Job 39
1 Nahibalo ka ba sa panahon nga ig-alanak sa kanding sa bato? Kun makatimaan ba ikaw ug mga lagsaw nga baye nga nanganak?
| הידעת--עת לדת יעלי-סלע חלל אילות תשמר |
2 Naisip ba nimo ang gidaghanon sa bulan sa ilang pagpanamkon? Kun nasayud ka ba sa adlaw sa ilang pagpanganak?
| תספר ירחים תמלאנה וידעת עת לדתנה |
3 Sila modungo sa ilang kaugalingon, lanak nila ang ilang mga gagmay, Magahaw-as sila sa ilang mga kasakit.
| תכרענה ילדיהן תפלחנה חבליהם תשלחנה |
4 Ang ilang mga anak mahimong kusgan, sila sa kalibonan nanagtubo; Sila manlakaw ug dili na mamalik pag-usab.
| יחלמו בניהם ירבו בבר יצאו ולא-שבו למו |
5 Kinsa ba ang nagbuhi sa asno nga ihalas? Kun kinsa ba ang nagbadbad sa pisi nga gigapusan sa asno nga matulin,
| מי-שלח פרא חפשי ומסרות ערוד מי פתח |
6 Kang kansang pinuy-anan maoy gihimo ko nga kamingawan, Ug ang yuta nga asin maoy iyang puloy-anan?
| אשר-שמתי ערבה ביתו ומשכנותיו מלחה |
7 Siya nagayam-id sa kagahub sa ciudad, Ni mamati siya sa pagsinggit sa mag-aabog.
| ישחק להמון קריה תשאות נגש לא ישמע |
8 Ang lungbay sa kabukiran maoy iyang sibsibanan, Ug siya magapangita sa tanang butang nga lunhaw.
| יתור הרים מרעהו ואחר כל-ירוק ידרוש |
9 Mahimuot ba ang vaca nga ihalas sa pag-alagad kanimo? Kun buot ka ba nga siya mopabilin sa imong pasungan?
| היאבה רים עבדך אם-ילין על-אבוסך |
10 Ikagakud ba nimo ang vaca nga ihalas sa iyang pisi diha sa tudling? Kun modaro ba siya sa mga walog sa imong likod?
| התקשר-רים בתלם עבתו אם-ישדד עמקים אחריך |
11 Mosalig ka ba kaniya tungod kay siya makusganon kaayo? Kun ibilin ba nimo kaniya ang imong bulohaton?
| התבטח-בו כי-רב כחו ותעזב אליו יגיעך |
12 Igasalig ba nimo kaniya, nga siya maoy magdala sa binhi ngadto sa imong balay, Ug tigumon ang trigo sa imong salug nga giukan?
| התאמין בו כי-ישוב (ישיב) זרעך וגרנך יאסף |
13 Ang mga pako sa avestruz mokapakapa uban ang garbo; Apan maaghup ba ang iyang mga pako ug mga balhibo?
| כנף-רננים נעלסה אם-אברה חסידה ונצה |
14 Tungod kay iya man nga biyaan ang iyang mga itlog sa yuta, Ug painitan sila diha sa balas,
| כי-תעזב לארץ בציה ועל-עפר תחמם |
15 Ug hikalimtan nila nga kini madabok sa tiil, Kun katumban ba sila sa mananap nga ihalas.
| ותשכח כי-רגל תזורה וחית השדה תדושה |
16 Mabangis siya sa iyang mga kuyabog, ingon nga daw sila dili iya: Bisan makawang ang iyang kabudlay, siya dili mahadlok;
| הקשיח בניה ללא-לה לריק יגיעה בלי-פחד |
17 Tungod kay gikuhaan siya sa Dios ug kaalam, Ni gihatagan siya ug salabutan.
| כי-השה אלוה חכמה ולא-חלק לה בבינה |
18 Sa panahon nga siya molupad sa itaas, Siya magayam-id sa kabayo ug sa nagkabayo niini.
| כעת במרום תמריא תשחק לסוס ולרכבו |
19 Nahatagan mo ba ang kabayo sa iyang kakusog? Gibistihan mo ba ang iyang liog sa lambungay nga nagakurogkurog?
| התתן לסוס גבורה התלביש צוארו רעמה |
20 Ikaw ba ang naghimo kaniya nga makalukso sama sa dulon? Ang himaya sa iyang pagpangusmo makalilisang.
| התרעישנו כארבה הוד נחרו אימה |
21 Diha sa walog siya nagakakha, ug nalipay tungod sa iyang kusog: Siya mogula aron sa pagpakighibalag sa mga tawong sangkap sa hinagiban.
| יחפרו בעמק וישיש בכח יצא לקראת-נשק |
22 Ang kalisang iyang ginatamay, ug dili siya kapugdawan; Ni motalikod siya sa pinuti.
| ישחק לפחד ולא יחת ולא-ישוב מפני-חרב |
23 Ang baslayan nagkagalkal batok kaniya, Ang bangkaw nga nagpangidlap ug ang salapang.
| עליו תרנה אשפה להב חנית וכידון |
24 Iyang itulon ang yuta tungod sa kabangis ug kaligutgut; Ni motagad siya sa tingog sa trompeta.
| ברעש ורגז יגמא-ארץ ולא-יאמין כי-קול שופר |
25 Sa masubsob nga ang trompeta patingogon, siya magaingon: Aha! Ug siya makabaho sa panag-away gikan sa halayo, Sa dalugdug sa mga punoan, ug sa singgitay.
| בדי שפר יאמר האח-- ומרחוק יריח מלחמה רעם שרים ותרועה |
26 Maglupad ba ang banog tungod sa iyang kaalam, Ug magtuy-od sa iyang mga pako padulong sa habagatan?
| המבינתך יאבר-נץ יפרש כנפו לתימן |
27 Maglupad ba ang agila sa itaas tungod sa imong pagmando, Ug magbalay sa iyang salag sa kahitas-an?
| אם-על-פיך יגביה נשר וכי ירים קנו |
28 Siya sa ibabaw sa pangpang nagapuyo, ug tua didto ang iyang pinuy-anan: Sa kinatumyan sa pangpang, ug sa dapit nga malig-on.
| סלע ישכן ויתלנן-- על שן-סלע ומצודה |
29 Gikan didto siya magalantaw sa iyang dalagiton; Ang iyang mga mata makatan-aw niana gikan sa halayo.
| משם חפר-אכל למרחוק עיניו יביטו |
30 Ang iya usab nga kuyabog mosupsop ug dugo: Ug hain gani ang mga patay, atua man siya.
| ואפרחו יעלעו-דם ובאשר חללים שם הוא |
