Semtilbu 5
1 Hiche hohi Adam te insung khanggui umdan kijihna lekhabu ahi. Pathen in mihem asem chu ama lim tobang din asem in ahi.
This is the book of the generations of Adam. In the day that God created humankind, he made him in God's likeness.
2 Pathenin numei le pasal ana semdoh in aman amisem doh teni chu phatthei aboh in chuin amani chu mihem asah tai.
He created them male and female, and blessed them, and called their name "humankind" on the day when they were created.
3 Adam chu kum jakhat le kum somthum alhinin ama limle ama mel to kilou cha khat ahing in hichepa chu amin Seth asah tai.
Adam lived two hundred and thirty years, and became the father of a son in his own likeness, after his image, and named him Seth.
4 Seth apen jou chun Adam chu kum jaget tabang ahin be kit in, chu achun Adam in cha numei le pasal anei be na laiye.
The days of Adam after he became the father of Seth were seven hundred years, and he became the father of sons and daughters.
5 Adam chu kum jako le kum somthum ahing nomsel in hiche jou chun ama athi tai.
All the days that Adam lived were nine hundred and thirty years, then he died.
6 Seth chu kum jakhat le kum nga ahi chun ama chu Enosh pa ahung hi tai.
Seth lived two hundred and five years, and became the father of Enosh.
7 Enosh pen jou chun Seth chu kum jaget le kum sagi ahin be nalai in chu achun aman cha numei le pasal adang ahin be nalaiye.
Seth lived after he became the father of Enosh seven hundred and seven years, and fathered sons and daughters.
8 Hichun Seth chu kum jako le kumsom le kumni ahing in hiche jou chun aleiset hinkho abeitai.
All the days of Seth were nine hundred and twelve years, then he died.
9 Enosh chu kum somko ahi chun ama chu Kenan pa ahung hi tai.
Enosh lived one hundred and ninety years, and became the father of Kenan.
10 Kenan pen jou chun, Enosh chu kum jaget le kum som le kum nga ahing na laiyin chujou chun cha numei le cha pasal ahing na laiye.
Enosh lived after he became the father of Kenan, seven hundred and fifteen years, and fathered sons and daughters.
11 Enosh chu kum jako le kum nga ahing in ama athi tai.
All the days of Enosh were nine hundred and five years, then he died.
12 Kenan chu kum som sagi alhing in ama chu Mahalalel pa ahung hitai.
Kenan lived one hundred and seventy years, and became the father of Mahalalel.
13 Mahalalel pen jou chun, Kenan chu kum jaget le kum somli ahing na laiyin, chule aman chapa dang le chanu dang jong anei be nalaiye.
Kenan lived after he became the father of Mahalalel seven hundred and forty years, and fathered sons and daughters
14 Kenan chu kum jako le kum som gei ahing in chuin ama hinkho abeitai.
and all the days of Kenan were nine hundred and ten years, then he died.
15 Hichun Mahalalel chu kum somgup le kum nga alhing in ama chu Jared pa ahung hi tai.
Mahalalel lived one hundred and sixty-five years, and became the father of Jared.
16 Jared pen jou chun, Mahalalel chu kum jaget le kum som thum jen ahing nalaiyin chule cha pasal le cha numei tamtah ahin be nalaiye.
Mahalalel lived after he became the father of Jared seven hundred and thirty years, and fathered sons and daughters.
17 Hichun Mahalalel kum jaget le kum somko le kum nga gei ahing in hichun ama leiset hinkho abeitai.
All the days of Mahalalel were eight hundred and ninety-five years, then he died.
18 Jared chu kum jakhat le kum somgup le kum ni alhin in ama chu Enoch pa ahung hitai.
Jared lived one hundred and sixty-two years, and became the father of Hanokh.
19 Enoch pen jou chun, Jared chu kum jaget gei ahingin, chuban in chapa le chanu dang jong ahing na laiye.
Jared lived after he became the father of Hanokh eight hundred years, and fathered sons and daughters.
20 Jared chu kum jako le kum som gup le kumni ahing in, hichun ama aleiset hinkho abeitai.
All the days of Jared were nine hundred and sixty-two years, then he died.
21 Enoch chu kum som gup le kum nga alhin in ama chu Methuselah pa ahung hitai.
Hanokh lived one hundred and sixty-five years, and became the father of Methuselah.
22 Methuselah pen jou kum jathum sungin Enoch chu Pathen toh kinai tah in aum jing jeng in chule chapa dangle chanu dang tampi jong ahinbe nalaiye.
Hanokh walked with God after he became the father of Methuselah two hundred years, and fathered sons and daughters.
23 Hiti chun Enoch chu kum jathum le kum somgup le kum nga ahing in ahi.
All the days of Hanokh were three hundred and sixty-five years.
24 Pathen toh kingaitah a umjing ahin nikhat chu ama akimu tapon Pathen in akou doh ahi tai.
Hanokh walked with God, and then he was not there, for God took him.
25 Methuselah chu kum jakhat le kum somget le kum sagi alhin in, ama chu Lamech pa ahung hitai.
Methuselah lived one hundred and eighty-seven years, and became the father of Lamech.
26 Lamech pen jou chun, Methuselah chu kum jasagi le kum somget le kumni ahing in, hichun aman chapa le chanu dang tamtah anei be nalaiyin ahi.
Methuselah lived after he became the father of Lamech seven hundred and eighty-two years, and fathered sons and daughters.
27 Methuselah chu kum jako le kumsom gup le kum ko ahing in hichun ama ahinkho abeitai.
All the days of Methuselah were nine hundred and sixty-nine years, then he died.
28 Hichun Lamech chu kum jakhat le kum som get le kumni alhinin chapa khat ahing in,
Lamech lived one hundred and eighty-two years, and became the father of a son,
29 Ama min chu Noah asah in hitin aseiye, “Pathen in agaosapsa gim genthei thoh'a ikhut uva i-tohgim nau hiche leiset'a kona ama hin eitha-ol sah ding'u ahi,”ati.
and he named him Noah, saying, "This one will comfort us in our labor and in the hard work of our hands, because of the ground which God has cursed."
30 Noah pen jou chun, Lamech chu kum ja nga le kum somko le kum nga ahing in hijou chun cha pasal le numei tamtah ahing na laiyin ahi.
Lamech lived after he became the father of Noah five hundred and ninety-five years, and fathered sons and daughters.
31 Lamech chu kum jasagi le kum som sagi le kum sagi ahing in, hichun aleiset hinkho abeitai.
All the days of Lamech were seven hundred and seventy-seven years, then he died.
32 Noah chu kum ja nga alhin'in, ama chu Shem, Ham, chule Japheth ahing in ahi.
Noah was five hundred years old, and Noah became the father of Shem, Ham, and Japheth.
