְצֵ֖ה הַיַּרְדֵּֽן׃

6 上至貝特曷革拉，經過貝特阿拉巴北部，上至勒烏本人波罕的盤石；

וְעָלָ֤ה הַגְּבוּל֙ בֵּ֣ית חָגְלָ֔ה וְעָבַ֕ר מִצְּפֹ֖ון לְבֵ֣ית הָעֲרָבָ֑ה וְעָלָ֣ה הַגְּב֔וּל אֶ֥בֶן בֹּ֖הַן בֶּן־רְאוּבֵֽן׃

7 再由此上至德彼爾，沿阿苛爾山谷，往北轉向位於谷南的阿杜明山坡對面的革里羅特，再經默士水泉，直到洛革耳泉。

וְעָלָ֨ה הַגְּב֥וּל ׀ דְּבִרָה֮ מֵעֵ֣מֶק עָכֹור֒ וְצָפֹ֜ונָה פֹּנֶ֣ה אֶל־הַגִּלְגָּ֗ל אֲשֶׁר־נֹ֙כַח֙ לְמַעֲלֵ֣ה אֲדֻמִּ֔ים אֲשֶׁ֥ר מִנֶּ֖גֶב לַנָּ֑חַל וְעָבַ֤ר הַגְּבוּל֙ אֶל־מֵי־עֵ֣ין שֶׁ֔מֶשׁ וְהָי֥וּ תֹצְאֹתָ֖יו אֶל־עֵ֥ין רֹגֵֽל׃

8 以後再由此由本希農山谷而上，直達耶步斯，即耶路撒冷的南側，再上至俯視本希農山谷西方的山頂，這山位於勒法因平原的北端。

וְעָלָ֨ה הַגְּב֜וּל גֵּ֣י בֶן־הִנֹּ֗ם אֶל־כֶּ֤תֶף הַיְבוּסִי֙ מִנֶּ֔גֶב הִ֖יא יְרֽוּשָׁלָ֑͏ִם וְעָלָ֨ה הַגְּב֜וּל אֶל־רֹ֣אשׁ הָהָ֗ר אֲ֠שֶׁר עַל־פְּנֵ֤י גֵֽי־הִנֹּם֙ יָ֔מָּה אֲשֶׁ֛ר בִּקְצֵ֥ה עֵֽמֶק־רְפָאִ֖ים צָפֹֽנָה׃

9 再由這山頂轉向乃費托亞水泉，直到厄斐龍山，然後轉向巴阿拉，──即克黎雅特耶阿陵。

וְתָאַ֨ר הַגְּב֜וּל מֵרֹ֣אשׁ הָהָ֗ר אֶל־מַעְיַן֙ מֵ֣י נֶפְתֹּ֔וחַ וְיָצָ֖א אֶל־עָרֵ֣י הַר־עֶפְרֹ֑ון וְתָאַ֤ר הַגְּבוּל֙ בַּעֲלָ֔ה הִ֖יא קִרְיַ֥ת יְעָרִֽים׃

10 再從巴阿拉向西折向肥依爾山，繞過耶阿陵即革撒隆山脊北部，下至貝特舍默士，經過提默納，

וְנָסַב֩ הַגְּב֨וּל מִבַּעֲלָ֥ה יָ֙מָּה֙ אֶל־הַ֣ר שֵׂעִ֔יר וְעָבַ֕ר אֶל־כֶּ֧תֶף הַר־יְעָרִ֛ים מִצָּפֹ֖ונָה הִ֣יא כְסָלֹ֑ון וְיָרַ֥ד בֵּֽית־שֶׁ֖מֶשׁ וְעָבַ֥ר תִּמְנָֽה׃

