San Lucas 23
1 YA todo y linajyanñija mangajulo, ya macone asta as Pilatos.
And the whole company of them rose up, and brought him before Pilate.
2 Ya matutujon mafaaela ilegñija: Inseda este na taotao na janaquequelache y nasionta, yan mañoñoma na umanae tributo si Sesat, ya ilelegña na güiya si Cristo un ray.
And they began to accuse him, saying, We found this man perverting our nation, and forbidding to give tribute to Cæsar, and saying that he himself is Christ a king.
3 Ayonae si Pilatos finaesen ilegña: Jago y Ray y Judio sija? ya inepe ya ilegña: Jago umalog.
And Pilate asked him, saying, Art thou the King of the Jews? And he answered him and said, Thou sayest.
4 Ya si Pilatos ilegña ni y magas y mamale, yan y linajyan taotao sija: Taya isao jusoda güine na taotao.
And Pilate said unto the chief priests and the multitudes, I find no fault in this man.
5 Lao sija japotfia, ilegñija: Jaatbororota y taotao sija, mamananagüe guiya Judea todo, jatutujon desde Galilea asta esteja na lugat.
But they were the more urgent, saying, He stirreth up the people, teaching throughout all Judæa, and beginning from Galilee even unto this place.
6 Ya anae jajungog este si Pilatos, mamaesen cao taotao Galilea.
But when Pilate heard it, he asked whether the man were a Galilæan.
7 Ya anae jatungo na gaegue gui sisiñan Herodes, janamanajanao asta as Herodes, sa estaba güe locue guiya Jerusalem güije sija na jaane.
And when he knew that he was of Herod’s jurisdiction, he sent him unto Herod, who himself also was at Jerusalem in these days.
8 Ya si Herodes anae jalie si Jesus, ninasenmagof: sa jagasja jadesea na ulie, sa jajujungog guinin güiya, megae na güinaja: ya jananangga na ufanlie guinin güiya y milagro.
Now when Herod saw Jesus, he was exceeding glad: for he was of a long time desirous to see him, because he had heard concerning him; and he hoped to see some miracle done by him.
9 Ya jafaesen megae na sinangan: lao taya inepe güe.
And he questioned him in many words; but he answered him nothing.
10 Yan mangaegue y magas y mamale yan y escribas na manmatatachong ya mafaaela güe fijom.
And the chief priests and the scribes stood, vehemently accusing him.
11 Lao si Herodes yan y sendaluña, madespresia yan mabotlea, yan manaminagago ni lamlam na magago, ya manatalo guato as Pilatos.
And Herod with his soldiers set him at nought, and mocked him, and arraying him in gorgeous apparel sent him back to Pilate.
12 Ya umamigo si Pilatos yan Herodes güijeja na jaane: sa guinin umachatlie y dos.
And Herod and Pilate became friends with each other that very day: for before they were at enmity between themselves.
13 Ya si Pilatos janaetnon y magas y mamale, yan y magalaje yan y taotao sija,
And Pilate called together the chief priests and the rulers and the people,
14 Ya ilegña nu sija: Inquene mague guiya guajo este na taotao na janaquequelache y taotao sija; ya, estagüe, na jufaesen gui menanmiyo, ya taya jusoda ni jafa na isao güine na taotao pot y finaaelamimiyo sija.
and said unto them, Ye brought unto me this man, as one that perverteth the people: and behold, I, having examined him before you, found no fault in this man touching those things whereof ye accuse him:
15 Aje, ni si Herodes: sa junafalag iya güiya, ya, estagüe, ni jafa na ufanmerese na finatae pot y guinin finatinasña.
no, nor yet Herod: for he sent him back unto us; and behold, nothing worthy of death hath been done by him.
16 Enao mina bae jucastiga ya jusotta.
I will therefore chastise him, and release him.
17 Ya manesesita na umasotta uno gui guipot.
18 Ya managang cada uno, ilegñija: Nasuja juyong enao na taotao ya umasotta si Barabas:
But they cried out all together, saying, Away with this man, and release unto us Barabbas: —
19 Sa mapreso pot un jatsamiento yan mamuno ni y jafatinas gui siuda.
one who for a certain insurrection made in the city, and for murder, was cast into prison.
