Y Salmo Sija 21

1 O Jeova, gui minetgotmo ninamagof y ray; ya gui satbasionmo ninamagof megae!

The king shall joy in your strength, O LORD; and in your salvation how greatly shall he rejoice!

2 Y minalago y corasonña, jago numae: ya ti unpune ni y guinagao y labiosña.

You have given him his heart's desire, and have not withheld the request of his lips. (Selah)

3 Sa untagam güe nu y bendision y minauleg: y coronan oro nu y fino, unpolo gui jilo y iluña.

For you prevent him with the blessings of goodness: you set a crown of pure gold on his head.

4 Linâlâ na guinagaoña unnae: y anaco na jaane, para siempre taejinecog.

He asked life of you, and you gave it him, even length of days for ever and ever.

5 Dangculo y minalagña gui satbasionmo: onra yan minagas unpolo gui jiloña.

His glory is great in your salvation: honour and majesty have you laid upon him.

6 Sa jago bumendise para taejinecog: unnamagof güe yan minagof gui menamo.

For you have made him most blessed for ever: you have made him exceeding glad with your countenance.

7 Sa y ray jaangongoco si Jeova: ya pot y minaase y Gueftaquilo ti calamten.

For the king trusts in the LORD, and through the mercy of the most High he shall not be moved.

8 Y canaemo usoda todo y enimigumo: y agapa na canaemo usoda todo y chumatlie jao.

your hand shall find out all of your enemies: your right hand shall find out those that hate you.

9 Jago pumolo sija taegüije y jetnon guafe gui tiempon binibumo: si Jeova yumulang sija anae lalalo, ya y guafe ufanlinachae.

You shall make them as a fiery oven in the time of your anger: the LORD shall swallow them up in his wrath, and the fire shall devour them.

10 Ya y tinegchaña unyulang gui jilo y tano, ya y semiyaña gui entalo y famaguon y taotao.

Their fruit shall you destroy from the earth, and their seed from among the children of men.

11 Sa jagasja majasuye y taelaye contra jago: jagasja majaso y dinague ni y ti siña mafatinas.

For they intended evil against you: they imagined a mischievous device, which they are not able to perform.

12 Sa jago fumatinas na jabira y tataloñija ya unnalisto y jalon y atcosmo contra y matañija.

Therefore shall you make them turn their back, when you shall make ready your arrows upon your strings against the face of them.

13 Taquilo jao, O Jeova, yan y minetgotmo: incantaye yan inalabaye y ninasiñamo.

Be you exalted, LORD, in your own strength: so will we sing and praise your power.