11 直至厄刻龍山脊北部，再繞過史加龍，經巴阿拉山，直到雅貝乃耳，最後至海為止。

וְיָצָ֨א הַגְּב֜וּל אֶל־כֶּ֣תֶף עֶקְרֹון֮ צָפֹונָה֒ וְתָאַ֤ר הַגְּבוּל֙ שִׁכְּרֹ֔ונָה וְעָבַ֥ר הַר־הַֽבַּעֲלָ֖ה וְיָצָ֣א יַבְנְאֵ֑ל וְהָי֛וּ תֹּצְאֹ֥ות הַגְּב֖וּל יָֽמָּה׃

12 西方的邊界以大海海濱為界：以上是猶大子孫按照家族所分得的地區四周的邊界。

וּגְב֣וּל יָ֔ם הַיָּ֥מָּה הַגָּדֹ֖ול וּגְב֑וּל זֶ֠ה גְּב֧וּל בְּנֵֽי־יְהוּדָ֛ה סָבִ֖יב לְמִשְׁפְּחֹתָֽם׃

13 若蘇厄遵照上主的吩咐，將猶大子孫中的一部分土地，即克黎雅特阿爾巴，分給了耶孚乃的兒子加肋布。阿爾巴是阿納克的祖先，阿爾巴即是赫貝龍。

וּלְכָלֵ֣ב בֶּן־יְפֻנֶּ֗ה נָ֤תַן חֵ֙לֶק֙ בְּתֹ֣וךְ בְּנֵֽי־יְהוּדָ֔ה אֶל־פִּ֥י יְהוָ֖ה לִֽיהֹושֻׁ֑עַ אֶת־קִרְיַ֥ת אַרְבַּ֛ע אֲבִ֥י הָעֲנָ֖ק הִ֥יא חֶבְרֹֽון׃

14 加肋布從那裏趕走了阿納克的三個子孫：舍瑟、阿希曼和塔爾耳買；他們是阿納克的後代。

וַיֹּ֤רֶשׁ מִשָּׁם֙ כָּלֵ֔ב אֶת־שְׁלֹושָׁ֖ה בְּנֵ֣י הָעֲנָ֑ק אֶת־שֵׁשַׁ֤י וְאֶת־אֲחִימַן֙ וְאֶת־תַּלְמַ֔י יְלִידֵ֖י הָעֲנָֽק׃

15 加肋布又從那裏上去，攻打了德彼爾固民。──德彼爾以叫克黎雅特色費爾。

וַיַּ֣עַל מִשָּׁ֔ם אֶל־יֹשְׁבֵ֖י דְּבִ֑ר וְשֵׁם־דְּבִ֥ר לְפָנִ֖ים קִרְיַת־סֵֽפֶר׃

16 加肋布說：「誰能征服或拿下克黎雅特色費爾，我便將我的女兒阿革撒給他為妻。」

וַיֹּ֣אמֶר כָּלֵ֔ב אֲשֶׁר־יַכֶּ֥ה אֶת־קִרְיַת־סֵ֖פֶר וּלְכָדָ֑הּ וְנָתַ֥תִּי לֹ֛ו אֶת־עַכְסָ֥ה בִתִּ֖י לְאִשָּֽׁה׃

17 加肋布的弟兄，刻納次的兒子敖特尼奪下了那城，加肋布便將自己的女兒阿革撒給他為妻。

וַֽיִּלְכְּדָ֛הּ עָתְנִיאֵ֥ל בֶּן־קְנַ֖ז אֲחִ֣י כָלֵ֑ב וַיִּתֶּן־לֹ֛ו אֶת־עַכְסָ֥ה בִתֹּ֖ו לְאִשָּֽׁה׃

18 阿革撒快門的時候，丈夫勸她向她的們父親要求一塊田地。阿革撒一下驢，加肋布便向她說：「妳要﹖」什麼

וַיְהִ֣י בְּבֹואָ֗הּ וַתְּסִיתֵ֙הוּ֙ לִשְׁאֹ֤ול מֵֽאֵת־אָבִ֙יהָ֙ שָׂדֶ֔ה וַתִּצְנַ֖ח מֵעַ֣ל הַחֲמֹ֑ור וַיֹּֽאמֶר־לָ֥הּ כָּלֵ֖ב מַה־לָּֽךְ׃

