Yoube 31
1 Na da uda eno mae magesa: i ba: ma: ne, Godema dafawaneyale ilegele sia: i.
| ברית כרתי לעיני ומה אתבונן על-בתולה |
2 Gode Bagadedafa da ninima adi hamosala: ? E da habodane osobo bagade dunu ilia houba: le dabe iabela: ?
| ומה חלק אלוה ממעל ונחלת שדי ממרמים |
3 E da wadela: le hamosu dunuma gugunufinisisu hou amola wadela: lesisu hou iasisa.
| הלא-איד לעול ונכר לפעלי און |
4 Gode da na hamobe liligi huluane dawa: E da na osa: le gagabe huluane ba: lala.
| הלא-הוא יראה דרכי וכל-צעדי יספור |
5 Na da dafawane ilegele sia: sa! Na da wadela: le hamedafa hamosu. Amola na da eno dunuma hamedafa ogogosu.
| אם-הלכתי עם-שוא ותחש על-מרמה רגלי |
6 Gode da moloidafa dioi defesu amo da: iya, na adoba: mu da defea. Amasea, na hou da moloidafa, E da ba: mu.
| ישקלני במאזני-צדק וידע אלוה תמתי |
7 Na da logodafa fisiagai ganiaba, o wadela: le hamomu hanai ganiaba, o na lobo da wadela: le hamoiba: le ledo hamoi ganiaba,
| אם תטה אשרי מני הדרך ואחר עיני הלך לבי ובכפי דבק מאום |
8 defea, na ha: i manu bugi da wadela: lesi dagoi ba: mu da defea, amola dunu enoga na bugi moma: mu da defea gala: loba.
| אזרעה ואחר יאכל וצאצאי ישרשו |
9 Na da na na: iyado idua hanaiwane ba: i ganiaba, amola amo uda ea logo ga: su gadili wamoaligi ouesalebe ba: i ganiaba,
| אם-נפתה לבי על-אשה ועל-פתח רעי ארבתי |
10 defea, na uda da eno dunu ea ha: i manu gobemu, amola e da dunu eno amola gilisili golamu da defea gala: loba.
| תטחן לאחר אשתי ועליה יכרעון אחרין |
11 Nowa da agoane wadela: le hamosea, ilima se iasu da bogosu ba: mu da defea.
| כי-הוא (היא) זמה והיא (והוא) עון פלילים |
12 Na da agoane wadela: i hou hamoi ganiaba, amo hou da gugunufinisisu Helo lalu defele ba: la: loba. Amola amo lalu da na gagui huluane na dagola: loba.
| כי אש היא עד-אבדון תאכל ובכל-תבואתי תשרש |
13 Musa: , na hawa: hamosu dunu ilia da nama egasea, na da ilia sia: nabalu, ilima moloidafa hamosu.
| אם-אמאס--משפט עבדי ואמתי ברבם עמדי |
14 Na da amane hame hamoi ganiaba, na da Gode Ea midadi habodane leloma: bela: ? Gode da nama fofada: musa: masea, na da Ema adi sia: ma: bela: ?
| ומה אעשה כי-יקום אל וכי-יפקד מה אשיבנו |
15 Gode da na da: i hahamoi. Amola Ea da na hawa: hamosu dunu ili amolawane hahamoi dagoi.
| הלא-בבטן עשני עשהו ויכננו ברחם אחד |
16 Na da hame gagui dunu fidimusa: hamedafa hihi. Na da didalo uda ili se nabawane esaloma: ne, hamedafa yolesi.
| אם-אמנע מחפץ דלים ועיני אלמנה אכלה |
17 Na da ha: i sadini nanu, guluba: mano ha: aligi esaloma: ne hamedafa yolesi.
| ואכל פתי לבדי ולא-אכל יתום ממנה |
18 Na esalusu huluane amoga na da amo hahani dunu noga: le ouligilalusu.
| כי מנעורי גדלני כאב ומבטן אמי אנחנה |
19 Na da hame gagui dunu amo da abula bidi lamu hamedei ba: loba,
| אם-אראה אובד מבלי לבוש ואין כסות לאביון |
20 na da sibi hinabo amo na da na sibi wa: iga lai, amoga hamoi abula ema iasu. Amalalu, e da nama nodosu.
| אם-לא ברכוני חלצו ומגז כבשי יתחמם |
21 Na da fofada: su diasuga hasalimu dawa: bela: le, guluba: mano afae ema ogogole hamoi ganiaba,
| אם-הניפותי על-יתום ידי כי-אראה בשער עזרתי |
22 na lobo fimu amola na ougia dagalisi dagoi ba: mu da defea gala: loba.
