Əyyub 18
1 Şuahlı Bildad belə cavab verdi:
Respondens autem Baldad Suhites, dixit:
2 «Bu sözlər nə vaxt qurtaracaq? Əgər dərrakəli olsanız, danışarıq.
Usque ad quem finem verba iactabitis? intelligite prius, et sic loquamur.
3 Niyə heyvana bənzəyək? Gözlərinizə axmaq kimi görünək?
Quare reputati sumus ut iumenta, et sorduimus coram vobis?
4 Özünü hirsindən didib-dağıdırsan. Sənə görə bu aləmdən vaz keçəkmi? Yoxsa sal qayalar yerindən çıxsın?
Qui perdis animam tuam in furore tuo, numquid propter te derelinquetur terra, et transferentur rupes de loco suo?
5 Bəli, şər insanın işığı sönəcək, Odu-alovu parlamayacaq.
Nonne lux impii extinguetur, nec splendebit flamma ignis eius?
6 Çadırında nur qaranlığa dönəcək, Yanındakı çıraq sönəcək.
Lux obtenebrescet in tabernaculo illius, et lucerna, quae super eum est, extinguetur.
7 Addımları gücdən düşəcək, Öz işlətdiyi fənddən yıxılacaq.
Arctabuntur gressus virtutis eius, et praecipitabit eum consilium suum.
8 Ayaqları onu tələyə aparacaq, Öz ayağı ilə tora düşəcək.
Immisit enim in rete pedes suos, et in maculis eius ambulat.
9 Kəmənd topuğundan tutacaq, Tələ açılıb onu qapacaq.
Tenebitur planta illius laqueo, et exardescet contra eum sitis.
10 Torpaq üstə onun üçün gizli kəmənd səriləcək, Yolu üstə onu tələ gözləyəcək.
Abscondita est in terra pedica eius, et decipula illius super semitam.
11 Dəhşət onu hər tərəfdən bürüyəcək, Hər addımda onu təqib edəcək.
Undique terrebunt eum formidines, et involvent pedes eius.
12 Aclıq taqətini yeyib-qurtaracaq, Yanında fəlakət hazır dayanacaq.
Attenuetur fame robur eius, et inedia invadat costas illius.
13 Dərisini azar yeyəcək, Ölümün ilk övladı əzalarını yeyib işini bitirəcək.
Devoret pulchritudinem cutis eius, consumat brachia illius primogenita mors.
14 Əmin-amanlıq çadırından atılacaq, Dəhşətlər padşahının yanına aparılacaq.
Avellatur de tabernaculo suo fiducia eius, et calcet super eum, quasi rex, interitus.
15 Çadırında ona aid heç nə olmayacaq, Yurduna kükürd yağacaq.
Habitent in tabernaculo illius socii eius, qui non est, aspergatur in tabernaculo eius sulphur.
16 Aşağıda rişələri quruyacaq, Yuxarıda budaqları solacaq.
Deorsum radices eius siccentur, sursum autem atteratur messis eius.
17 Onun adı yer üzündə unudulacaq, Məhəllə-küçələrdə adı yaddan çıxacaq.
Memoria illius pereat de terra, et non celebretur nomen eius in plateis.
18 İşıqdan zülmətə aparılacaq, Dünyadan qovulacaq.
Expellet eum de luce in tenebras, et de orbe transferet eum.
19 Nə övladı, nə nəvəsi xalqı arasında olmayacaq, Məskənində bir kimsəsi qalmayacaq.
Non erit semen eius, neque progenies in populo suo, nec ullae reliquiae in regionibus eius.
20 Qərbdəkilər halına heyrətlənəcək, Şərqdəkilər onu görüb dəhşətə gələcək.
In die eius stupebunt novissimi, et primos invadet horror.
21 Bəli, pislərin həyatının aqibəti budur, Allahı tanımayanların məskəni budur».
Haec sunt ergo tabernacula iniqui, et iste locus eius, qui ignorat Deum.