19 阿革撒答說：「請你給我一件禮物；即要把我安放在南方的旱地，求你也將水泉給我。」她的父親就把上泉和下泉賜給了她。

וַתֹּ֜אמֶר תְּנָה־לִּ֣י בְרָכָ֗ה כִּ֣י אֶ֤רֶץ הַנֶּ֙גֶב֙ נְתַתָּ֔נִי וְנָתַתָּ֥ה לִ֖י גֻּלֹּ֣ת מָ֑יִם וַיִּתֶּן־לָ֗הּ אֵ֚ת גֻּלֹּ֣ת עִלִּיֹּ֔ות וְאֵ֖ת גֻּלֹּ֥ת תַּחְתִּיֹּֽות׃ פ

20 以下是猶大支派子孫．按照家族分得的產業：

זֹ֗את נַחֲלַ֛ת מַטֵּ֥ה בְנֵי־יְהוּדָ֖ה לְמִשְׁפְּחֹתָֽם׃

21 猶大支派子孫在乃革布與厄東交界的城市，有卡貝責耳、阿辣得、雅古爾、

וַיִּֽהְי֣וּ הֶעָרִ֗ים מִקְצֵה֙ לְמַטֵּ֣ה בְנֵֽי־יְהוּדָ֔ה אֶל־גְּב֥וּל אֱדֹ֖ום בַּנֶּ֑גְבָּה קַבְצְאֵ֥ל וְעֵ֖דֶר וְיָגֽוּר׃

22 克納狄摩納、阿爾阿辣。

וְקִינָ֥ה וְדִֽימֹונָ֖ה וְעַדְעָדָֽה׃

23 刻德士、哈祚爾、依特南、

וְקֶ֥דֶשׁ וְחָצֹ֖ור וְיִתְנָֽן׃

24 齊弗、特冷、貝阿羅特、

זִ֥יף וָטֶ֖לֶם וּבְעָלֹֽות׃

25 哈祚爾哈達大、克黎約特赫茲龍──祚爾加達、即哈祚爾、

וְחָצֹ֤ור ׀ חֲדַתָּה֙ וּקְרִיֹּ֔ות חֶצְרֹ֖ון הִ֥יא חָצֹֽור׃

26 阿曼、舍瑪、摩拉達、

אֲמָ֥ם וּשְׁמַ֖ע וּמֹולָדָֽה׃

27 哈匝爾加達、赫士孟、貝特培肋特、

וַחֲצַ֥ר גַּדָּ֛ה וְחֶשְׁמֹ֖ון וּבֵ֥ית פָּֽלֶט׃

28 哈匝爾叔阿耳、貝爾舍巴及所屬村鎮、

וַחֲצַ֥ר שׁוּעָ֛ל וּבְאֵ֥ר שֶׁ֖בַע וּבִזְיֹותְיָֽה׃

29 巴阿拉、依因、厄曾、

בַּעֲלָ֥ה וְעִיִּ֖ים וָעָֽצֶם׃

30 厄耳托拉得、革息耳、曷爾瑪、

וְאֶלְתֹּולַ֥ד וּכְסִ֖יל וְחָרְמָֽה׃

31 漆刻拉格、瑪德瑪納、桑森納、

וְצִֽקְלַ֥ג וּמַדְמַנָּ֖ה וְסַנְסַנָּֽה׃

32 肋巴敖特、史耳新和恩黎孟：共計二十九座城巴和及所屬村鎮。

וּלְבָאֹ֥ות וְשִׁלְחִ֖ים וְעַ֣יִן וְרִמֹּ֑ון כָּל־עָרִ֛ים עֶשְׂרִ֥ים וָתֵ֖שַׁע וְחַצְרֵיהֶֽן׃ ס