| כתפי משכמה תפול ואזרעי מקנה תשבר |
23 Na da agoai hou hamomu hamedafa dawa: i. Bai na da Gode Ea se dabe imunu amoga beda: sa.
| כי פחד אלי איד אל ומשאתו לא אוכל |
24 Na da bagade gagui hou amo da bai bagadeyale hamedafa dawa: su.
| אם-שמתי זהב כסלי ולכתם אמרתי מבטחי |
25 Amola na da bagade gaguiba: le, hame hidasu.
| אם-אשמח כי-רב חילי וכי-כביר מצאה ידי |
26 Na da eso ea hadigi amoma nodone hame sia: ne gadosu. Amola oubi gela: gegei amoma nodone hame sia: ne gadosu.
| אם-אראה אור כי יהל וירח יקר הלך |
27 Na wadela: le hamoma: ne, na da ili (oubi amola eso) amoma asigi sia: musa: , na lobo nonogonanu hame oleagasu.
| ויפת בסתר לבי ותשק ידי לפי |
28 Agoai wadela: i hou amoma se dabe iasu da bogosu ba: mu da defea. Amo wadela: i hou da Gode da hame esala, amo defele olelesa.
| גם-הוא עון פלילי כי-כחשתי לאל ממעל |
29 Nama ha lai dunu da se nababeba: le, na da hamedafa nodosu. Amola gugunufinisisu hou ilima doaga: beba: le, na hame nodosu.
| אם-אשמח בפיד משנאי והתעררתי כי-מצאו רע |
30 Na da ili bogoma: ne, na da hamedafa wadela: le sia: ne gadoi.
| ולא-נתתי לחטא חכי-- לשאל באלה נפשו |
31 Nama hawa: hamosu dunu huluane da na da eso huluane ga fi yosia: sa, amo dawa:
| אם-לא אמרו מתי אהלי מי-יתן מבשרו לא נשבע |
32 Na da lalusu dunu na diasuga aowamusa: misa: ne sia: su. Ilia udigili logoga golasa: besa: le, na ili aowasu.
| בחוץ לא-ילין גר דלתי לארח אפתח |
33 Dunu oda ilia da ilia wadela: i hou wamolegemusa: dawa: Be na da na wadela: i hou hamedafa wamolegesa.
| אם-כסיתי כאדם פשעי-- לטמון בחבי עוני |
34 Na da eno dunu ilia sia: be amoga hame beda: su. Ilia gadesu hou amoma beda: iba: le, na da hame ouiya: su amola diasu gelabo ganodini hame ouesalusu.
| כי אערוץ המון רבה-- ובוז-משפחות יחתני ואדם לא-אצא פתח |
35 Dunu afae da na sia: nabima: bela: ? Na da Gode Bagadedafa Ea Dioba: le ilegele sia: sa. Na sia: huluanedafa da dafawane. Gode Hi da nama adole imunu da defea. Ilia da fofada: su liligi amo nama ha lai dunu da nama fofada: nanu, amo huluane na ba: ma: ne dedene legemu ganiaba,
| מי יתן-לי שמע לי-- הן-תוי שדי יענני וספר כתב איש ריבי |
36 na da na gida da: iya hahawane gasisalala: loba amola habuga agoane na dialuma da: iya figisila: loba.
| אם-לא על-שכמי אשאנו אענדנו עטרות לי |
37 Na da na hamoi hou huluane Godema adola: loba, amola Ea midadi na moloi hou dawa: beba: le, na dialuma mae fili guduli, hahawane lela: loba.
| מספר צעדי אגידנו כמו-נגיד אקרבנו |
38 Be na da na bugili nasu soge, amo soge edadafa ilima wamolai ganiaba,
| אם-עלי אדמתי תזעק ויחד תלמיה יבכיון |
39 na da ha: i manu amogai bugi mai ganiaba, amola ifabi hawa: hamosu ilima ha: i manu hame iabeba: le, ilia ha: ga bogomu logo doasi ganiaba,
| אם-כחה אכלתי בלי-כסף ונפש בעליה הפחתי |
40 defea amo sogega widi amola bali mae heda: le, udigili gagalobo amola aya: gaga: nomei gisi heda: mu da defea gala: loba.” Yoube ea sia: da dagoi wea.
| תחת חטה יצא חוח--ותחת-שערה באשה תמו דברי איוב |
