La Bu 64
1 O Pathen, ka kiphinna hi neingaipeh tei in. Ka melmaten eigihnauva kon hin neihuh doh in.
Hear my voice, O God, in my prayer: preserve my life from fear of the enemy.
2 Hiche engset lungput a tohgon nei mipiho a kon’in neiselmang in, hiche thilse bol hon hoa kon in.
Hide me from the secret counsel of the wicked; from the insurrection of the workers of iniquity:
3 Amahon chemjam kinolhem bang’in alei’u anolhem’un thalchang kikap doh bang’in thucheng ngaimo tah tah in mi adoi leleu ve.
Who sharpen their tongue like a sword, and bend their bows to shoot their arrows, even bitter words:
4 Themmona neilou miho chu akiselnauva kon in ahin kap un kichatna neilouvin gangtah in anokhum jiuvin ahi.
That they may shoot in secret at the perfect: suddenly do they shoot at him, and fear not.
5 Thilse bol ding in amaho le amaho akitilkhou un chujongle aguh a iti thang kam ding ham, tichu agong’un ahi. “Hiche hi kon amudoh ding ham?” atiuve.
They encourage themselves in an evil matter: they commune of laying snares privately; they say, Who shall see them?
6 Athilse gonpat’u chun hitin aseijun, “Hiche hi thilgon hoipen ahitai!” atiuve. Henge mihem lunggel le lungthim vang hi aphalou mong ahi.
They search out iniquities; they accomplish a diligent search: both the inward thought of every one of them, and the heart, is deep.
7 Ahinla Pathen amatah’in athalchang ahin kap ding gangtah a akaplhuh diu ahi.
But God shall shoot at them with an arrow; suddenly shall they be wounded.
8 Amaho tah kampao in ahin thagam diu ahi, koi hileh amaho muchan chun alunghan khum uva alu ahihdiu ahi.
So they shall make their own tongue to fall upon themselves: all that see them shall flee away.
9 Chujouteng mijouse kicha diu, Pathen thil boltheina kidangtah chu aphondoh diu, chuleh athilbol datmo umtah ho chu ahin hetchen diu ahi.
And all men shall fear, and shall declare the work of God; for they shall wisely consider of his doing.
10 Mi chonphaho Pakai a kipah thanom diu chuleh Ama chu kiselna ahin neidiu ahi. Koi hileh thilpha bolho jousen Pathen ahin vahchoidiu ahi.
The righteous shall be glad in the LORD, and shall trust in him; and all the upright in heart shall glory.