33 在盆地有厄市陶耳、祚辣、阿市納、

בַּשְּׁפֵלָ֑ה אֶשְׁתָּאֹ֥ול וְצָרְעָ֖ה וְאַשְׁנָֽה׃

34 匝諾亞、恩加寧、塔普亞、厄南、

וְזָנֹ֙וחַ֙ וְעֵ֣ין גַּנִּ֔ים תַּפּ֖וּחַ וְהָעֵינָֽם׃

35 雅爾慕特、阿杜藍、索苛、阿則卡、

יַרְמוּת֙ וַעֲדֻלָּ֔ם שֹׂוכֹ֖ה וַעֲזֵקָֽה׃

36 沙阿辣因、阿狄塔殷、革德辣及革德洛塔殷：共計十四座城和所屬村鎮。

וְשַׁעֲרַ֙יִם֙ וַעֲדִיתַ֔יִם וְהַגְּדֵרָ֖ה וּגְדֵרֹתָ֑יִם עָרִ֥ים אַרְבַּֽע־עֶשְׂרֵ֖ה וְחַצְרֵיהֶֽן׃

37 責南、哈達沙、米革達耳加得、

צְנָ֥ן וַחֲדָשָׁ֖ה וּמִגְדַּל־גָּֽד׃

38 狄耳罕、米茲培、約刻特耳、

וְדִלְעָ֥ן וְהַמִּצְפֶּ֖ה וְיָקְתְאֵֽל׃

39 基士、波茲卡特、厄革隆。

לָכִ֥ישׁ וּבָצְקַ֖ת וְעֶגְלֹֽון׃

40 加朋、拉赫瑪斯、基特里士、

וְכַבֹּ֥ון וְלַחְמָ֖ס וְכִתְלִֽישׁ׃

41 革德洛特、貝特達貢、納阿瑪、瑪刻達：共計十六座座城和所屬村鎮。

וּגְדֵרֹ֕ות בֵּית־דָּגֹ֥ון וְנַעֲמָ֖ה וּמַקֵּדָ֑ה עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃ ס

42 里貝納、厄特爾、阿商、

לִבְנָ֥ה וָעֶ֖תֶר וְעָשָֽׁן׃

43 依弗達、阿市納、乃漆布、

וְיִפְתָּ֥ח וְאַשְׁנָ֖ה וּנְצִֽיב׃

44 刻依拉、阿革齊布、瑪勒沙：共計九座城和所屬村鎮；

וּקְעִילָ֥ה וְאַכְזִ֖יב וּמָֽרֵאשָׁ֑ה עָרִ֥ים תֵּ֖שַׁע וְחַצְרֵיהֶֽן׃

45 尚有厄刻龍和所屬城鎮。

עֶקְרֹ֥ון וּבְנֹתֶ֖יהָ וַחֲצֵרֶֽיהָ׃

46 還有從厄刻龍到海，所有靠近阿市多得所屬村鎮。

מֵעֶקְרֹ֖ון וָיָ֑מָּה כֹּ֛ל אֲשֶׁר־עַל־יַ֥ד אַשְׁדֹּ֖וד וְחַצְרֵיהֶֽן׃

47 阿市多得所屬城鎮，直到埃及小河；並以大海為界

אַשְׁדֹּ֞וד בְּנֹותֶ֣יהָ וַחֲצֵרֶ֗יהָ עַזָּ֥ה בְּנֹותֶ֥יהָ וַחֲצֵרֶ֖יהָ עַד־נַ֣חַל מִצְרָ֑יִם וְהַיָּ֥ם הַגָּבֹול (הַגָּדֹ֖ול) וּגְבֽוּל׃ ס

