Job 18
1 Hichun Shuh mi Bildad chun adonbut in:
Then Bildad the Shuhite answered and said,
2 Nathusei nangah masang a ichan sauva nasei nahlai ding ham? Ka donbut diu nadeija ahile chihna thu seijin.
“When will you stop your talk? Consider, and afterwards we will speak.
3 Nangin keiho gamsa ho sanga phajo maimaija neigel uham? Nangin keiho hi mingol a nei ngai tou ham?
Why are we regarded as beasts, stupid in your sight?
4 Nalung han man in nalu jang sam chu botchai theijin nate, ahinlah hichun leiset asuhmang thei ding ham? Songpi ho akithin sah theiding ham?
You who tear at yourself in your anger, should the earth be forsaken for you or should the rocks be removed out of their places?
5 Tahbeh in migilou te thaomei kimut mit peh intin ameikong jeng u jong vahdoh lou ding ahi.
Indeed, the light of the wicked person will be put out; the spark of his fire will not shine.
6 Aponbuh uva athaomei jengu jong hung thim ding ahi, achung lang uva kikhai thaomei jong kimutmit ding ahi.
The light will be dark in his tent; his lamp above him will be put out.
7 Migilouvin ama kam'a kitahsan tah a akalson nau kisuhchom peh ding, amaho thilgon mama a chu kipal lhu diu ahi.
The steps of his strength will be made short; his own plans will cast him down.
8 Migilou chu lenna a ohin kokhuh sunga alhalut jiuve.
For he will be thrown into a net by his own feet; he will walk into a pitfall.
9 Thang kikam chun akhotal jum u akhit khan thang chun akhit chah kheh e.
A trap will take him by the heel; a snare will lay hold on him.
10 Khaokol chu tolla akisel den nalaijin, alampiuva khao akijung galkai peh e.
A noose is hidden for him on the ground; and a trap for him in the way.
11 Migiloute chu kichat tijatnan aum kimvel un chule akalson jouse asuboi ji'e.
Terrors will make him afraid on every side; they will chase him at his heels.
12 Akelthoh u chun athao asulhom in chuleh vangset nachun amaho kipal lhuh ding chu anga ahi.
His wealth will turn into hunger, and calamity will be ready at his side.
13 Natna in ativun u anen, thinan atibah u aval lhum tai.
The parts of his body will be devoured; indeed, the firstborn of death will devour his parts.
14 Ahoidoh nau ainuva konna kibotkhen uva, chule kichat umtah lengpa henga chun akipui lha tauve.
He is torn from the safety of his tent and marched off to the king of terrors.
15 Migiloute in chu kihal lha a ain chung uva kath meikong akijuh lhah sah e.
People not his own will live in his tent after they see that sulfur is scattered within his home.
16 Ajungu golha a abah u jong goplha ding ahi.
His roots will be dried up beneath; above will his branch be cut off.
17 Aum ingo kihetna ho jouse leisetna konna mangthah ding ahin koima chan amaho min chu ageldoh kit lou ding ahi.
His memory will perish from the earth; he will have no name in the street.
18 Khovah a konna muthim lah a kisep lut ding ahiuvin vannoi leiset a konna kidel manga ahi tauve.
He will be driven from light into darkness and be chased out of this world.
19 Amahon chate hihen tute hijongle anei tahlou ding u ahi, achennau gamsung a hung cheng ding son leh pah hung beihel ding ahi.
He will have no son or son's son among his people, nor any remaining kinfolk where he had stayed.
20 Nilhum lam miten avangset diu akichat peh un, solam amite akichauve.
Those who live in the west will be horrified at what happens to him one day; those who live in the east will be frightened by it.
21 Hichehi migilou Pathen neiloute chenna mun ahi tin hin seiju vinte.
Surely such are the homes of unrighteous people, the places of those who do not know God.”
