Job 21
1 Unya si Job mitubag ug miingon.
| ויען איוב ויאמר׃ |
2 Patalinghugi pag-ayo ang akong pakigpulong; Ug himoa kini nga inyong mga kalipayan.
| שמעו שמוע מלתי ותהי זאת תנחומתיכם׃ |
3 Tugoti ako, ug ako mosulti usab; Ug sa tapus sa akong pagsulti, padayona ang imong pagtamay.
| שאוני ואנכי אדבר ואחר דברי תלעיג׃ |
4 Mahitungod kanako, ngadto ba sa tawo ang akong pag-agulo? Ug ngano nga ako dili man magkaguol?
| האנכי לאדם שיחי ואם מדוע לא תקצר רוחי׃ |
5 Matngoni ako, ug kahibulongi, Ug sa inyong baba ibutang ang inyong kamot.
| פנו אלי והשמו ושימו יד על פה׃ |
6 Bisan kong ako mahanumdum gisamok ako, Ug ang kalisang nagakapyot sa akong unod.
| ואם זכרתי ונבהלתי ואחז בשרי פלצות׃ |
7 Ngano man nga ang mga dautan nagapadayon sa kinabuhi, Moabut sa kagulangon, oo, magatubo sa dakung kagahum?
| מדוע רשעים יחיו עתקו גם גברו חיל׃ |
8 Ang ilang kaliwatan ginatukod uban nila sa ilang panan-aw, Ug ang ilang mga anak sa atubangan sa ilang mga mata.
| זרעם נכון לפניהם עמם וצאצאיהם לעיניהם׃ |
9 Ang ilang mga balay halayo sa mga kalisangan, Ni ang latus sa Dios gipahamtang kanila.
| בתיהם שלום מפחד ולא שבט אלוה עליהם׃ |
10 Ang ilang lake nga vaca magaliwat, ug dili mapoo; Ang ilang baye nga vaca magapanganak ug dili mahulog ang iyang nati.
| שורו עבר ולא יגעל תפלט פרתו ולא תשכל׃ |
11 Ang ilang mga gagmay ilang pagapagulaon ingon sa panon, Ug ang ilang mga anak managsayaw.
| ישלחו כצאן עויליהם וילדיהם ירקדון׃ |
12 Sa atubangan sa magagmayng tambor ug alpa sila manag-awit, Ug sa tingog sa flauta sila managkasadya.
| ישאו כתף וכנור וישמחו לקול עוגב׃ |
13 Ang ilang mga adlaw ilang pagagawion sa pagkaadunahan, Ug sa usa ka pagpilok, sila mangadto sa Sheol. (Sheol h7585)
| יבלו בטוב ימיהם וברגע שאול יחתו׃ (Sheol h7585) |
14 Ug sila magaingon sa Dios: Bumulag ka kanamo; Kay kami wala magkinahanglan sa kahibalo sa imong mga dalan.
| ויאמרו לאל סור ממנו ודעת דרכיך לא חפצנו׃ |
15 Unsa man ang Makagagahum, nga kaniya kita manag-alagad? Ug unsa man ang atong ganancia kong kita manag-ampo kaniya?
| מה שדי כי נעבדנו ומה נועיל כי נפגע בו׃ |
16 Ania karon, ang ilang pagkaadunahan wala sa ilang kamot: Ang tambag sa mga dautan halayo kanako.
| הן לא בידם טובם עצת רשעים רחקה מני׃ |
17 Makapila ba palunga ang lamparahan sa mga dautan? Nga ang ilang kasakitan nagadangat kanila? Nga ang Dios sa iyang kasubo nagahatag kanila ug mga kagul-anan.
| כמה נר רשעים ידעך ויבא עלימו אידם חבלים יחלק באפו׃ |
18 Nga sila ingon sa uhot sa atubangan sa hangin, Ug sama sa tahop nga mapalid sa bagyo?
| יהיו כתבן לפני רוח וכמץ גנבתו סופה׃ |
19 Kamo magaingon: Ang Dios nagatagana sa iyang igdadaut alang sa iyang mga anak. Pasagdi siya nga magahatag kaniya sa iyang balus, aron siya masayud niana:
| אלוה יצפן לבניו אונו ישלם אליו וידע׃ |
20 Ipatan-aw sa iyang kaugalingong mga mata ang iyang pagkalaglag, Ug paimna siya sa kaligutgut sa Makagagahum.
| יראו עינו כידו ומחמת שדי ישתה׃ |
21 Kay unsay kawilihan niya sa iyang balay nga gitalikdan niya, Sa diha nga pagaputlon na ang gidaghanon sa iyang mga bulan?
| כי מה חפצו בביתו אחריו ומספר חדשיו חצצו׃ |
22 May arang ba nga makatudlo sa Dios ug kanibalo, Sanglit siya ang nagahukom niadtong atua sa kahitas-an?
| הלאל ילמד דעת והוא רמים ישפוט׃ |
23 Kining usa mamatay sa kalig-on sa iyang kabaskug, Nga anaa sa dakung kalinaw ug kahusay:
| זה ימות בעצם תמו כלו שלאנן ושליו׃ |
24 Puno sa gatas ang iyang mga baldi, Ug ang utok sa iyang kabukogan magaumog.
| עטיניו מלאו חלב ומח עצמותיו ישקה׃ |
25 Ug kadtong usa mamatay sa kapait sa iyang kalag, Ug dili gayud makatilaw sa bisan unsa nga maayo.
| וזה ימות בנפש מרה ולא אכל בטובה׃ |
26 Sa walay kalainan, sa abug sila magahigda, Ug ang wati magatabon kanila.
| יחד על עפר ישכבו ורמה תכסה עליהם׃ |
27 Ania karon, ako nasayud sa inyong mga hunahuna, Ug sa mga lalang nga buot ninyong idaut kanako.
| הן ידעתי מחשבותיכם ומזמות עלי תחמסו׃ |
28 Kay kamo nagaingon: Hain ba ang balay sa principe? Ug hain ba ang balong-balong nga gipuy-an sa tawong dautan?
| כי תאמרו איה בית נדיב ואיה אהל משכנות רשעים׃ |
29 Wala ba ninyo mapangutana kadtong mga magpapanaw? Ug wala ba kamo mangasayud sa mga kamatuoran nila,
| הלא שאלתם עוברי דרך ואתתם לא תנכרו׃ |
30 Nga ang mga tawong dautan ginatagana sa adlaw sa kagul-anan? Nga sila pagadad-on ngadto sa adlaw sa kaligutgut?
| כי ליום איד יחשך רע ליום עברות יובלו׃ |
31 Kinsa ang mopahayag sa iyang nawong sa iyang dalan? Ug kinsa ang magabalus kaniya sa iyang nabuhat?
| מי יגיד על פניו דרכו והוא עשה מי ישלם לו׃ |
32 Ngani igahatud siya ngadto sa lubnganan, Ug ang mga katawohan magabantay sa ibabaw sa iyang lubong.
| והוא לקברות יובל ועל גדיש ישקוד׃ |
33 Matam-is kaniya ang mga umol nga yuta sa kawalogan, Ug ang tanang tawo kaniya mosunod, Ingon nga daghanan man uyamut ang nag-una kaniya.
| מתקו לו רגבי נחל ואחריו כל אדם ימשוך ולפניו אין מספר׃ |
34 Busa unsa may pulos sa inyong mga paglipay kanako, Sanglit sa inyong mga tubag maoy makita ang lonlon kabakakan?
| ואיך תנחמוני הבל ותשובתיכם נשאר מעל׃ |