48 在山地有沙米爾，雅提爾、索苛、

וּבָהָ֑ר שָׁמִ֥יר וְיַתִּ֖יר וְשֹׂוכֹֽה׃

49 達納、克黎雅特色費爾，即德彼爾、

וְדַנָּ֥ה וְקִרְיַת־סַנָּ֖ה הִ֥יא דְבִֽר׃

50 阿納布、厄市特摩、阿寧、

וַעֲנָ֥ב וְאֶשְׁתְּמֹ֖ה וְעָנִֽים׃

51 哥笙、曷隆和基羅：共計十一座城所屬村鎮。

וְגֹ֥שֶׁן וְחֹלֹ֖ן וְגִלֹ֑ה עָרִ֥ים אַֽחַת־עֶשְׂרֵ֖ה וְחַצְרֵיהֶֽן׃

52 阿辣布、、杜瑪、厄商、

אֲרַ֥ב וְרוּמָ֖ה וְאֶשְׁעָֽן׃

53 雅農、貝特塔普亞、阿費克、

וְיָנִים (וְיָנ֥וּם) וּבֵית־תַּפּ֖וּחַ וַאֲפֵֽקָה׃

54 胡默達、克黎雅特阿爾巴，即赫貝龍和漆敖爾：共計九座城所屬村鎮。

וְחֻמְטָ֗ה וְקִרְיַ֥ת אַרְבַּ֛ע הִ֥יא חֶבְרֹ֖ון וְצִיעֹ֑ר עָרִ֥ים תֵּ֖שַׁע וְחַצְרֵיהֶֽן׃ ס

55 瑪紅、加爾默爾、齊弗、猶他、

מָעֹ֥ון ׀ כַּרְמֶ֖ל וָזִ֥יף וְיוּטָּֽה׃

56 依次勒耳、刻約德罕、匝諾亞、

וְיִזְרְעֶ֥אל וְיָקְדְעָ֖ם וְזָנֹֽוחַ׃

57 卡因、基貝亞、提默納：共計十座城所屬村鎮。

הַקַּ֖יִן גִּבְעָ֣ה וְתִמְנָ֑ה עָרִ֥ים עֶ֖שֶׂר וְחַצְרֵיהֶֽן׃

58 哈耳胡耳、貝特族爾、革多爾、

חַלְח֥וּל בֵּֽית־צ֖וּר וּגְדֹֽור׃

59 瑪阿辣特、貝特阿諾特、厄耳特孔：共計六座城所屬村鎮。特科亞、厄弗辣大即白冷、培敖爾、厄堂、谷隆、塔堂、索勒、加倫、加林、貝特爾、瑪納：共計十一座城所屬村鎮。

וּמַעֲרָ֥ת וּבֵית־עֲנֹ֖ות וְאֶלְתְּקֹ֑ן עָרִ֥ים שֵׁ֖שׁ וְחַצְרֵיהֶֽן׃

60 尚有克黎雅特巴爾即克黎雅特耶阿陵和阿辣巴兩座城，所屬村鎮。

קִרְיַת־בַּ֗עַל הִ֛יא קִרְיַ֥ת יְעָרִ֖ים וְהָֽרַבָּ֑ה עָרִ֥ים שְׁתַּ֖יִם וְחַצְרֵיהֶֽן׃ ס

61 在曠野有貝特阿辣巴、

בַּמִּדְבָּ֑ר בֵּ֚ית הָעֲרָבָ֔ה מִדִּ֖ין וּסְכָכָֽה׃

62 尼貝商、監城和恩革狄：共計六座城所屬村鎮。

וְהַנִּבְשָׁ֥ן וְעִיר־הַמֶּ֖לַח וְעֵ֣ין גֶּ֑דִי עָרִ֥ים שֵׁ֖שׁ וְחַצְרֵיהֶֽן׃

63 至於住在耶路撒冷的耶步斯人，猶大人不能將他們趕走，因此耶步斯人直到今日，仍同猶大人一起住在耶路撒冷。

וְאֶת־הַיְבוּסִי֙ יֹושְׁבֵ֣י יְרֽוּשָׁלַ֔͏ִם לֹֽא־יוּכְלוּ (יָכְל֥וּ) בְנֵֽי־יְהוּדָ֖ה לְהֹֽורִישָׁ֑ם וַיֵּ֨שֶׁב הַיְבוּסִ֜י אֶת־בְּנֵ֤י יְהוּדָה֙ בִּיר֣וּשָׁלַ֔͏ִם עַ֖ד הַיֹּ֥ום הַזֶּֽה׃ פ