马可福音 15
1 第二天清晨，祭司长和长老、宗教老师以及公议会全体做出决定。他们把耶稣捆绑起来，送到彼拉多处。
Kundaŵi pe, achakulu ŵambopesi ni achachekulu ni ŵakwiganya Malajisyo, pamo ni Nkungulu wose, ŵatemi, ŵajilene kunjausya Che Yesu ku che Pilato. Nipele ŵantaŵile, ni kunjausya ku che Pilato.
2 彼拉多问他：“你是犹太人之王？”耶稣回答：“这是你说的。”
Che Pilato ŵammusisye Che Yesu, “Ana mmweji ndi mwenye jwa Ŵayahudi?” Che Yesu ŵajanjile, “Elo, mpela mmwejo intite pakuŵecheta.”
3 祭司长对耶稣提起很多控告。
Achakulu ŵambopesi ŵaŵechetele Che Yesu maloŵe gamajinji.
4 彼拉多又问他：“你看，他们对你提出这么多控告，你不想为自己辩护吗？”
Che Pilato ŵammusisye sooni Che Yesu, “Ana ngakwanga chachili chose? Mpilikane maloŵe gose gakummechetela ga.”
5 但耶稣仍一言不发，彼拉多很惊讶。
Nambo Che Yesu nganajanga liloŵe, mpaka che Pilato ŵasimosile.
6 每年这个时候，彼拉多都会照例按着众人的要求，特赦一名囚犯。
Pa katema ka chindimba cha Pasaka, che Pilato ŵasyoŵelele kwagopolela jwataŵikwe juŵansachile ŵandu.
7 有一名叫做巴拉巴的罪犯，是一个反叛组织的成员，曾杀过人。
Kwaliji ni jwataŵikwe jumo, liina lyakwe che Balaba, juŵaliji ataŵikwe pamo ni ŵandu ŵane ŵaŵatandisye utindiganyo ni kwaulaga ŵandu ŵane.
8 民众来到彼拉多处，请他大赦巴拉巴。
Mpingo wa ŵandu waichilile che Pilato, ŵatandite kwaŵenda ŵapanganyichisye mpela iŵatendaga.
9 彼拉多回答他们：“那你们想不想让我释放这犹太人之王？”
Che Pilato ŵausisye, “Ana nkusaka nangopolele Mwenye jwa Ŵayahudi?”
10 他其实知道，祭司长是因为嫉妒才把耶稣交上来。
Che Pilato ŵatite yeleyo pakuŵa ŵaimanyilile kuti, achakulu ŵambopesi ŵannyichisye Che Yesu kukwao ligongo lya kwakolela wiu.
11 祭司长却煽动民众，一定要总督赦免巴拉巴而非耶稣。
Nambo achakulu ŵambopesi ŵala, ŵachisisye ŵandu ŵaŵende che Pilato ŵagopolele che Balaba pamalo pa Che Yesu.
12 彼拉多又问他们：“那么，对于这个被称为犹太人之王的人，你们想让我怎样处置？”
Che Pilato ŵausisye ŵandu sooni, “Sambano, nkusaka naapanganyichisye ichichi aju mundu junkuti Mwenye jwa Ŵayahudi?”
13 众人喊到：“把他钉上十字架！”
Ŵanyanyisye sooni achitiji, “Mwaŵambe pa nsalaba!”
14 彼拉多说：“为什么呢？他做了什么恶事呢？”众人更大声地喊叫：“把他钉上十字架！”
Nambo che Pilato ŵausisye, “Atesile chakusakala chanti uli?” Nambo ŵanyawo ŵapundile kunyanyisya achitiji, “Mwaŵambe pa nsalaba!”
15 彼拉多只想安抚愤怒的民众，于是释放了巴拉巴，但对耶稣进行了鞭打处罚，然后将他送走，准备钉上十字架。
Che Pilato ŵasachile kwanonyelesya ŵandu, ŵagopolele che Balaba. Nipele ŵalamwile Che Yesu aputikwe mbokola ni kwapa ŵaŵambe pa nsalaba.
16 士兵把耶稣带进总督府的院子里，召集整个军队的士兵都在那里集合。
Ŵangondo ŵanjawisye Che Yesu pa nsana wa likome li che Pilato, jwankulu jwa chilambo. Ŵausimanisye mpingo wose wa ŵangondo.
17 他们给耶稣穿上紫色长袍，用荆棘编成冠冕戴在他头上。
Ŵambwasisye mwinjilo wa sambalau nti mwenye, ŵakolosisye chindu mpela singwa ja miiŵa, ŵambwasisye mu ntwe.
