Y Salmo Sija 25

1 YYAJAGO, O Jeova, nae jujatsa y antijo.

A ti, o! Jehová, levantaré mi alma.

2 O Yuusso, iyajago nae juangocoyo: chamo yo munamamamajlao; chamo pumopolo y enimigujo na ugana gui jilojo.

Dios mío, en ti confié: no sea yo avergonzado, no se alegren de mí mis enemigos.

3 Magajet, na todo y mumananggajao ti ufanmamajlao: sija ufanmamajlao ni y chumogüe dinague sin jafa.

Ciertamente todos los que te esperan, no serán avergonzados: serán avergonzados los que se rebelan sin causa.

4 Y chalanmo, O Jeova, fanueyo; fanagüe yo, ni y chalanmo.

Tus caminos, o! Jehová, házme saber: enséñame tus sendas.

5 Osgaejonyo gui minagajetmo ya unfanagüeyo; sa jago y Yuus ni y satbasionjo: iyajago nae jufannangga todotdia.

Encamíname en tu verdad, y enséñame: porque tú eres el Dios de mi salud: a ti he esperado todo el día.

6 Jaso, O Jeova, y mauleg na minaasemo; yan y mauleg na güinaeyamo, sa sija guinin apmam na tiempo.

Acuérdate de tus miseraciones, o! Jehová: y de tus misericordias, que son perpetuas.

7 Chamo jumajaso y isao y pinatgonjo, ni y quinebrantaco ni y tinago: segun y güinaeyamo jasoyo, pot y minauleg y naanmo, O Jeova.

De los pecados de mi mocedad, y de mis rebeliones no te acuerdes: conforme a tu misericordia acuérdate de mí, tú, por tu bondad, o! Jehová.

8 Mauleg yan tunas si Jeova: pot enao na jafanagüe y maniisao ni y chalan.

Bueno y recto es Jehová: por tanto él enseñará a los pecadores el camino.

9 Y manmanso ufanfinanagüe gui juisio: yan y manmanso ufanguinia gui chalan.

Encaminará a los humildes por el juicio; y enseñará a los mansos su carrera.

10 Todo y chalan Jeova güinaeya yan minagajet ni y ayo y umadadaje y tratuña yan y testimoniuña.

Todas las sendas de Jehová son misericordia y verdad, a los que guardan su concierto, y sus testimonios.

11 Pot y naanmo, O Jeova, asie y isaojo sa gosdangculo.

Por tu nombre, o! Jehová, perdonarás también mi pecado; porque es grande.

12 Jaye ayo na taotao y maañao as Jeova? güiya ufinanagüe ni y chalan mano y inayegña.

¿Quién es el varón que teme a Jehová? Enseñarle ha el camino que ha de escoger.

13 Y antiña usaga gui mauleg: ya y semiyaña uereda y tano.

Su alma reposará en el bien: y su simiente herederá la tierra.

14 Y secreton Jeova gaegue guiya sija y mumaañaogüe güe; ya güiya ufanagüe sija ni y tratuña.

El secreto de Jehová, a los que le temen: y su concierto, para hacerles saber.

15 Y atadogjo siempre juatan si Jeova; sa güiya ujala y adengjo juyong gui laso.

Mis ojos, siempre a Jehová; porque él sacará de la red mis pies.

16 Atanyo, ya gaease ni guajo: sa guajo taeconsueloyo yan piniteyo.

Mírame, y ten misericordia de mí: porque yo soy solo, y pobre.

17 Y chinatsagan y corasonjo lumalamegae: najuyongyo gui pinitijo.

Las angustias de mi corazón se ensancharon: sácame de mis congojas.

18 Atan y trinesteco yan y pinitijo; ya unasie todo y isaojo.

Mira mi aflicción, y mi trabajo: y perdona todos mis pecados.

19 Atan y enimigujo, sa sija manmegae, ya sija chumatliiyo ni y fejman na chinatlie.

Mira mis enemigos, que se han multiplicado: y de odio injusto me han aborrecido.

20 Adaje y antijo ya nalibreyo: ya chajo mamamajlao, sa iyajago nae juangocoyo.

Guarda mi alma, y líbrame: no sea yo avergonzado, porque en ti confié.

21 Y minauleg yan y tininas juadádajeyo: sa jago junanangga.

Integridad y rectitud me guardarán: porque a ti he esperado.

22 Nalibre, O Yuus, y iya Israel gui todo y chinatsagaña.

Redime, o! Dios, a Israel de todas sus angustias.