Y Salmo Sija 65
1 Y tinina unanangga jao guiya Sion, O Yuus; iya jago nae umapase y promesa.
Praise waits for you, O God, in Sion: and to you shall the vow be performed.
2 O jago ni y jumungog y utinaetae, todo y catne ufanmato guiya jago.
O you that hear prayer, to you shall all flesh come.
3 Jaganayo y tinaelaye sija; lao y isaomame, jago umasie.
Iniquities prevail against me: as for our transgressions, you shall purge them away.
4 Dichoso y taotao ni y unayeg, ya unnaguaguato guiya jago, para usaga gui sagamo: manjaspogjam ni y minauleg y guimamo, asta y santos na lugat gui templomo.
Blessed is the man whom you choose, and cause to approach to you, that he may dwell in your courts: we shall be satisfied with the goodness of your house, even of your holy temple.
5 Pot y namaañao na güinaja nae unopejam gui tininas; O Yuus y satbasionmame; jago y ninangga gui uttimon puntan tano todo, yan asta todo ayo sija y manlachago, ni y mangaegue gui jilo y tase.
By terrible things in righteousness will you answer us, O God of our salvation; who are the confidence of all the ends of the earth, and of them that are afar off on the sea:
6 Ayo y pot ninasiñaña japlanta seguro y egso, madudog ni y ninasiñaña;
Which by his strength sets fast the mountains; being girded with power:
7 Ni y janaquieto y palañgpang y tase sija, y palangpang y napoñija yan janafanbasta managuaguat y taotao sija.
Which stills the noise of the seas, the noise of their waves, and the tumult of the people.
8 Ya ayo sija ni y mañasaga gui uttimon tano, manmaañao ni señatmo: unnamagof y jumuyong y egaan yan y pupuenge.
They also that dwell in the uttermost parts are afraid at your tokens: you make the outgoings of the morning and evening to rejoice.
9 Jago bumisita y tano yan unriega; unnagosrico; y sadog Yuus bula janom: unnafanmauleg y maies para sija yanguin esta unnalisto y tano taegüije.
You visit the earth, and water it: you greatly enrich it with the river of God, which is full of water: you prepare them corn, when you have so provided for it.
10 Unnafangosbula janom y sutcoñija: unnafitme a pujañija güije; ya unnamañaña ni y ichan; ya unbendise y sinisoñija.
You water the ridges thereof abundantly: you settle the furrows thereof: you make it soft with showers: you bless the springing thereof.
11 Uncorona y sacan sija ni y minaulegmo; ya y finaposmo manutujo y mantica.
You crown the year with your goodness; and your paths drop fatness.
12 Manutujo gui jilo y pastaje sija gui desierto: ya y mandiquique na sabana madudog ni y minagof.
They drop on the pastures of the wilderness: and the little hills rejoice on every side.
13 Y pastaje sija manminagago ni y manadan gâgâ; y baye sija locue mantinampe ni y maies; manesalao ni y minagofñija, ya mangacanta locue.
The pastures are clothed with flocks; the valleys also are covered over with corn; they shout for joy, they also sing.