18 然后向他敬礼，说：“犹太人之王万岁！”
Nipele ŵatandite kunkomasya achitiji, “Kutusimana, Mwenye jwa Ŵayahudi!”
19 接着就用芦苇反复打他的头，朝他吐唾沫还跪下来，仿佛膜拜他一般。
Ŵamputile pa ntwe ni lubokola lwa nnasi, ŵansunile mata, ŵantindiŵalile ni kwakotamila.
20 嘲笑完后，士兵把他的紫色外袍脱下，让他穿回自己的衣服，然后准备将他送上十字架。
Paŵamasile kwachembulusya, ŵammusile mwinjilo wa sambalau ni kwawasya iwalo yao. Nipele ŵantyosisye paasa ni kwaŵamba pa nsalaba.
21 有一个名叫西门的古利奈人从乡下来到城里，他是亚历山大和鲁孚的父亲。原本只是经过此地，士兵却强迫他背上耶稣的十字架。
Paŵaliji mwitala, ŵasimene ni mundu liina lyao che Simoni, jwa ku Kulene jwaŵaliji atati ŵa che Alekisanda ni che Lufo. Jweleju ŵatyochelaga kunsinda kwinjila mmusi. Ŵangondo ŵankanganichisye atwichile nsalaba uŵajigele Che Yesu ula.
22 他们把耶稣带到一个名叫各各他的地方，意为髑髅地，
Nipele ŵanjigele Che Yesu mpaka peuto papaŵilanjikwe Goligota, malumbo gakwe, “Peuto papakuloleka nti, Chikalakasa cha Ntwe.”
23 士兵拿出没药调配的酒给他喝，但耶稣没有喝。
Pelepo, ŵampele divai jewanganye ni ntela waukuŵilanjikwa manemane, nambo Che Yesu ŵakanile kung'wa.
24 他们把耶稣钉上十字架，抽签分他的衣服，看谁能分到什么。
Ŵammambile pa nsalaba ni ŵagaŵene iwalo yakwe kwa kuitendela gudugudu, pakuti alole ŵaani chapate chiwalo chi.
25 他们钉他上十字架之时，是上午九点钟。
Jaliji saa tatu kundaŵi paŵammambile pa nsalaba.
26 耶稣的罪状牌上写着“犹太人之王。”
Ni pachanya nsalaba, ŵaŵisile chindu chachilembekwe magambo ga, “MWENYE JWA ŴAYAHUDI.”
27 同时钉上十字架的还有两个强盗，一个在耶稣右侧，一个在左侧。
Papopopepo ŵaŵambikwe pa misalaba ŵachiswamba ŵaŵili, jwine kundyo ku Che Yesu ni jwine kunchiji.
Yeleyi yamalichisye Malembelo ga Akunnungu gagakuti, “Jwaŵichikwe pamo ni ŵandu ŵangalumbana.”
29 路人讥笑他，摇着头说：“哼，就是你说要拆毁神庙，然后在三日内再次建造它的吧？
Ŵandu ŵaŵapitaga pelepo ŵapukunyaga mitwe jao ni kwatukana Che Yesu, alinkuti, “Ama! Mmwe ngati mwatiji chinchigumula Nyuumba ja Akunnungu, ni kujitaŵa kwa moŵa gatatu!
30 现在把自己从十字架上救下来吧！”
Sambano, ntuluche pa nsalaba, ndikulupusye mwasyene!”
31 祭司长和宗教老师也同样讥笑他，彼此说：“他救得了别人，却不能救自己，
Iyoyo peyo achakulu ŵambopesi ni ŵakwiganya Malajisyo wala ŵanchembulwisye achisalilanaga, “Ŵakulupwisye ŵandu ŵane, nambo ngakukombola kulikulupusya nsyene!
32 如果他真是基督，是以色列的王，现在就从十字架走下来，我们看见就会信你。”甚至连其他被钉上十字架的人都在侮辱他。
Nneche twalole Kilisito, Mwenye jwa Isilaeli! Atuluche etu pa nsalaba po kuti tulole ni kwakulupilila.” Iyoyo peyo ŵandu uŵaŵambikwe pa misalaba chiŵandi ni Che Yesu, ni ŵanyawo nombe ŵaliji nkutukana.
33 正午时分，整个地区都陷入黑暗，直到下午三点钟。
Palyaiche lyuŵa pantwe, chilambo chose chaunichikwe ni chipi mpaka saa tisa ja muusi.
