1 Timothy 3

1 Ni tawpkhak sang ciang haksatna hun tampi hong theng tu hi, ci zong phawk in.

But know this, that in the last days terrible times will come.

2 Banghangziam cile mihing te sia amate le amate a ki it te, duhop te, a ki phasak te, a ki hisak te, ngual sonsia te, nu le pa thu ni ngawl te, a lungdam thei ngawl te, a thiangtho ngawl te,

For people will be lovers of self, lovers of money, boastful, arrogant, blasphemers, disobedient to parents, unthankful, unholy,

3 Ngeina omsa bang in thangaina nei ngawl te, kilemna a susia te, a man ngawl ngual mawsiat te, ki tekna nei ngawl te, a ngilo te, mipha thusimngawl te,

unloving, unforgiving, slanderers, without self-control, brutal, hateful of good,

4 Thukham paltan te, lungtang khauh te, ama le ama a ki thupisak te, Pathian sang in ama lungkimna a dei zaw te;

treacherous, reckless, conceited, lovers of pleasure rather than lovers of God;

5 Pathianmi hi na nei bang in om napi, a vangletna te nial tu uh hi: tabang te pial in.

holding a form of godliness, but having denied the power thereof. Turn away from these, also.

6 Banghangziam cile tabang mihing te sia innsung ah tum in mawna vanngit a pua numei mawmaw te man a, cilesa deina a tatuam taw zol siat hi,

For among them are those who crawl into households and take captive weak-willed women weighed down with sins, led away by various passions and pleasures,

7 Sin napi, thuman heakna ah theng zo ngawl hi.

always learning, and never able to come to the knowledge of the truth.

8 Jannes le Jambres te in Moses a khak uh bang in, hi te in zong thuman khak uh hi: hi te sia thinsung pha ngawl le upna taw kisai ngina ngawl uh hi.

Even as Jannes and Jambres opposed Moses, so do these also oppose the truth; people corrupted in mind, disapproved concerning the faith.

9 Ahihang Jannes le Jambres te mawmawtna a kilang bang in, hi te i mawmawtna zong mi theampo mai ah kilang tu ahikom, a khuala mama dong paipui thei ngawl tu hi.

But they will proceed no further. For their folly will be evident to all, as theirs also was.

10 Ahihang nang nahile kong hilna, nuntak zia, tupna sawm na, upna, thinsau na, itna le thuakzawkna,

But you did follow my teaching, conduct, purpose, faith, patience, love, steadfastness,

11 Antioch, Iconium le Lystra ah ka kung hong theng vawtsiatna te, haksatna te, ka thuakna te a kicing in na he siat zo hi: ahihang tua te theampo sung pan Topa in hong suaktasak hi.

persecutions, and sufferings: those things that happened to me at Antioch, Iconium, and Lystra. I endured those persecutions. Out of them all the Lord delivered me.

12 Hi hi, taciang, Christ Jesus sung ah Pathianmi hi na bang in a nungta theampo in vawtsiatna thuak tu hi.

Yes, and all who desire to live godly in Christ Jesus will suffer persecution.

13 Ahihang mipha ngawl le ngual theam te kisia seseam tu hi, taciang amate in ngual theam tu a, amate zong ngual in theam tu hi.

But evil people and impostors will grow worse and worse, deceiving and being deceived.

14 Ahihang nang na hile na sinsa le a khotak in na upna thu te sia kua kung pan sin khi ziam, ci na heak ahikom, tua thu sung ah om paisuak in;

But you remain in the things which you have learned and have been assured of, knowing from whom you have learned them.

15 Laithiangtho sia na nolai pan in na heaksa hi zo a, tua laithiangtho sia Christ Jesus na upna tungtawn in ngupna ah theng tu in hong pilsak thei tu hi.

From infancy, you have known the holy Scriptures which are able to make you wise for salvation through faith, which is in Christ Jesus.

16 Laithiangtho theampo sia Pathian i humop nataw a kipia hi a, ki hil na, ki tek na, a maw te puaphat na le thutang suana ah hilna tu in manpha hi.

All Scripture is God-breathed and profitable for teaching, for reproof, for correction, and for training in righteousness,

17 Tabang in Pathian i mihing sia picing tu a, nasep pha theampo atu in ki cialcingsak tu hi.

that the person of God may be complete, thoroughly equipped for every good work.