Y Salmo Sija 115

1 AJE ti iyajame, O Jeova, aje ti iyajame, lao iya naanmo, nae uminalag pot y minaasemo, yan pot y minagajetmo.

Not to us, O Lord, not to us, but to your name give glory, because of your mercy and your truth;

2 Pot jafa mojon y nasion ilegñija: Mangue pago y Yuusñija?

lest at any time the nations should say, Where is their God?

3 Lao si Yuusmame gaegue gui langet: guinin jafatinas jafaja y minalagoña.

But our God has done in heaven and on earth, whatever he has pleased.

4 Y idolosñija sija salape yan oro, finatinas y canae y taotao sija.

The idols of the nations are silver and gold, the works of men's hands.

5 Guaja pachotñija lao ti manguecuentos: guaja atadogñija lao ti manmanlilie;

They have a mouth, but they can’t speak; they have eyes, but they can’t see:

6 Guaja talangañija lao ti manmanjujungog: guaja güiengñija lao ti manmannginginge:

they have ears, but they can’t hear; they have noses, but they can’t smell;

7 Guaja canaeñija lao ti manmangogote: guaja adengñija lao ti manmamomocat: ni ufanguentos ni y güetgüeroñija.

they have hands, but they can’t handle; they have feet, but they can’t walk: they can’t speak through their throat.

8 Ya ayo y fumatinas sija manparejoja yan sija: magajet na jayeja y umangoco güe guiya sija,

Let those that make them become like to them, and all who trust in them.

9 O Israel, angoco si Jeova: sa güiya y ayudañija yan y patangñija.

The house of Israel trusts in the Lord: he is their helper and defender.

10 O guma Aaron, angoco si Jeova: sa güiya y ayudañija yan y patangñija.

The house of Aaron trusts in the Lord: he is their helper and defender.

11 Jamyo ni y manmaañao as Jeova, angoco si Jeova: sa güiya y ayudañija yan y patangñija.

They that fear the Lord trust in the Lord: he is their helper and defender.

12 Si Jeova guinin jajaso jita: guiya bumendisijit; güiya bumendise y guima Israel; güiya bumendise y guima Aaron.

The Lord has remembered us, and blessed us: he has blessed the house of Israel, he has blessed the house of Aaron.

13 Güiya bumendise ayo sija y manmaañao as Jeova, todo y mandiquique yan y mandangculo.

He has blessed them that fear the Lord, both small and great.

14 Si Jeova unninamegae mas yan mas, jago yan y famaguonñija.

The Lord add [blessings] to you and to your children.

15 Jamyo manbinendise as Jeova ni y fumatinas y langet yan y tano.

Blessed are you of the Lord, who made the heaven and the earth.

16 Y langet sija ni y langet Jeova sija: lao y tano mannae para y famaguon y taotao sija.

The heaven of heavens [belongs] to the Lord: but he has given the earth to the sons of men.

17 Y manmatae ti manmanalaba as Jeova, ni jaye güije gui manjajanao papa gui jalom y manmamatquiquiloja.

The dead shall not praise you, O Lord, nor any that go down to Hades.

18 Lao jita, tabendise si Jeova, desde pago na tiempo mona yan para taejinecog. Fanmanalaba jamyo as Jeova.

But we, the living, will bless the Lord, from henceforth and for ever.