20 Ya si Pilatos ilegña talo nu sija, Malagomiyo na umasotta si Jesus.
And Pilate spake unto them again, desiring to release Jesus;
21 Lao managang ilegñija: Atane gui quiluus, atane gui quiluus.
but they shouted, saying, Crucify, crucify him.
22 Ya ilegña nu sija gui mina tres biaje: Sa jafa? jafa na taelaye finatinasña este na taotao? Taya ni jafa na causa para umapuno jusoda guiya güiya. Pot este na rason bae jucastigaja ya jusotta.
And he said unto them the third time, Why, what evil hath this man done? I have found no cause of death in him: I will therefore chastise him and release him.
23 Lao sija enseguidas janadangculo inagangñija, ya magagao na umaatane gui quiluus. Ya y inagangñija mangana.
But they were urgent with loud voices, asking that he might be crucified. And their voices prevailed.
24 Ayonae si Pilatos janae sentensia na ufatinas taemano y guinagaoñiñija.
And Pilate gave sentence that what they asked for should be done.
25 Ya masotta ayo y guinin mapreso pot jatsamiento yan mamuno, ayo y guinin magagagao: ya manmaentrega as Jesus gui minalagoñija.
And he released him that for insurrection and murder had been cast into prison, whom they asked for; but Jesus he delivered up to their will.
26 Ya anae macocone güe maguot si Simon, taotao Sirene, ni guinin y fangualuan, ya manae ni quiluus na uapagaye gui taten Jesus.
And when they led him away, they laid hold upon one Simon of Cyrene, coming from the country, and laid on him the cross, to bear it after Jesus.
27 Ya matatitiye ni y dangculon linajyan taotao yan famalaoan sija ni mangacasao yan manatangis pot güiya.
And there followed him a great multitude of the people, and of women who bewailed and lamented him.
28 Lao si Jesus jabira güe tate guiya sija ilegña; Famalaoan Jerusalem, chamiyo fangacasao pot guajo, lao fangacasao pot jamyoja yan pot y famaguonmiyo.
But Jesus turning unto them said, Daughters of Jerusalem, weep not for me, but weep for yourselves, and for your children.
29 Sa, estagüe, na ufato sija jaane nae umaalog: Mandichoso sa y manmachora, yan y tiyan sija ni ti manmamañago, yan y pecho sija ni ti manmamómogsae.
For behold, the days are coming, in which they shall say, Blessed are the barren, and the wombs that never bare, and the breasts that never gave suck.
30 Ayonae matutujon maalog ni egso sija: Famodong gui jilonmame; ya y sabana sija: Tampe jam.
Then shall they begin to say to the mountains, Fall on us; and to the hills, Cover us.
31 Sa yaguin y betde na jayo jafatinas estesija, y anglo, jafa uchogüe?
For if they do these things in the green tree, what shall be done in the dry?
32 Ya macone locue dos palo na taelaye finatinasñija para ufanmapuno yan güiya.
And there were also two others, malefactors, led with him to be put to death.
33 Ya anae manmato güije na lugat ni mafanaan Calabera, maatane gui quiluus güije yan ayo y dos ni y taelaye finatinasñija, uno gui agapa ya y otro gui acagüe.
And when they came unto the place which is called The skull, there they crucified him, and the malefactors, one on the right hand and the other on the left.
34 Ya si Jesus ilegña: Tata, asie estesija; sa ti jatungo jafa jachochogüe. Ya manafacae entre sija y magaguña, ya marifa.
And Jesus said, Father, forgive them; for they know not what they do. And parting his garments among them, they cast lots.
35 Ya y taotao sija manotojgue ya maaatanja. Ya mabotlelea ni y magas sija locue, ya ilelegñija: Ufañatba otrosija: palo ya usatban maesagüe, yaguin este si Cristo, ni guine as Yuus.
And the people stood beholding. And the rulers also scoffed at him, saying, He saved others; let him save himself, if this is the Christ of God, his chosen.
36 Ya mamofefea ni y sendalo sija, manmato guiya güiya, ya mafanunue ni y binagle.
And the soldiers also mocked him, coming to him, offering him vinegar,
37 Ya ilegñija: Yaguin jago Ray y Judio sija, satban maesa jao.
and saying, If thou art the King of the Jews, save thyself.
