Masalimo 50
1 Salimo la Asafu. Wamphamvuyo, Yehova Mulungu, akuyankhula ndi kuyitanitsa dziko lapansi kuyambira kotulukira dzuwa mpaka kumene limalowera.
| מזמור לאסף אל אלהים יהוה-- דבר ויקרא-ארץ ממזרח-שמש עד-מבאו |
2 Kuchokera ku Ziyoni, mokongola kwambiri Mulungu akuwala.
| מציון מכלל-יפי-- אלהים הופיע |
3 Mulungu wathu akubwera ndipo sadzakhala chete; moto ukunyeketsa patsogolo pake, ndipo pomuzungulira pali mphepo yamkuntho
| יבא אלהינו ואל-יחרש אש-לפניו תאכל וסביביו נשערה מאד |
4 Iye akuyitanitsa zamumlengalenga ndi za pa dziko lapansi kuti aweruze anthu ake.
| יקרא אל-השמים מעל ואל-הארץ לדין עמו |
5 Mundisonkhanitsire okhulupirika anga, amene anachita pangano ndi ine pochita nsembe.
| אספו-לי חסידי-- כרתי בריתי עלי-זבח |
6 Ndipo mayiko akumwamba akulengeza chilungamo chake, pakuti Mulungu mwini ndi woweruza.
| ויגידו שמים צדקו כי-אלהים שפט הוא סלה |
7 Imvani inu anthu anga, ndipo Ine ndidzayankhula, iwe Israeli, ndipo Ine ndidzayankhula mokutsutsa; ndine Mulungu, Mulungu wako.
| שמעה עמי ואדברה-- ישראל ואעידה בך אלהים אלהיך אנכי |
8 Sindikudzudzula chifukwa cha nsembe zako, kapena nsembe zako zopsereza zimene zili pamaso panga nthawi zonse.
| לא על-זבחיך אוכיחך ועולתיך לנגדי תמיד |
9 Ine sindikufuna ngʼombe yayimuna kuchokera mʼkhola lako kapena mbuzi za mʼkhola lako,
| לא-אקח מביתך פר ממכלאתיך עתודים |
10 pakuti nyama iliyonse yakunkhalango ndi yanga ndiponso ngʼombe za ku mapiri ochuluka.
| כי-לי כל-חיתו-יער בהמות בהררי-אלף |
11 Ine ndimadziwa mbalame iliyonse mʼmapiri ndiponso zolengedwa zonse zakutchire ndi zanga.
| ידעתי כל-עוף הרים וזיז שדי עמדי |
12 Ndikanakhala ndi njala sindikanakuwuzani, pakuti dziko lonse ndi zonse zimene zili mʼmenemo ndi zanga.
| אם-ארעב לא-אמר לך כי-לי תבל ומלאה |
13 Kodi ndimadya nyama ya ngʼombe zazimuna kapena kumwa magazi a mbuzi?
| האוכל בשר אבירים ודם עתודים אשתה |
14 “Pereka nsembe zachiyamiko kwa Mulungu, kwaniritsa malonjezo ako kwa Wammwambamwamba.
| זבח לאלהים תודה ושלם לעליון נדריך |
15 Ndipo undiyitane pa tsiku lako la masautso; Ine ndidzakulanditsa, ndipo udzandilemekeza.”
| וקראני ביום צרה אחלצך ותכבדני |
16 Koma kwa woyipa, Mulungu akuti, “Kodi uli ndi mphamvu yanji kuti uzinena malamulo anga kapena kutenga pangano langa pa milomo yako?
| ולרשע אמר אלהים מה-לך לספר חקי ותשא בריתי עלי-פיך |
17 Iwe umadana ndi malangizo anga ndipo umaponyera kumbuyo kwako mawu anga.
| ואתה שנאת מוסר ותשלך דברי אחריך |
18 Ukaona wakuba umamutsatira, umachita maere ako pamodzi ndi achigololo
| אם-ראית גנב ותרץ עמו ועם מנאפים חלקך |
19 Umagwiritsa ntchito pakamwa pako pa zinthu zoyipa ndipo umakonza lilime lako kuchita chinyengo.
| פיך שלחת ברעה ולשונך תצמיד מרמה |
20 Nthawi zonse umayankhula motsutsana ndi mʼbale wako ndipo umasinjirira mwana wa amayi ako enieni.
| תשב באחיך תדבר בבן-אמך תתן-דפי |
21 Wachita zimenezi ndipo Ine ndinali chete; umaganiza kuti ndine wofanana nawe koma ndidzakudzudzula ndipo ndidzakutsutsa pamaso pako.
| אלה עשית והחרשתי-- דמית היות-אהיה כמוך אוכיחך ואערכה לעיניך |
22 “Ganizira izi, iwe amene umayiwala Mulungu kuti ndingakukadzule popanda wokupulumutsa:
| בינו-נא זאת שכחי אלוה פן-אטרף ואין מציל |
23 Iye amene amapereka nsembe yamayamiko amandilemekeza, ndipo amakonza njira zake kuti ndimuonetse chipulumutso cha Mulungu.”
| זבח תודה יכבדנני ושם דרך--אראנו בישע אלהים |
