Y Salmo Sija 95
1 O maela, ya tacantaye si Jeova: nije tafatinas y minagof na inagang para y acho y satbasionta.
O come, let us sing to the LORD: let us make a joyful noise to the rock of our salvation.
2 Nije taufanmato gui menaña yan y grasias, ya tafatinas y minagof na inagang nu y salmos.
Let us come before his presence with thanksgiving, and make a joyful noise to him with psalms.
3 Sa si Jeova y dangculo na Yuus, yan y dangculo na Ray gui jilo todo yuus.
For the LORD is a great God, and a great King above all gods.
4 Y jalom y canaeña nae mangaegue y manadong na sagayan gui tano: y minetgot y beca sija iyoña locue.
In his hand are the deep places of the earth: the strength of the hills is his also.
5 Y tase iyoña yan güiya fumatinas: yan y canaeñaja fumatinas y anglo na tano.
The sea is his, and he made it: and his hands formed the dry land.
6 O maela nije taadora ya tafanecon papa, nije tafandimo gui menan Jeova ni y fumatinasjit.
O come, let us worship and bow down: let us kneel before the LORD our maker.
7 Sa güiya y Yuusta; yan jita y taotao gui pastajiña, yan y quinilo gui canaeña. Pago na jaane yaguin injingog y inagangña,
For he is our God; and we are the people of his pasture, and the sheep of his hand. To day if ye will hear his voice,
8 Chamiyo munafanmajejetog y corasonmiyo, taegüije guiya Meriba, taegüije y jaanin y tentasion gui desierto.
Harden not your heart, as in the provocation, and as in the day of temptation in the wilderness:
9 Anae y tatanmiyo tumientayo, machagueyo, yan malie y chechojo.
When your fathers tempted me, proved me, and saw my work.
10 Cuarenta años inapmamña nae tristeyo pot este na generasion, ya ileco: Sija na taotao ni y manlache gui corasonñija, yan jagasja ti jatungo y chalanjo.
Forty years long was I grieved with this generation, and said, It is a people that do err in their heart, and they have not known my ways:
11 Pot ayo na manjulayo gui binibujo, ya sija ti siña majalom gui descansoco.
To whom I swore in my wrath that they should not enter into my rest.