38 Ya guaja locue un tinigue gui jiloña: ESTE GUIYA Y RAY Y JUDIO SIJA.
And there was also a superscription over him, THIS IS THE KING OF THE JEWS.
39 Ya uno gui ayo y taelaye finatinasñija ilegna: Yaguin jago si Cristojao? Satban maesajao yan jame.
And one of the malefactors that were hanged railed on him, saying, Art not thou the Christ? save thyself and us.
40 Lao inepe ni otro, ya linalatde ilegña: Ti maañao jao as Yuus, sa gaegue jao gui mismo sinentensia?
But the other answered, and rebuking him said, Dost thou not even fear God, seeing thou art in the same condemnation?
41 Lao jita magajet na tunas; sa utafanresibe pot y finatinasta: lao este na taotao, taya taelaye finatinasña.
And we indeed justly; for we receive the due reward of our deeds: but this man hath done nothing amiss.
42 Ya ilegña: Jesus, jajaso yo yaguin matojao gui raenomo.
And he said, Jesus, remember me when thou comest in thy kingdom.
43 Ayonae ilegña nu güiya: Magajet jusangane jao: Pago mismo na jaane utajita na dos guiya Paraiso.
And he said unto him, Verily I say unto thee, To-day shalt thou be with me in Paradise.
44 Ya anae buente y oran a las sais, jumuyong jomjom todo y jilo y tano asta y oran a las nuebe,
And it was now about the sixth hour, and a darkness came over the whole land until the ninth hour,
45 Ya y atdao jomjom, ya y cottinan templo maipe gui talo.
the sun’s light failing: and the veil of the temple was rent in the midst.
46 Ya anae umagang si Jesus, ni dangculo na inagang, ilegña: Tata, y canaemo nae jupolo y espiritujo; ya anae munjayan jasangan este, jaentrega y espiritu.
And Jesus, crying with a loud voice, said, Father, into thy hands I commend my spirit: and having said this, he gave up the ghost.
47 Ya anae jalie y senturion estesija y manmalofan, janamalag si Yuus, ilegña: Sen magajet este na taotao na tunas.
And when the centurion saw what was done, he glorified God, saying, Certainly this was a righteous man.
48 Ya todo y linajyan taotao ni mandaña anae manmalofan este sija, anae malie y jagas sinesede, natumalo guato ya jaseco pechonñija.
And all the multitudes that came together to this sight, when they beheld the things that were done, returned smiting their breasts.
49 Lao todo y atungoña yan y famalaoan ni tumatitiye güe desde Galilea, manestaba manlachago maatanja este sija.
And all his acquaintance, and the women that followed with him from Galilee, stood afar off, seeing these things.
50 Ya estagüe, un taotao na y naanña si José, un taotao na pápagat, mauleg na taotao yan tunas:
And behold, a man named Joseph, who was a councillor, a good and righteous man
51 (Ti jaconsiente y pinagatñija ni y finatinasñija: ) Taotao Arimatea, gui Siuda y Judiosija, ya güiya locue jananangga y raenon Yuus.
(he had not consented to their counsel and deed), [a man] of Arimathæa, a city of the Jews, who was looking for the kingdom of God:
52 Este mato gui as Pilatos, ya jagagao y tataotao Jesus.
this man went to Pilate, and asked for the body of Jesus.
53 Ya janatunog gui quiluus, ya jabalutan gui un sabanas, ya japolo gui un naftan ni maguadog gui acho, ya taya ni uno mapolo güije antes.
And he took it down, and wrapped it in a linen cloth, and laid him in a tomb that was hewn in stone, where never man had yet lain.
54 Ya ayo na jaane y inaregla y pascua, ya pago manana gui sabado.
And it was the day of the Preparation, and the sabbath drew on.
55 Ya manmato locue y famalaoan ni y tumatitiye desde Galilea, ya malie y naftan yan jaftaemano mapoloña y tataotaoña.
And the women, who had come with him out of Galilee, followed after, and beheld the tomb, and how his body was laid.
56 Ya tumalo guato sija, ya manmamamauleg paopao yan inggüente sija: ya mandescansa gui sabado na jaane jaftaemanoja y tinago.
And they returned, and prepared spices and ointments. And on the sabbath they rested according to the commandment.
