Y Checho Y Apostoles Sija 11

1 YA y apostoles yan y mañelo ni y manestaba Judea, jajungog na y Gentiles jaresibe locue y sinangan Yuus.

Now the apostles and the brothers who were in Judea heard that the non-Jewish people had also received the word of God.

2 Ya anae mato si Pedro Jerusalem, managuaguat yan ayo sija y manmansirconsisida,

When Peter had come up to Jerusalem, those who were of the circumcision contended with him,

3 Ilegñija: Jago jumajalom jao gui ti manmasirconsida, yan manjajamyo mañocho.

saying, "You went in to uncircumcised men, and ate with them."

4 Lao si Pedro jasigue sumangane sija claro y sinesede, ilegña:

But Peter began, and explained to them in order, saying,

5 Estabayo gui siuda guiya Joppe na mananaetae; ya anae lalangoyo, julie y vision, un nayan tumunog, taegüije y dangculo na sabanas, ni mapolo pot cuatro punta ni y tumunog guinin y langet; ya mato guiya guajo:

"I was in the city of Joppa praying, and in a trance I saw a vision: a certain container descending, like it was a great sheet let down from heaven by four corners. It came as far as me.

6 Ya anae juatan ayo, ya jujaso, julie y cuatro patasña na gâgâ gui tano, yan manmachaleg sija na gâgâ, yan y mangucunanaf na gâgâ, yan y pajaro sija gui aire.

When I had looked intently at it, I considered, and saw the four-footed animals of the earth, wild animals, crawling creatures, and birds of the sky.

7 Ya jujungog locue y inagang na ilegña nu guajo: Cajulo Pedro; puno ya uncano.

I also heard a voice saying to me, 'Rise, Peter, kill and eat.'

8 Lao ilegco: Aje, Señot: sa taya comun, pat áplacha guinin jumalom gui jalom pachotjo.

But I said, 'Not so, Lord, for nothing unholy or unclean has ever entered into my mouth.'

9 Lao jaopeyo talo y inagang guinin y langet, ilegña: Jafa y janagasgas si Yuus, chamo fumatitinas comun.

But a voice answered the second time out of heaven, 'What God has cleansed, do not call unclean.'

10 Ya este mafatinas tres biaje: ya todo manmachule talo guato gui langet.

This was done three times, and all were drawn up again into heaven.

11 Ya estagüe enseguidas manotojgue güije gui menan guma anae sumasagayo, tres na taotao, manmatago guinin Sesarea para iya guajo.

And look, immediately three men stood before the house where we were, having been sent from Caesarea to me.

12 Ya jatagoyo na judalalag sija ya chajo fumatitinas dinesparejo. Ya manjame yan este sija y saes na mañelo, ya manjalomjam gui guima y taotao:

The Spirit told me to go with them, without discriminating. These six brothers also accompanied me, and we entered into the man's house.

13 Ya jasanganejam ni y liniiña ni y angjet ni y tumotojgue gui jalom gumaña, ya jaftaemano ilegña nu güiya: Fanago taotao para Joppe, ya uncone si Simon ni y apiyiduña Pedro;

He told us how he had seen the angel standing in his house, and saying to him, 'Send to Joppa, and get Simon, whose surname is Peter,

14 Ya unsinangane sinangan sija anae unsatbo; jago, yan todo y guimamo.

who will speak to you words by which you will be saved, you and all your house.'

15 Ya anae sigue di cumuentosyo, podong y Espiritu Santo gui jiloñija, taegüijeja gui jilota gui tutujonña.

As I began to speak, the Holy Spirit fell on them, even as on us at the beginning.

16 Ayonae jujaso y sinangan y Señot, ni y ilegña: Si Juan, magajet na managpapange ni y janom; lao jamyo infanmatagpange ni y Espiritu Santo.

I remembered the word of the Lord, how he said, 'John indeed baptized in water, but you will be baptized in the Holy Spirit.'

17 Sa yaguin manninae sija locue as Yuus y ninae, taegüije y janaejit anae jumongguejit y Señot Jesucristo, ya jayeyo na siña jucontra si Yuus?

If then God gave to them the same gift as us, when we believed in the Lord Jesus Christ, who was I, that I could withstand God?"

18 Ya anae jajungog sija estesija, manmamatquilo, ya manamalag si Yuus, ilegñija: Magajet na janae locue si Yuus y Gentiles sinetsot para linâlâ.

When they heard these things, they held their peace, and glorified God, saying, "Then God has also granted to the non-Jews repentance to life."

19 Ya ayo sija y manmachalapon pot y mapetsiguen ni y Esteban, manjanao asta Finesia, yan Chipre, yan Antioquia, ya taya nae japredica y sinangan na ayoja sija y Judios.

They therefore who were scattered abroad by the oppression that arose about Stephen traveled as far as Phoenicia, Cyprus, and Antioch, speaking the word to no one except to Jews only.

20 Ya palo guiya sija taotao Chipre, yan Sirene, ya anae manmato Antioquia, manguentos yan y Griegosija, ya japredica y Señot Jesus.

But there were some of them, men of Cyprus and Cyrene, who, when they had come to Antioch, spoke to the Greeks, proclaiming the good news of the Lord Jesus.

21 Ya mañisijaja yan y canae y Señot; ya megae manmanjonggue ya jabira sija para y Señot.

The hand of the Lord was with them, and a great number believed and turned to the Lord.

22 Ya mato este sija na notisia gui iglesia ni y estaba Jerusalem: ya matago si Barnabé, na ujanao asta Antioquia;

And the report concerning them was heard by the church in Jerusalem, so they sent Barnabas to Antioch,

23 Ya anae mato, ya jalie y grasian Yuus, magof güe; ya jasangane sija todo, na nu sinasuyen y corasonñija, unafanmeton sija gui Señot:

who, when he had come, and had seen the grace of God, was glad. He exhorted them all, that with purpose of heart they should remain true to the Lord.

24 Sa güiya mauleg na taotao, ya bula ni y Espiritu Santo, yan jinenggue: ya megae na taotao manmafato gui Señot.

For he was a good man, and full of the Holy Spirit and of faith, and many people were added to the Lord.

25 Ayonae mapos güe para Tarso, para ualigao si Saulo:

Barnabas went out to Tarsus to look for Saul.

26 Ya anae jasoda, jacone guato Antioquia. Ya un año di mandadañaja güije yan iglesia, ya manmamananagüe megae na taotao; ya y disipulo sija manmafanaan finena mangilisyano guiya Antioquia.

When he had found him, he brought him to Antioch. It happened, that for a whole year they were gathered together with the church, and taught many people. The disciples were first called Christians in Antioch.

27 Ya este sija na jaane, manmato profeta sija guinin Jerusalem para Antioquia,

Now in these days, prophets came down from Jerusalem to Antioch.

28 Ya tumojgue julo uno guiya sija, na y naanña Agabo, ya janamatungo pot y Espiritu na uguaja un dangculon niñalang gui todo y tano: ya umasusede gui tiempon Claudio Sesat.

One of them named Agabus stood up, and indicated by the Spirit that there should be a great famine all over the world, which also happened in the days of Claudius.

29 Ayonae y disipulo sija, cada uno jaftaemano y güinajaña, jadetetmina para umanamamaela inayuda para y mañelo ni y mañasaga Judea:

As any of the disciples had plenty, each determined to send relief to the brothers who lived in Judea;

30 Ya sija locue jafatinas, janamaela para y manamco pot y canae Barnabé yan Saulo.

which they also did, sending it to the elders by the hands of Barnabas and Saul.