34 下午三点，耶稣大声呼叫：“以利，以利，拉马撒巴各大尼。”意思为：“我的上帝，我的上帝，你为什么抛弃我？”
Saa tisa ja muusi Che Yesu ŵanyanyisye achitiji, “Eloi, Eloi, lama sabakitani?” Malumbo gakwe, “Akunnungu ŵangu, Akunnungu ŵangu, kwachichi munesile?”
35 站在旁边的几个人听见了就说：“看，他呼叫以利亚呢。”
Aŵala ŵandu ŵane ŵaŵajimi pepala ŵala, paŵapilikene maloŵe go ŵatite, “Mpilikanile! Akwaŵilanga che Elia!”
36 有一个人跑去拿海绵浸满了酸酒，绑在芦苇上，递给耶稣喝，说：“等着瞧吧，看看以利亚来不来救他。”
Jumo jwao ŵautwiche kukunyoya chindu mpela lidodoki mu divai jakuŵipa, ŵakoleche pa nnasi, ŵambichile Che Yesu pakang'wa, achitiji, “Nneche tulole iŵaga che Elia chaiche kukuntulusya pa nsalaba!”
37 耶稣痛苦地大叫一声死去。
Nipele Che Yesu ŵanyanyisye ni ŵajasiche.
38 圣殿里的垂帘从上到下裂成两半。
Katema kakoko, nguo ja lusasa ja mu Nyuumba ja Akunnungu japapwiche pambindikati, kutyochela penani mpaka paasi.
39 看见他这样死去，站在他对面的百夫长说：“这人真是上帝之子！”
Jwankulu jwa ŵangondo juŵajimi mmbujo mwa nsalaba, paŵaweni Che Yesu ajasiche kwanti yeleyo, ŵatite, “Isyene mundu ju ŵaliji Mwana jwa Akunnungu!”
40 有一些妇女在远处观看，她们中有抹大拉的玛利亚、小雅各和约西的母亲玛利亚以及撒罗米。
Achakongwe ŵampepe ŵaliji nkulolechesya kwakutalichila. Mwa ŵanyawo, ŵapali che Maliamu jwa musi wa ku Magidala ni che Salome ni che Maliamu achikulu ŵao che Yakobo jwannandi ni che Yusufu.
41 耶稣在加利利期间，这些女人就一直跟随他、服侍他。此外，还有许多和他一同去过耶路撒冷的女人。
Achakongwe ŵa ni aŵala ŵaŵaliji nkwakuya Che Yesu paŵaliji ku Galilaya ni kwatumichila. Iyoyo peyo ŵapali achakongwe ŵane pepala, ŵaŵaiche ku Yelusalemu pamo nawo.
42 这天是星期五，也是安息日的前一日，夜幕降临，
Lyaiche ligulo lya lyuŵa lya kuliŵika chile, likanaŵe Lyuŵa lya Kupumulila.
43 亚利马太的约瑟来了，他是公议会的成员，他在等待着神的国度的到来。他斗胆去见彼拉多，请求带回耶稣的身体。
Che Yusufu jwa musi wa ku Alimataya, juŵaliji jumo jwa achakulu ŵa Nkungulu ni jwakuchimbichikwa nnope ŵaiche. Jwelejo ŵaliji nkulolela kwika kwa Umwenye wa Akunnungu. Nipele che Yusufu ŵanjaulile che Pilato pangajogopa ni kwaŵenda ŵaape chiilu chi Che Yesu.
44 彼拉多惊讶耶稣已死，就把百夫长叫来，问耶稣是否已死。
Che Pilato ŵasimosile kupilikana kuti Che Yesu ajasiche. Nipele, ŵammilasile jwankulu jwa ŵangondo, ŵambusisye iŵaga Che Yesu ŵajasiche.
45 从百夫长那里确认后，彼拉多就把遗体交给约瑟。
Nipele, che Pilato paŵaimanyi kutyochela kwa jwankulu jwa ŵangondo jula, ŵannechele che Yusufu ajigale chiilu chi Che Yesu.
46 约瑟买了细麻布，把耶稣的躯体从十字架上取下，用细麻布裹好后，葬于一个他在岩石中凿出来的坟墓内，又用一块大石头挡住墓门。
Che Yusufu ŵasumile saanda, ni ŵachitulwisye paasi chiilu chi Che Yesu ni kuchiŵilijila saanda jila. Ŵachiŵisile mwilembe lilyasepekwe pa lwala. Nipele ŵalipitikulile liganga lyalikulungwa pannango.
47 抹大拉的玛利亚和约西的母亲玛利亚亲眼看到安放他的地方。
Che Maliamu jwa musi wa ku Magidala pamo ni che Maliamu achikulugwe che Yusufu ŵapaweni pelepo paŵachiŵisile chiilu chi Che Yesu.
