Y Checho Y Apostoles Sija 11

1 YA y apostoles yan y mañelo ni y manestaba Judea, jajungog na y Gentiles jaresibe locue y sinangan Yuus.

Now the Apostles and the brothers throughout Judea heard that the Gentiles had also received the word of God.

2 Ya anae mato si Pedro Jerusalem, managuaguat yan ayo sija y manmansirconsisida,

When Peter went up to Jerusalem, those of the circumcision party started contending with him,

3 Ilegñija: Jago jumajalom jao gui ti manmasirconsida, yan manjajamyo mañocho.

saying, “You went in to uncircumcised men and ate with them!”

4 Lao si Pedro jasigue sumangane sija claro y sinesede, ilegña:

So Peter began by explaining it to them in order, saying:

5 Estabayo gui siuda guiya Joppe na mananaetae; ya anae lalangoyo, julie y vision, un nayan tumunog, taegüije y dangculo na sabanas, ni mapolo pot cuatro punta ni y tumunog guinin y langet; ya mato guiya guajo:

“I was in the town of Joppa praying, and in a trance I saw a vision: a certain object like a great sheet coming down out of the sky, being lowered by its four corners; and it came to me.

6 Ya anae juatan ayo, ya jujaso, julie y cuatro patasña na gâgâ gui tano, yan manmachaleg sija na gâgâ, yan y mangucunanaf na gâgâ, yan y pajaro sija gui aire.

Upon peering into it I observed and distinguished the quadrupeds of the earth—both the wild animals and the reptiles—and the birds of the sky.

7 Ya jujungog locue y inagang na ilegña nu guajo: Cajulo Pedro; puno ya uncano.

Then I heard a voice saying to me, ‘Get up, Peter, slaughter and eat!’

8 Lao ilegco: Aje, Señot: sa taya comun, pat áplacha guinin jumalom gui jalom pachotjo.

So I said: ‘No way, Lord! Never has anything ‘common’ or unclean entered my mouth!’

9 Lao jaopeyo talo y inagang guinin y langet, ilegña: Jafa y janagasgas si Yuus, chamo fumatitinas comun.

But the voice answered me, a second time, from heaven, ‘Things that God has made clean you must not call ‘common’.’

10 Ya este mafatinas tres biaje: ya todo manmachule talo guato gui langet.

Well this was done three times, and it was all pulled back up into the sky.

11 Ya estagüe enseguidas manotojgue güije gui menan guma anae sumasagayo, tres na taotao, manmatago guinin Sesarea para iya guajo.

At that very moment three men stopped in front of the house where I was, having been sent from Caesarea to me.

12 Ya jatagoyo na judalalag sija ya chajo fumatitinas dinesparejo. Ya manjame yan este sija y saes na mañelo, ya manjalomjam gui guima y taotao:

The Spirit told me to go with them, doubting nothing. These six brothers also went with me, and we entered the man's house.

13 Ya jasanganejam ni y liniiña ni y angjet ni y tumotojgue gui jalom gumaña, ya jaftaemano ilegña nu güiya: Fanago taotao para Joppe, ya uncone si Simon ni y apiyiduña Pedro;

He then related to us how he had seen the angel standing in his house and saying to him, ‘Send to Joppa and summon Simon, who is called Peter,

14 Ya unsinangane sinangan sija anae unsatbo; jago, yan todo y guimamo.

who will speak words to you by which you and all your household will be saved.’

15 Ya anae sigue di cumuentosyo, podong y Espiritu Santo gui jiloñija, taegüijeja gui jilota gui tutujonña.

Well as I began to speak, the Holy Spirit fell on them, just as on us at the beginning.

16 Ayonae jujaso y sinangan y Señot, ni y ilegña: Si Juan, magajet na managpapange ni y janom; lao jamyo infanmatagpange ni y Espiritu Santo.

I remembered the word of the Lord, how He said, ‘John indeed baptized with water, but you will be baptized with Holy Spirit.’

17 Sa yaguin manninae sija locue as Yuus y ninae, taegüije y janaejit anae jumongguejit y Señot Jesucristo, ya jayeyo na siña jucontra si Yuus?

So if God gave them the same gift as He gave us when we believed upon the Lord Jesus, who was I to be able to withstand God?”

18 Ya anae jajungog sija estesija, manmamatquilo, ya manamalag si Yuus, ilegñija: Magajet na janae locue si Yuus y Gentiles sinetsot para linâlâ.

Upon hearing these things they acquiesced and started glorifying God, saying, “So then, God has also granted to the Gentiles repentance into life!”

19 Ya ayo sija y manmachalapon pot y mapetsiguen ni y Esteban, manjanao asta Finesia, yan Chipre, yan Antioquia, ya taya nae japredica y sinangan na ayoja sija y Judios.

Now those who had been scattered by the persecution that came about in connection with Stephen traveled as far as Phoenicia, Cyprus and Antioch, speaking the word to no one except Jews only.

20 Ya palo guiya sija taotao Chipre, yan Sirene, ya anae manmato Antioquia, manguentos yan y Griegosija, ya japredica y Señot Jesus.

But there were some of them, men of Cyprus and Cyrene, who upon entering Antioch started speaking to the Greek-speakers, preaching the good news of the Lord Jesus.

21 Ya mañisijaja yan y canae y Señot; ya megae manmanjonggue ya jabira sija para y Señot.

And the hand of the Lord was with them, and a great number believed and turned to the Lord.

22 Ya mato este sija na notisia gui iglesia ni y estaba Jerusalem: ya matago si Barnabé, na ujanao asta Antioquia;

Well the report concerning them reached the ears of the church in Jerusalem, and they sent out Barnabas to go as far as Antioch.

23 Ya anae mato, ya jalie y grasian Yuus, magof güe; ya jasangane sija todo, na nu sinasuyen y corasonñija, unafanmeton sija gui Señot:

Upon arriving and seeing the grace of God, he was glad, and he kept encouraging them all to remain true to the Lord with purpose of heart

24 Sa güiya mauleg na taotao, ya bula ni y Espiritu Santo, yan jinenggue: ya megae na taotao manmafato gui Señot.

(for he was a good man, full of Holy Spirit and of faith). And a considerable crowd was added to the Lord.

25 Ayonae mapos güe para Tarso, para ualigao si Saulo:

Then Barnabas departed for Tarsus to look for Saul,

26 Ya anae jasoda, jacone guato Antioquia. Ya un año di mandadañaja güije yan iglesia, ya manmamananagüe megae na taotao; ya y disipulo sija manmafanaan finena mangilisyano guiya Antioquia.

and upon finding him he brought him to Antioch. So it was that for a whole year they met with the congregation and taught a great many people. The disciples were first called Christians in Antioch.

27 Ya este sija na jaane, manmato profeta sija guinin Jerusalem para Antioquia,

Now in these days, prophets came from Jerusalem to Antioch.

28 Ya tumojgue julo uno guiya sija, na y naanña Agabo, ya janamatungo pot y Espiritu na uguaja un dangculon niñalang gui todo y tano: ya umasusede gui tiempon Claudio Sesat.

One of them, named Agabus, stood up and indicated by the Spirit that a great famine was about to come upon the whole world (this indeed happened while Claudius was Caesar).

29 Ayonae y disipulo sija, cada uno jaftaemano y güinajaña, jadetetmina para umanamamaela inayuda para y mañelo ni y mañasaga Judea:

Then the disciples, to the extent that any had plenty, each of them determined to send relief to the brothers who lived in Judea;

30 Ya sija locue jafatinas, janamaela para y manamco pot y canae Barnabé yan Saulo.

which they also did, sending it to the elders by Barnabas and Saul.